Basha në Kamëz, më 16 shkurt – ta shpëtojmë Shqipërinë nga banda e Edi Ramës!
Turin e takimeve me qytetarët, Kryetari i Partisë Demokratike, Lulzim Basha, e vazhdoi në Kamëz ku u takua me qytetarët e prekur nga përmbytjet në Valias, aty ku Edi Rama premtoi 700 mijë euro për përballimin e emergjencës por sërish mashtroi! Asnjë cent dëmshpërblim 700 familjeve të përmbytura!
“E mbaj mend shumë mirë atë ditë kur reshjet arritën kulmin dhe kjo zonë u përmbyt e gjitha. Kam qenë tek shumë prej jush dhe kam parë me sytë e mi se si banesat kishin dalë tërësisht jashtë funksionit. Kam parë me dhimbje të madhe, më është dashur të përmabja veten, kur shikoja lot të prindërve sepse i gjithë mundi i jetës së tyre dhe kursimet e fëmijëve nga emigracioni i kishte marrë lumi,” Lulzim Basha, duk kujtuar se në krye të detyrës ishin vetëm punonjësit e bashkisë dhe kryetari i bashkisë. Asnjë zyrtar i shtetit, i qeverisjes qëndrore nuk shihej. Edhe kur i kërkonin në telefon në raste emergjence nuk dukeshin.
“Vetëm pas tre apo katër ditësh kur situata u qetësua, por gjendja vazhdonte të mbetej e mjerë, erdhi fantazma. Erdhi dhe lëshoi dy apo tre batura e barcaleta, u rrahu krahun dy tre punëtorëve të bashkisë që po punonin, dhe i tha kryetarit, do të kesh fodnin 700 mijë Euro që të përballosh emergjëncën. Natyrisht ishte një tjetër mashtrim. Asnjë kokërr leku nuk iu dha Bashkisë së Kamzës. Asnjë cent dëmshpërblim 700 familjeve të cilët u përmbytën për shkak jo vetëm të motit por paklujdesisë dhe neglizhencës së Edi Ramës”
Dhe, Edi Rama tallet me familjet e përmbytura, sikurse tallet me të gjithë shqiptarët:
“Ndërsa vetë sipas investigimit të medias, me njërëzit dhe familjarët e tij, 4 milionë euro ka fituar vetëm për një ditë me ujin e KESH-it. Uji, kthehet në mallkim për njerëzit e thjeshtë dhe kthehet në pasurim për Edi Ramën. Kjo është Shqipëria që ka ndërtuar Edi Rama. Kur vjen fjala tek ekonomia, bujqësia, ndihma sociale, apo tek studentët, shëndetësia, qeverisja e Edi Ramës përcaktohet me një fjali: ‘Merri shumicës dhe jepja vetes tënde.’ Kjo nuk është qeverisje, kjo është hajdutëri me ligj,” tha Lulzim Basha në takim me banorët e prekur nga përmbytjet e vitit të kaluar duke shtuar se nuk ishte aty të kujtoj thjesht problemet e tyre, por t’ju thotë se politikisht është shteruar çdo mjet për zgjidhje.
“Ne, Partia Demokratike, kemi dalë përballë betejave, duke pasur mbështetjen e qytetarëve edhe të të majtëve, për dekriminalizimin, për ndarjen e politikës nga krimi, për platformën tonë antimafia, për oligarkinë. Që t’jua marrim lekët kudo që t’i kenë, t’ua marrim paratë që ua kanë marrë shqiptarëve dhe t’ua kthejmë shqiptarëve,” tha kryetari i PD, duke rikujtuar se të gjitha betejat politike kanë ndeshur në murin e mohimit nga Edi Rama dhe nga banda me të cilën sundon shqiptarët.
“Ne i kuptojmë shumë mirë prioritetet e vendit dhe kemi zgjidhje konkrete për vendin. Kemi zgjidhje për ekonominë që sot është në kolaps për shkak të një njeriu që vjedh brenda një ditë 4 milionë euro nga pasuria publike. Kemi zgjidhje për papunësinë që është plaga më e madhe e familjeve. Nuk kërkojnë mëshirë, nuk kërkojnë lëmoshë. Janë katandisur në këtë ditë, shumë prej këtyre familjeve që nuk marrin ndihmë sociale, sepse nuk ka punë, jo sepse nuk duan të punojnë,” tha Luzim Basha duke theksuar se PD ka zgjidhje për ti dhënë fund papunësisë, ashtu si edh zgjidhjee për shëndetësinë që është në kolapsin e vetë më të keq, nga njëra anë sepse lekët e shëndetësisë i marrin 3-4 oligarkë, dhe nga ana tjetër sepse infermierët dhe mjekët po largohen nga Shqipëria.
Por këto zgjidhje nuk mund të zbatohen pa marrë një zgjidhje të madhe për problemin që ka Shqipëria. Shqipëria sot nuk qeveriset por sundohet nga një bandë. Ne politikisht kemi shteruar çdo mjet për ta zgjidhur këtë, tha kryetari i Partisë Demokratike, Lulzim Basha, para qytetarëve të Kamzës duke shtuar se sot kërkon ndihmë për zgjidhje, siç e zgjidh çdo popull evropian:
“Zgjidhja tani nuk është më në duart e një partie politike apo të një aleance opozitare, zgjidhja është në duart e qytetarëve shqiptarë. Ju ftoj që me zgjidhjen në mendjen dhe shpirtin tuaj të vini e të marshoni më 16 shkurt në Tiranë.”
