Basha: Qytetarët, viktima të masakrës elektorale! Ministrat e BE: Vëmendje të veçantë raportit të OSBE/ODIHR
BE do të ketë një vëmendje të veçantë në raportin e OSBE/ODIHR siguruan ministrat e jashtëm të Austrisë, Çekisë dhe Sllovenisë, në takim me Kryetarin e PD, Lulzim Basha, pasi dëgjuan dhe shqetësimet e opozites në lidhje me tjetërsimin e vullnetit të zgjedhësve më 25 Prill, ku Basha i siguroi ministrat se Partia Demokratike do të bëjë gjithçka mundet në kapacitetin e saj për procesin e integrimit, si interesi me i madh kombëtar për vendin dhe për të përmirësuar jetën dhe të ardhmen e qytetarëve shqiptarë.
Në qendër të diskutimit të këtij takimi ishin dhe procesi zgjedhor i 25 prillit 2021 .
“Në këto zgjedhje qeveria përdori të gjithë mekanizmat, që nga administrata dhe fondet publike, tek personat e inkriminuar dhe paratë e krimit dhe korrupsionit për të tjetërsuar vullnetin e zgjedhësve. Viktima e kësaj masakre zgjedhore janë fatkeqësisht qytetarët shqiptarë të cilët duan ndryshim dhe një jetë më të mirë për familjet e tyre,” tha Luzim Basha ndërsa Ministrat nga ana e tyre u shprehën se BE dhe vendet anëtare do të ndjekin me vëmendje maksimale zhvillimet post-zgjedhore në Shqipëri:
“Do të ketë një vëmendje të veçantë në raportin e OSBE/ODIHR dhe gjithashtu në vendimmarrjet e organeve administrative të zgjedhjeve dhe ato gjyqësore.”
Një theks të veçantë ato i vendosën procesit të integrimit që do të thotë një vëmendje edhe më të madhe të BE-së ndaj Shqipërisë, ku Basha nënvizoi rolin e BE për vendin tonë dhe nevojën për të bashkërenduar forcat:
“Për të nxitur përmbushjen e kushteve nga Shqipëria, sidomos ne luftën kundër krimit dhe korrupsionit, ndarjen e politikës nga krimi dhe funksionimin e shtetit të së drejtës,” tha Kryetari i PD, Lulzim Basha duke shprehur vullnetin e palëkundur të Partisë Demokratike për të vazhduar betejën për ndryshimin për të cilin vendi ka shumë nevojë.
Ndryshe, ministrat e Jashtëm të Austrisë, Çekisë dhe Sllovenisë si përfaqësues të vendeve të “Grupit C5” të kryesuar nga Ministri i Jashtëm i Sllovenisë, Anze Logar, i cili merr Presidencën e radhës të BE më 1 korrik 2021, po qëndrojnë në Tiranë në një vizitë zyrtare ku për të njohur nga afër me realitetin shqiptar po zhvillojnë takime me liderët politikë dhe institucional të Shqipërisë.
