Bashkimi i Grupit PD nis me debat, Alibeaj: Nuk je i ftuar! Berisha: Pranoni realitetin!

Askush nuk e ka menduar se mbledhja e parë Grupit Parlamentar të Partisë Demokratike pas vendimit të Gjykatës së Tiranës për të pranuar ndryshimet në Statutin e PD të miratuara nga Kuvendi i 11 Dhjetorit do të zhvillohet normalisht, por gjithashtu askush nuk e ka menduar se mbështetësit e Lulzim Bashës janë kaq shumë të dashuruar në përçarjen e Patisë Demokratike ndonëse ishin deputetët e Komisionit të Rithemelimit ata që morën iniciativën për bisedime me drejtuesit e Bashës me qëllim të bashkimit të demokratëve.

Fatkeqësisht “Bashkimi” nisi me debate, dhe shkaku i këtij debati ishte mosrespektimi i vendimit të Lulzim Bashës. të cilën vazhdon ta mbrojë me fanatizëm Kryetari i Grupit të PD, Enkelejd Alibeaj, edhe pse ai nuk është votuar nga ky Grup dhe vetë Basha i pranoi gabimet dhe iku me dorëheqje.

Alibeaj sapo nisi fjalën, në Grup u shfaq Sali Berisha, ashtu siç paralajmëroi dje.

Alibeaj: Nuk je i ftuar!

Berisha: Duhet të pranoni realitetin!

Alibeaj: Nëse flasim për realitet, ka edhe një realitet tjetër. Ke shpallur betejën me Blinken. Dhe kjo nuk u shërben demokratëve.

Berisha: Beteja është për dinjitet njerëzor. Jam njeriu i dytë në botë që hedh në gjyq sekretarin e DASH. Kam mbrojtur sovranitetin e vendit. Kam qenë kryetar shteti, kryeministër, jam më i votuari në rajon.

Sa do ti shërbej ky debat bashimit dhe demokratizimit të vendin nuk dihet ndonëse lideri i PD, Sali Berisha u shpreh optimist pas mbledhjes së Grupit Parlamentar, gjithsesi la shije të keqe tek ata deputetë që u përçmuan me Lulzim Basha me shokë kur u përjashtuan çmendurisht, “përjetësisht”, dhe ata e gëlltitën këtë përjetësi të sëmurë të Kryetarit të PD, duke u kthyer në Grupin Parlamentar të PD për hirë të Bashkimit!

Por të pakënaqur ishin ata deputetë që mbështetën Lulzim Bashën dhe sot dëgjuan nga goja e Alibeajt se ai kishte negociuar me Flamur Nokën për të lajmëruar të gjithë deputetët, përfshi edhe ata të përjashtuarit pas 8 Janarit.

I pari që reagoi në mbledhje ishte Ervin Salianji, i cili për fat jo me shkop bejzbolli si më 8 Janar por me gojë tha se si nënkryetar i Grupit nuk është në dijeni të këtyre negociatave.

“Ne nuk kemi asnjë informacion. Nëse e trajtoni si debat mes ju të dyve çohem dhe iki,” tha Salianji.

Me përfundimit e mbledhjes, Kryetari i Grupit të PD, Enkelejd Alibeaj i cili u largua nga Grupi i pashoqëruar nga asnjë deputet u shpreh:

“Sinjalet nuk mund të jepen duke pushuar selinë, duke ardhur në mënyrë të dhunshme si Berisha.
Ka një vendim të parlamentit, i cili ka konstituar cili është grupi parlamentar i PD, Berisha nuk është pjesë.
Për të gjetur gjuhën e përbashkët, ca akte të rëndësishme që të perceptohen nga njerëzit, ndërprerja e gjuhës linçuese, proceset paralele që zhvillohen për të thelluar ndasinë nuk japin sinjale bashkimi. Të ndërpritet kjo gjuhë dhe këto sinjale të njëanshme që demokratët në bazë të bashkohen. Ky është hapi i parë drejt bashkimit.

