“Bashkëqeverisja e Kryeministrit”/ Studentët në Protesta, Rama në Platformë…

Kryeministri Edi Rama nuk ka denjuar të zgjidh problemi me kërkesat e studentëve por nga çdo tubim ose mbledhje u ka bërë thirrje studentëve që ti nënshtrohen modelit të tij të zgjidhjes së problemit, mediatikisht!

Sot, në takimin e përjavshëm të “Bashkëqeverisjes”, duke këmbëngulur se platforma është rruga më e shkurtër për të arritur në zgjidhjen e shqetësimeve, ai u ka bërë thirrje qytetarëve ti drejtohen asaj, që ai e quan, sukses të padiskutueshëm.

“Presioni që ushtron qytetari nëpërmjet platformës për të kërkuar të drejtën e vet është maksimal. Nuk ka asnjë shans, që të shmangen, në rast të kundërt do të ndëshkohet deri në largim nga puna dhe çuarjen e rasteve deri në prokurori nëse ka dyshime për korrupsion. Platforma është rruga e sigurtë dhe sukses i padiskutueshëm për çdo qytetar. Qytetari nuk ka nevojë të fusë dorën në xhep.”

Duke vazhduar të jetoj në botën virtuale edhe pse sot asnjë punë e rëndësishme në administratën e Edi Ramës nuk mund të zgjidhet pa e fut dorën në xhep, për të vetmen punë që varet nga kryeministri dhe jo nga xhepi, pra kërkesat e studentëve, ai thekson se pwr çdo problem që kanë, të drejtohen në faqe dhe do të marrin përgjigje në kohë reale.

“Pata një përmbytje të telefonit javën e kaluar nga studentët, por megjithëse e kemi çuar në sekretaritë e studentëve, përsëri ka shumë pyetje, sot do të çelet një rrugë, qoftë te platforma që duam, që çdo student dhe çdo prind që ka pyetje në lidhje me vendimet e qeverisë, trajtimet financiare apo të tjera, ti drejtohet platformës, te Shqipëriaqëduam.al, aty do të shfaqet rubrika ‘Jamstudent’, kam një pyetje, aty pyetja juaj do të marrë një përgjigje.” Nuk dihet se sa është i qartë Edi Rama me veten e tij por për derisa studentët vazhdojnë të jenë në protesta dhe kryeministri nuk interesohet për ta, të parët që duhet ti drejtohen Platformës janë dekanët, policët e Gjicit dhe policët e ish-gjeneral Lleshajt, që vazhdojnë përndjekin dhe arrestojnë studentë.