Basha-Ramës: Gjykata Kushtetuese bosh i shërben kryeshejtanit për t’u mbrojtur nga afera 200 milionëshe

Kryetari i PD, Lulzim Basha, i është përgjigjur po përmes rrjeteve sociale një komenti të Kryeministrit Edi Rama, sipas të cilit më mirë djepi të jetë bosh sesa të ketë djallin brenda.

Rama përmes komentit i është përgjigjur akuzave të opozitës lidhur me Vettingun në drejtësi, duke e cilësuar proçesin një operacion të pjesës së kancerizuar të sistemit.

Por Basha në një përgjigje të tij thekson se djepi bosh i Gjykatës Kushtetuese i duhet kryeshejtanit për të mbrojtur mega aferën 200 milionë Euro me grabitjen e Teatrit Kombëtar.

“Ndërsa shejtanët në djepin e Prokurorisë ju duhen për të mbrojtur lidhjet me krimin dhe aferat korruptive, nga Tahiri te Xhafaj, nga Dako te Veliaj, nga Gjiknuri te Ahmetaj, nga Sejdini te Roshi me shokë”, shkruan Basha.