Basha propozime për Koronavirusin, Kryeministri Rama ironi nga bunkeri: Fli o xhan…

Pandemia e koronavirusit ka bllokuar ekonominë dhe jetën në Evropë ndërsa kërcënon edhe krizë globale, por Kryeministri Edi Rama nuk po i ndahet dot politikës dhe batutave të tij primitive ndonëse është ngujuar në bunkerin e tij në Surrel që tashmë i ka dhënë përgjigje edhe kurizozitetit qytetar mbi arkitekturën e tij.

Pasi Kryetari i Partisë Demokratike, Lulzim Basha, përsëriti masat e tij për të përballuar krizën e krijuar nga koronavirusi duke shtuar se janë lehtësisht të zbatueshme, Kryeministri Edi Rama ka nxituar ta përbaltë liderin e opozitës dhe propozimet e tij me një fjalor i cili vetëm nga bunkeri del ndonëse u transmetua përmes rrjetit social Twitter:

“Mirë virusi e mirë gjithë ky mal me halle mbi kokën e popullit, po s’të lë as 7×7=42-shi me masat fantastike që i përsërit duke folur në gjumë! Fli o xhan fli se të erdhi dita po pas duarve laj edhe sytë që ta kuptosh se je zgjuar e mos i tregosh miletit si duket virusi nga Hëna!”

Kështu, pas shfaqjes së koronavirusit dhe viktimave që po lë çdo ditë e më shumë, të pasurit po reflektojnë se paraja që kanë nuk është asgjë kur beteja për jetën vazhdon, kompanitë nuk mendojnë më për planet e tyre afatgjate të fitimeve, vetëm Edi Rama vazhdon dhe mendon për pushtetin e tij dhe nuk e pranon bashkëpunimin e opozitës. Këtë e dëshmon edhe reagimi i tij i fundit i cili nuk ka lidhje as me civilizimin, as me shtetin, as me ligjin dhe aq më pak Kanunin!