Bashkëbisedimi i opozitës/ Një gjetje artistësh, Mima: Qeveria po bëhet gati të koncesionojë 13.7 miliardë €

Gjatë bashkëbisedimit për buxhetin 2019 me perfaqësues të biznesit, ekspertë, gazetarë e grupe interesi, deputeti Florion Mima ka denoncuar tentativën e Edi Ramës që nëpërmjet një buxheti prej 13.7 miliardë eurosh të tjetërsojë krejtësisht asetet kryesore të ekonomisë shqiptare:

“Qeveria po bëhet gati të koncesionojë 13.7 miliardë euro,” tha Mima duke shtuar:

” Ajo synon të ngrejë një koorporatë publike që synon tjetërsimin e pronave publike. Që të jetë e lirë, qeveria ka parashikuar bile që Koorporata, gjatë punës së vet për privatizimet, nuk do të ndjekë rregullat e njohura të ankandit, por do të veprojë me rregulla të miratuara nga bordi. Pra, një gjetje artistësh. Ky do të jetë buxheti i fundit i kësaj qeverie me sa duket”, tha Mima.