“Bashkim në betejë”, PD: Protesta Kombëtare më 11 korrik!

Nisur nga disa paqartësi që po qarkullojë në media pas mbledhjes së fundit të Kryesisë, Partia Demokratike sqaron se ka vendos që Protesta Kombëtare të mbahet më 11 Korrik 2024 ndërsa nesër më 28 Qershor, për këtë qëlllim, do të mbahet mbledhja e Këshillit Kombëtar.

Kryetari i Partisë Demokratike Sali Berisha në fjalën e mbajtur në mbledhjen e Kryesisë vuri theksin tek bashkimi rreth idealeve, kontributeve dhe mirëpritja e të gjithë atyre që ndër vite dhanë kontribut të pamohueshëm në Partinë Demokratike.

“Ky nuk është një bashkim në festë, por një bashkim në betejë të një rëndësie jetike, vendimtare për fatin e Shqipërisë dhe kombit shqiptar,” tha Sali Berisha në mbledhjen e Kryesisë së datës 24 qershor ndërsa sqaroi:

“Një front i gjerë dhe i bashkuar opozitar është i një rëndësie vendimtare përballë Edi Ramës i cili ka humbur çdo gjë, ligj, moral dhe ka vetëm narkobandat e tij me pushtet dhe jashtëpushteti që qëndron në zyrë.”

Teksa kërkoi mobilizim dhe angazhim maksimal të strukturave, Berisha garanton shqiptarët:

“Shumë më shpejt se mund ta mendohet, qeveria teknike krijohet në Shqipëri. Topi është në anën e opozitës”.

Ndërkohë në kuadër të përgatitjeve për protestën e 11 korrikut, Këshilli Kombëtar i Partisë Demokratike do të mblidhet të premten më 28 qershor në ora 18.00.