Basha në Kuvend, njësitet e tij guerile kundër PD
Sot kur në Pallatin e Kongreseve me vendim të Kryesisë së shkarkuar të PD zhvillohet Kuvendi Kombëtar ndërsa Komisioni për Rithemelimin e PD organizon Referendumin për ratifikimin e vendimit të Kuvendit të ligjshëm Kombëtar për shkarkimin e Lulzim Bashës, kemi dy realitete : Atmosferë festive në Pallatin e Kongreseve dhe përdhosje të selive të Degëve të PS!
Për të dyja këto realitete është kujdesur Kryetari i shkarkuar Lulzim Basha me mbështetësit e tij dhe njësistet guerile që sulmuan selitë e PD edhe në kryeqytet, skena që nuk janë parë as kundë selive të PS.
Në selinë e Partisë Demokratike Dega 1 në Tiranë, sot Kryetari i Degës 1 në Tiranë, Fetah Hasanaj, është përballur me një skenë që do ti ishin lakmi dhe regjisorët e filave horror, derë me dry dhe shkallë përplot me vaj makine për të penguar hyrjen në këtë seli.
“Në Degën nr. 1 Tiranë gjatë natës, persona të panjohur kanë bllokuar bravën e derës së qendrës së votimit me silikon dhe kanë derdhur vaj makine nëpër shkallë për të penguar procesin e votimit. Është për të ardhur keq për bravaxhinjtë. Nuk e pengojnë dot vullnetin e anëtarëve të PD për të shprehur vullnetin e tyre,” tha Kryetari i Degës 1 në Tiranë, Fetah Hasanaj, skenë kjo që për fat të keq nuk është e vetme dhe për të cilat aksione guerile Lulzim Basha dhe ata që ka përreth nuk u distancua.
Nuk u distancua as atëherë kur njësitet e tij guerile dhunuan edhe selinë në Degën e PD që ai i takon. Mesazhi që japin këta guerilë është shkëputur nga fjalimet e Lulzim Bashës:
“PS Toms Doshi!”
Kështu me Kuvendin e 18 Dhjetorit edhe mund të mburret Lulzim Basha si dhe me përfundimin e punimeve, por jo me produktin që dha drejtimi i tij i Partisë Demokratike, i cila sipas logjikës së tij tashmë ka dy parti, PD dhe PS e Tom Doshit!
Ndërsa përfundimi i Referendumit nga ana tjetër do të tregoj se cili do jetë rezultati në luftën kundër guerilëve të Lulzim Bashës dhe regjimit të Edi Ramës i cili po vepron me dhunë ndaj demokratëve jo vetëm në Qarkun e Fierit, një gjë është e sigurt, PD kurrë nuk do të jetë si ajo e 25 Prillit dhe nuk do ti shërbej njeriu në këtë botë.
