Presidentja e Komisionit të Evropian Ursula von der Leyen informoi Presidentin e Ukrainë, Volodymyr Zelensky, për një paketë të re ndihmash me vlerë 18 miliardë euro.
Ndihmat janë planifikuar të jepen këste mujore prej nga 1.5 miliardë euro secili, njoftoi Komisioni i BE-së. Në bisedën telefonike që zhvilloi Presidentja e Komisionit të BE-së Ursula von der Layen me presidentin ukrainas Zelensky u tha se kreditë do të japin një “kontribut të rëndësishëm” për nevojat financiare të Kievit për vitin 2023.
![](https://i0.wp.com/pafrike.al/wp-content/uploads/2022/11/Vond-der-Leyen-Zelensky-e1667824160191.jpg?resize=798%2C431&ssl=1)
Fondet do të mbështesin gjithashtu Ukrainën për të zbatuar reforma të mëtejshme në rrugën e saj drejt anëtarësimit në BE.
Eksporti i drithit nga Ukraina
Zelenski njoftoi në Twitter se kishte folur me von der Leyen për mbështetje financiare për vitin aktual dhe vitin e ardhshëm. Një tjetër temë ishte eksporti i drithit nga Ukraina nëpërmjet Detit të Zi si kontribut për sigurinë globale të ushqimit.
Një marrëveshje e ndërmjetësuar nga Kombet e Bashkuara dhe Turqia në korrik, e cila synon të sigurojë eksportet e drithit nga Ukraina, është fillimisht e vlefshme deri më 19 nëntor dhe Rusia e ka lënë të hapur zgjatjen e saj./DW/