Batutat/ Rama-qytetares: E mbyte burrin, e shkatërrove… Mos kërkoni qiqrra në hell

Kryeministri Edi Rama është përballur me një sërë problemesh të ngritura nga banorë të Cërrikut gjatë një bashkëbisedimi që pati me tan ë kuadër të asaj që e quan turi i llogaridhënies.

Rama ka kërkuar që në fillim që fjalën ta marrin gratë, por ka nuk ka qenë shumë e lehtë, pasi me vështirësi është mbajtur radha e fjalës.

“Ule ore dorën, të shikoj që nuk je burrë, po ky kështu”, u është drejtuar Rama njërit prej të pranishmëve që kërkonte fjalën.

Ndërkohë një grua ka insistuar të marrë fjalën, duke mos lejuar një burrë të fliste.

“E mbyte burrin, e shkatërrove fare”, i tha Rama, duke shtuar, “vërtetë themi gratë, gratë, por edhe kështu…”.

Ankesat

Qytetarja: Kam një problem të madh, dy vajzat ekselente pa punë. E madhja inxhiniere topografe, ekselente, ka marrë burrë italian dhe skam hall për atë, e dyta për eksperte e Krimeve të Rënda, është ekselencë, gabova që nuk solla dipolomën, më vjen keq që truri i Shqipërisë po rri jashtë.

Rama: Për vajzën topografe do ishim të lumtur, e ka marrë italiani atë, ka dalë më i zgjuar se ne ca të bëjmë tani, e dyta të shkojë e të konkurrojë sipas rregullave se kështu veprohet.

Qytetarja: Jam me diabet, jam në punë, por e kam të vështirë të bëj analizat falas, qendra është vetëm të shtunën.

Rama: Mos vije tek unë, bëjë analizat

Qytetarja: Të shtunën është mbyllur, bëjeni në dite jave që të gjejmë mjekun.

Rama: Të shikojmë nëse i gjejmë një zgjidhje analizave paradite të shtunën se analiza pasdite nuk bëhen

Qytetarja: Check Up është kot, pse nuk janë përfshirë disa analiza më të shtrenjta si pap test apo mamografi?

Rama: Kush të tha që nuk janë falas?

Qytetarja: Shkova, as aparat për të matur tensionin nuk kishte

Rama: Po mirë po mendove ashtu, kot është, ca të them

Qytetarja: Burrit i ra trombozë, nuk ma shtruan në spitalin shtetëror. E kuruam në privat po tani i ka ilaçet më të shtrenjta se pensioni. Pastaj ato pllakat që keni shtruar që qendër të qytetit janë skarco, i keni sjellë skarco.

Rama: Unë jam kryeministër, jo kryetar bashkie, tani po ju dëgjoj me respekt, por mos të kërkojmë tani qira në hell