Basha parashikon fatin e Fatmir Xhafajt: Po presim me qetësi

Kryetari i PD, Lulzim Basha, tha se opozita qëndron fuqishëm prerë dhe vendosmërisht, për largimin e Fatmir Xhafajt, duke shprehur siguri se ai do të largohet.

Deklarata e Lulzim Bashës

Dua ta them sot qartë dhe shkoqur

Partia Demokratike, opozita qëndron fuqishëm prerë dhe vendosmërisht, për largimin e Fatmir Xhafajt. Fatmir Xhafaj do të ikë. Agron Xhafaj është trafikant droge në Itali dhe Shqipëri.

Refugjatët sirianë, nuk e shpëtojnë dot.

Nuk e shpëtojnë dot as prokurorët që po montojnë një skenar qesharak dhe idiot si ato që montonte Fatmiri kur ishte hetues i Sgurimit të Shtetit dhe detyronte me tortura të pafajshmit, të pranonin që ishin të fajshëm.

Nuk e shpëton dot as propaganda.

Fatmir Xhafaj dhe Edi Rama vetëm sa po e fundosin më shumë veten e tyre.

Unë dhe PD po presim me qetësi të shohim se ku do t’i çojë dëshpërimi dhe budallallëku i tyre.