Batutat/ Demokrati i Lurës i përvishet Ramës: Sa erdhe në pushtet na pushover nga puna…

Takimi i Kryeministrit Edi Rama me banorët e Lurës në qarkun e Dibrës është shoqëruar me batuta dhe replika.

Ndërsa Rama premtoi investime në këtë zonë dhe kërkoi nga banorët të merren me agroturizëm, një nga banorët e moshuar të Lurës, nuk ka nguruar ti thotë Kryeministrit në sy se ka pushuar nga puna të gjithë demokratët.

I moshuari i ka pohuar Ramës se është demokrat i ditëve të para dhe asnjëherë nuk ka votuar për PS. Ai ka thënë se ka punuar gjithë jetën dhe u shpërblye me një pension qesharak, ndërkohe që ata demokratë që ishin në punë, sa erdhën socialistët i hoqën nga puna.

Batutat

I moshuari: Sa ta marrë Saliu, gjithë të tutë t’i pushojë nga puna, sepse sa erdhe ti na pushove ne të gjithëve, unë jam i kënaqur se jam i persekutum si gjysma e popullit…

Rama: Po ti the që i paskam hequr të gjithë, puna është se të mitë më thonë, nuk ke hequr asnjë, kësaj si i bëhet. Po nejse, ti votën atje, nuk ka problem, si me votën tënde, si jo, ne fitojmë prapë, por një gjë duhet thënë, nga ne fiton edhe ti, me ata nuk fiton asnjë.