Bashkia Fier po e çon biznesin e vogël drejt falimentimit!
Mbledhja e radhës e këshillit bashkiak Fier filloi me një normalitet duke u miratuar rendi i ditës me një numër shërbimesh në interes të qytetarëve fierakë, si ambiente për moshën e tretë, ambiente për kopshte dhe çerdhe, por as në këtë mbledhje rritja e taksave nuk u shmang.
Kreu i këshilltarëve të djathtë, Emiliano Mone, kundërshtoi dhe e kontestoi këtë rritje të taksës në masen 100%, duke marrë parasysh faktin që biznesi i vogël vazhdon të jetë në proces mbijetese.
Partia Demokratike Fier duke shprehur këtë shqetësim nga ajo që ndodhi në këshillin bashkiak, përmes rrjetit social Facebook thekson se rritja e taksave ndaj biznesit sjellë rritjen e çmimeve për qytetarët, kur të ardhurat e tyre janë në pikiatë.
Në këtë situatë Partia Demokratike me shqetësim të madh konstaton:
“Bashkia Fier po e çon biznesin e vogël drejt falimentimit!”
Ja dhe postimi i plote
Mbledhja e radhes e keshillit bashkiak Fier. Bazuar rendit te dites u miratuan unanimisht nje numer sherbimesh ne interes te qytetareve fierake, si: Ambiente per moshen e trete, ambiente per kopshte dhe cerdhe. Por, edhe kete here administrata e bashkise Fier nuk i shpetoi dot manise per te rritur taksa ne kurriz te biznesit te vogel (bar-kafe). Kreu i keshilltareve te djathte, Z. Emiliano Mone, kundershtoi dhe e kontestoi fort kete rritje te takses ne masen 100%, duke marre parasysh faktin qe biznesi i vogel vazhdon te jete ne proces mbijetese. Rritja e taksave ndaj biznesit sjelle rritjen e cmimeve per qytetaret, kur te ardhurat e tyre jane ne pikiate. Perfundimisht, Bashkia Fier po e con biznesin e vogel drejt falimentimit!
