Basha nga Kalimashi: Ndryshimi i parë pas 25 Prillit, heqja e traut në Rrugën e Kombit

Vota më 25 prill për PD, për nr.9, është votë për heqjen e traut! Kështu u shpreh nga Kalimashi, Kryetari i Partisë Demokratike, Lulzim Basha, duke e bërë të qartë se ndryshimi i parë pas 25 Prillit, për çdo shqiptare e shqiptar nga Konispoli në Podujevë do jetë, heqja e traut në Rrugën e Kombit.

”Vëllezër dhe motra, zonja dhe zotërinj. Shikojeni, edhe tre javë tra. Më 25 prill Shqipëria voton ndryshimin, Kukësi voton ndryshimin. Dhe ndryshimi i parë për çdo shqiptare e shqiptar nga Konispoli në Podujevë do jetë heqja e traut. Nuk ka kaluar shumë kohë, nga ai moment që na i mbushi zemrat me një besim si qytetar të një kombi që ndërtoi tunelin më të gjatë në Ballkan që lidhi Shqipërinë me Kosovën,” tha Lulzim Bashah në rrugëtimin e tij drejt qytetit të Kukësit duke shtuar se vite me radhë, ai që për dy javë e gjysmë do largohet me votën më masive që kërkojnë ndryshim, nuk bëri asgjë, por përkundrazi i futi shkopinj nën rrota Kosovën, shkatërroi ekonominë tonë, uli marrëdhëniet ekonomike-politike në nivelin më të ulët.

Dhe jo vetëm kaq! Kryetari i PD, Lulzim Basha iu përgjigjë edhe entuziazmit të fitores që e priti në Kalimash duke u zotuar se do t’ia kthej dinjitetin djemëve dhe vajzave të Kukësit.

“Ne ndërtuam rrugën, ai vuri tunelin. Vota më 25 prill për PD, për nr.9, është votë për heqjen e traut. Kostot e shtuara financiare që kanë ulur punësimin mes dy vendeve, do funksionojmë si një trup i vetëm. Kështu do e bëjmë të mundur. Që djemtë e vajzat e Kukësit të punojnë e jetojnë me dinjitet, dhe të kthehet në qendër ekonomike, universitare dhe krenarie kombëtare për Shqipëri e Kosovë. Faleminderit.”