BB, Salinas: 900 mln euro investim në Shqipëri, fokusohemi në tre shtylla kryesore

Banka Botërore do të vë në dispozicion të Shqipërisë 900 milionë euro për të financuar disa projekte gjatë katër viteve të ardhshme, të fokusuara në tre shtylla kryesore, deklaroi përfaqësuesi i BB në Shqipëri, Emanuel Salinas, gjatë një konference me kryeministrin e vendit Edi Rama.

“Jam i kënaqur që jam këtu në emër të Bankës Botërore jemi mbledhur për diçka që asnjëherë nuk kemi pasur në historinë e partneritetit me Shqipërinë. Është arritur shumë përmes bashkëpunimit, ku BB angazhohet për ju në 4-5 viteve në vijim.

Jemi zotuar, së pari për tu përqendruar në më shumë vende të reja puna për popullsinë shqiptare sidomos për rininë dhe gratë, ne e vendosim theksin tek pjesa më e mirë, punë më të mira. Në të ardhmen sfida jonë është të krijojmë vende më të mira puna. Të krijojmë stimuj që njerëzit të punojnë këtu.

Shtylla e dytë tek kapitali njerëzor. Siç e dimë të gjithë ne jemi të shqetësuar për numrin e personave që largohen nga Shqipëria por mund të forcojmë këtu kapitalin njerëzor, duke përmirësuar arsimin shëndetësinë mbrojtjen sociale. Është arritur shumë në këtë drejtim. Mendojmë se ka mundësi për të bërë më shumë në të ardhmen.

Së treti shtylla e tretë përqendrohet tek rezistenca tek qëndrueshmëria. Duket sikur çdo vit ka një krizë shumë të madhe. Duhet të rrisim rezistencën për të ulur ndikimin e disa prej këtyre ngjarjeve në të ardhmen, jemi shumë të gëzuar që nisim këtë kuadër të ri partneriteti. Ja kemi prezantuar këtë kuadër bordit në Uashington. Jemi të inkurajuar dhe të përulur dhe të vetëdijshme që po i marrim kohë kolegëve nga qeveria kur duam të punojmë përtej orarit të punës.

Kuadri i ri për partneritetin i vë në dispozicion Shqipërisë për katër vitet në vijim 900 milionë euro. Presim një tjetër projekt që të miratohet së shpejti. Kemi punuar për një projekt i cili do të të trajtojë urat në rrezik nga goditjet natyrore. Është një program i fortë dhe mjaft i madh.

Së bashku me Ministrinë e Financave kemi punuar për rritur rezistencën fiskale të Shqipërisë. Me Ministrinë e Bujqësisë ne do të punojmë për rritur rezistencën e bujqësisë ndaj ndryshimeve klimaterike. Një projekt tjetër do të jetë për lumin e Vjosës, pasi u përcaktua si zonë e mbrojtur dhe do të punojmë se bashku. Kemi shumë projekte. U jemi mirënjohës pasi keni një angazhim të pashembullt. Angazhimi ndaj Shqipërisë është që ti realizojmë të gjitha këto. Presim me padurim që ju të na mbani përgjegjës kur vjen fjala për realizimin dhe dhënien e burimeve të premtuara”, tha Salinas.

Paga mesatare 900 euro?! Kryeministri: E mundur, rezultat i arritjeve ekonomike

Kryeministri Edi Rama i pyetur se si do të arrihet paga mesatare 900 euro, deklaroi se kjo gjë është e mundur, si rezultat i arritjeve ekonomike.

“Ne nuk do marrim borxh për të rritur pagat, do i rrisim pagat dhe do vazhdojmë të ulim borxhin sikur  e kemi ulur gradualisht dhe sikundër kemi ecur konform gjithë planit të stabilitetit makroekonomik në aspektin e borxhit. Rritja e pagave është një domosdoshmëri e mundshme. Sot është e mundur sepse kemi arritur rezultate domethënëse në të gjithë procesin e ngritjes së bazës mbi të cilën rrisim pagën. Ato shifra që i u dhashë janë arsyeja pse rrisim pagat, nga të ardhurat e turizmit për shembull, eksporteve, nga të ardhurat e punës, janë arsyeja pse rriten pagat. Rritje që është shumë e lartë në raport në raport me rritjet e bëra në të shkuarën, po e mirë kalkuluar dhe e qëndrueshme”./Monitor/