BB: Ekonomia e Shqipërisë rritet me 2.9 % me 2019, ulet pritshmëria me 0.8 pikë %

Banka Botërore ul projeksionin për rritjen ekonomike të vitit 2019 me 0.8 pikë përqindje në raport me parashikimin e gushtit 2019. Në raportin mbi parashikimin e ecurisë së ekonomisë globale për 2020, BB parashikon që ekonomia e Shqipërisë të rritet me 2.9 për qind më 2019.

Shqipëria ka rishikimin më të madh me ulje ndër vendet Europës Lindore dhe Azisë Qendrore dhe kjo analizë nuk përfshin pasojat e tërmetit të cilat pritet të afektojnë rritjen e këtij viti më shumti.

Banka Botërore e rishikoi me ulje treguesin e rritjes edhe për vitin 2020 dhe 2021.

Rezultat e reja tregojnë se këtë vit ekonomik do të rritet me 3.4 % ose 0.3 pikë përqindje më pak se parashikimi i gushtit 2019, gjithashtu në vitin 2021 ekonomik e vendit tonë pritet të rritet me 3.5 % ose 0.2 pikë % më pak se pritshmëritë e gushtit të 2019.

Mungesa e hapësirave për stimuj fiskal  pritet të dobësojnë klimën e biznesit, teksa goditjet e tërmetit që morën jetë njerëz dhe krijuan dëme të mëdha materiale e kanë prekur rëndë ekonominë e Shqipërisë analizona banka.

Për shkak të zhvillimeve pas tërmetit besimi i biznesit ka rënë dhe kjo përkon me një përkeqësim të ambientit të jashtëm ekonomik, cka e bën edhe më sfiduese rritjen ekonomike të Shqipërisë këtë vit.

Banka Sugjeron se ekonomi të tilla si Shqipëria duhet të rrisin investimet në burimet njerëzore. Politikat arsimore dhe programet e trajnimit gjithashtu mund të ridizajnohen për t;iu  përshtatur kushteve të reja demografike prej plakjes se popullsisë.

Banka Botërore vlerësoi së rënia e eksporteve të Shqipërisë ishte faktor me rëndësi për dobësimin e rritjes./Monitor/