Bashkia Shkodër: Sot, 1.435 Ha nën ujë! Skënderbeu Spiropalit: Më mirë se në vitin 2010!
Sot Bashkia Shkodër raporton se nën pushtetin e ujit vazhdojnë të jenë 1.435 hektarë, 16 familje të evakuuara ndërsa kuotat e matura mëngjesin e sotëm në Liqenin e Shkodrës dhe lumin Drin janë, 7.90m, (Kuota max 8.70 m) përkatësisht 5.65 m (Kuota max 7.50 m).
Ndonëse Bashkia Shkodër po has në shumë vështirësi me menaxhimin e situatës, gjatë vizitës së djeshme të koordinatores së Partisë Socialiste, Elisa Spiropali, me Skënderbeun e saj, aktualisht Kryeministër, Edi Rama, në Shkodër, situata u vlerësua më e mirë se në vitin 2010.
“Në Shkodër tek harku i Bërdicës, ku në krahasim me 2010-ën situata është përmirësuar tërësisht. Nga 12 mijë banorë të evakuuar atëherë, sot vetëm 22, nga 2800 banesa të përmbytura sot asnjë shtëpi e mbuluar nga uji, nga 14 mijë hektarë të përmbytur sot vetëm 1 mijë e 300 hektarë, të gjitha këto sipas të dhënave zyrtare të publikuara nga vetë Bashkia Shkodër,” thekson Skënderbeu i Spiropalit duke gënjyer për 1.300 Ha kur nuk i përmendi njeri sepse u raportuan 1.685 Ha dhe duke shpërfillur një detaj jo aq jodomethënës përveç faktit se kjo situatë u krijua pas 16 orë reshje shiu dhe jo 30 ditë sa ra në vitin 2010:
“Në vitin 2010 ndonëse për 30 ditë reshje intensive nuk kishte asnjë viktimë për dallim nga nata e 20 Nëntorit 2022 ku përmbytja mori dy jetë njeriu!”
Njoftim:
Nga monitorimi në terren ditën e sotme datë 23.11.2022,ora 08.00, situata e përmbytjeve në terren vazhdon të jetë si më poshtë:
• Hidrometri i Liqenit të Shkodrës në orën 08.00,shënon kuotën 7.90m, (kuota e matur sipas ores 07.00).(Kuota max 8.70 m).
• Hidrometri i lumit Drin në orën 08.00,shënon kuotën 5.65 m, ((kuota e matur sipas ores 07.00). (Kuota max 7.50 m).
Siperfaqe totale e përmbytur 1435 Ha
Nj.A. Ana e Malit
1. Sipërfaqja e tokës bujqësore e përmbytur vlerësohet në 850 Ha, kryesisht në fshatrat Obot, Muriqan,Oblikë
2. Rruga e Obotit ka presence uji 60 cm, eshte e kalueshme vetem me mjetet e ushtrise.
3. Ujësjellësi Oblika 1 dhe 2,si pasojë e përmbytjeve është jasht funksionit
Nj.A Dajç
1.Sipërfaqja e tokës bujqësore e përmbytur vlerësohet në 100 Ha, kryesisht në fshatrat Mushan, Shirq, Pentar.
Nj.A.Velipojë
Sipërfaqja e tokës bujqësore e përmbytur vlerësohet në 135 Ha. kryesisht fshatrat Baks, Luarz. Ças.
Nj. A. Guri i Zi
Sipërfaqja e tokës bujqësore e përmbytur vlerësohet në 150 Ha, kryesisht në fshatrat Kuç dhe Rrenc.
Verehet nje gerreyrje e tokave bujqesore ne bregun e lumit Drin ne vendin e quajtur Mali i Vukatanit, ne nje gjatesi prej 800 ml.
Nj.A.Bërdicë
Sipërfaqja e tokës bujqësore e përmbytur vlerësohet në 200 Ha, konkretisht në fshtrat Trush.
Familje të evakuara aktualisht:
Janë 16 familje, të evakuara, gjithsej 70 person, kryesisht nga Njësitë Administrative :
Nj. Administrative Guri I Zi, 13 familje, 57 persona, jane te evakuara 30 krerë gjë e gjallë,të imta.
Nj. Administrative Bërdicë, 2 familje (8 përsona)
Lagja nr. 1, 1 familje ( 5 përsona)
43 persona jane te akomoduar ne konvikte.
1 shtepi me presence uji (lagjia Ajasem).
Bashkia Shkodër është në gatishmëri me të gjithe kapacitetet e veta njerëzore, logjistike dhe akomoduese për ti ardhur në ndihmë popullates të rrezikuar nga pëmbytjet e shkaktuara nga reshjet e shiut dhe shkarkimet e hidrocentraleve
