Basha në Kuvend: Rama është vetëofruar për 600 mijë sirianë, ja pse nuk hapen negociatat
Kryetari i PD Lulzim Basha nuk ka lëvizur nga foltorja e Kuvendit dhe ka denoncuar prej aty, futjen e zhurmuesit në Kuvend, ndërprerjen e internetit me qëllim që opozita të mos publikonte fjalën e saj të ndërprerë nga Rama e Ruçi, në rrjetet sociale.
Por Basha nuk ka hequr dorë së përsërituri rezolutën e fundit të qeverisë gjermane se Shqipëria nuk është gati për hapjen e negociatave dhe se këtu e ka burimin, vetëofrimi i Ramës për të marrë 600 mijë refugjatë me synimin për të blerë heshtjen e Europës.
“Keni futur zhurmues për të ndërprërë fjalën e opozitës. Pyes se cili vend tjetër ndalon internetin për t’i ndërprerë fjalën opozitës, që të mos dëgjohet e vërteta?
Janë vetëm të falimentuara, të shkatërruara, të mjeruara. Pse e hiqni fjalën për të vërtetën që e di sot e gjithë Europa?
Sepse kryeministri, kryegjyqtari, kryeprokurori madje edhe kryeredaktori do të informojë mediat se negociatat po hapen.
Por verdikti i qeverisë gjermane është se Edi Rama ka mashtruar dhe nuk i ka kryer detyrat dhe kjo është arsyeja pse qeveria gjermane e mori këtë vendim.
Dhe do të ishte më keq nëse nuk do të ishte qëndrimi i opozitës shqiptare….
(Rama i ndërpret fjalën Bashës duke qeshur me zë të lartë, pasuar nga deputeti Taulant Balla në sallë)
Basha ka pyetur Ramën dhe Ballën: Pse po zgërdhiheni?!
Tani është vetëofruar për të futur 600 mijë, për të ndërmarrë një operacion që nuk e përballojnë as vendet e Europës. Nuk ka ansjë pikë keqardhje për shqiptarët që po largohen dhe papritur i vjen keq për sirianët! Atij nuk i bëhet vonë as për sirinë e as për afganë, por vetëm për veten e tij. E bën për shpresën se do t’i harrojnë driogën, krimin, korrupsionin dhe do të blejë heshtjen e Europës me refugjatët!”, theksoi Basha.
Në vijim, kreu democrat ftoi qytetarët që të mos humbasin shpresën.
“Ai është i keq, por nuk reflekton aspak aspiratën tonë për të qenë pjesë e Europës, por reflekton pabesueshmërinë totalë të kësaj qeveria te lidhur me krimin e oligarkët për të kryer detyrat e ngarkuara.
Pse Maqedonisë i rekomandohet hapja e negociatave pa kushte, kurse Shqipërisë i vihen kushte të rënda?
Sepse Edi Rama kryeson sot një qeveri rekord korrupsioni, që në vetëm 5 vite e gjysmë ta kthejë Shqipërinë në prodhuesin më të madhe për frymë në planet? Sepse ky ka kryer një krim të pafalshëm: Ka shkatërruar ekonominë.
Ka mbyllur ditë për ditë bizneset, ka taksat më të larta në Europë dhe e ka shndërruar Shqipërinë në Kolumbinë e Europës.
Ai ka vrarë shpresën dhe ky është krimi më i rëndë i këtij eksperimenti të dështuar e me kosto që quhet Edi Rama dhe Rilindja e tij kriminale”, vijoi Basha.