E rëndësishme është që të kemi të bashkuar, por mbi të gjitha të jemi fitues. Ka diçka të rëndësishme, ashtu si Basha mori pasojat e veta me dorëheqjen e vjet, duhet të ndodhë me simetrikë logjike, si një sinjal i fortë bashkimi. Ndërkohë, unë besoj se kemi detyrë dhe pa u lodhur që ta kërkojë diçka e më tepër, njerëzve të vuajtur, të sakrificës. Ndërkohë ne të bëjmë këtë tollovi, Edi Rama fërkon barkun,” tha Enkelejd Alibeaj për të cilin u ndërpre vëmendja mediatike meqë doli Sali Berisha:

“Kombinacionet Basha-Rama marrin fund. Ato janë kombinacione antiligjore Basha-Rama. Ajo kohë merr fund. Ai vendim ka qenë nul. Unë para atij vendimi, midis momentit që ta gjykonin një vendim të paqenë organet e partisë dhe anëtarësia e partisë, unë zgjodha anëtarësinë e partisë. Anëtarësia e partisë e gjykoi atë dhe i dha Lulzim Bashës shkarkimin që meritoi më 11 dhjetor. Sot ai nuk është më këtu, dha dorëheqjen,” tha Sali Berisha i cili iu përgjigj edhe pyetjeve të Lulzim Bashës që u dhanë nga goja e irfanëve, fillimisht nëse ishte i gatshëm ti nënshtrohet votimit të forumeve për vendimin e Bashës për personin non grata:

“Absolutisht cilido demokrat ka të drejtë ta çojë në të gjitha forumet. Forumet janë Kuvendi, janë Këshilli Kombëtar, i cili nuk ekziston tani. Do mblidhet Kuvendi, do zgjidhet Këshilli Kombëtar dhe çdo njeri ka të drejtë të propozojë,” tha Berisha ndërsa qartësoi edhe qëndrimin e tij që njeh Grupin Parlementar ndërsa irfanët nuk e kuptojnë se si është e mundur kjo kur Alibeaj është kundër Berishës në Grup:

“Se e njoh grupin unë, nuk do të thotë që Enkelejdi është grupi. Është kryetar i grupit deri sa të qartësohen të gjitha problemet. Jemi në një proces dhe në proces e sipër ai mund të qëndrojë kryetar. Nuk kam ndonjë kundërshtim.”

Ndryshe, në mbledhjen e sotme të Grupit Parlamentar ishin prezent deputetët: Luan Baçi, Edi Paloka, Flamur Noka, Luçiano Boçi, Edmond Spaho, Tritan Shehu, Bledian Nallbani, Selaudin Jakupllari, Kastriot Piroli, Belind Këlliçi, Sorina Koti, Ervin Salianji, Dhurata Çupi, Arbi Agalliu, Isuf Çela, Dashnor Sula, Gerta Bardeli, Xhelal Mziu, Enkelejd Alibeaj, Flamur Hoxha, Agron Shehaj, Lefter Geshtenja, Tomor Alizoti, Helidon Bushati, Gazment Bardhi, Zef Hila, Ramadan Lika, Albana Vokshi, Eralda Tase, Oerd Bylykbashi, Bujar Leskaj,
Andi Ulliri, Lindita Metaliaj, Sali Berisha, Saimir Korreshi, Ina Zhupa, Emilja Koliqi, Elda Hoti, Jorida Tabaku, Merita Bakiu, Fatjon Veizaj, Kasem Mahmutaj, Ferdinand Xhaferri, Zheni Gjergji, Sali Berisha.

Ndërsa munguan: Agron Gjekmarkaj, Alfred Rushaj, Flutura Açka, Grida Duma, Kreshnik Çollaku, Orjola Pampuri, Ilda Dhori, Lulzim Basha.