BE hoqi dorë nga masa që tërboi Putinin
Presidentja e KE, Ursula von der Leyen, duke folur para Parlamentit Evropian shpalli masat e propozuara për ndalimin dhe uljen e çmimit të energjisë, ku u pa qartë se është hequr dorë nga kufizimi i çmimit të gazit rus, masë e paralajmëruar për të cilën Presidenti i Rusisë, Vladimir Putin kërcënoi Evropën.
“Dëshiroj të mobilizoj tregun tonë të përbashkët. Në Ukrainë ka shumë kompani të mira dhe të mençura. Dëshirojmë të zgjerojmë këtë bashkëpunim. Ukrainën do ta përfshijmë në zonë tonë të tregtisë së lirë. Tani është koha,” tha Von der Leyen duke folur për tregun e përbashkët evropianë si njërin ndër tregjet më të mëdha ndërsa paralajmëroi se sot do të shkoj në Kiev për ta takuar Presidentin Zelensky.
Masat
Duke e pranuar se Rusia vazhdon të manipuloi me tregun e energjisë dhe të derdh gazin e mos ta dërgojë në Evropë sipas kontratave, Presidentja e Komisionit Evropian tha se vitin e kaluar rreth 40 për qind e gazit është importuar nga Rusia dhe këtë vit kjo është ulur për 9 për qind.
Në këtë situatë, ajo propozoi kufizimin e të ardhurave për kompanitë energjetike që nuk e përdorin gazin për prodhimin e energjisë elektrike, dhe dedikimin e të ardhurave shtesë për konsumatorin, kursimin në pikun e ngarkesës dhe reformën e tregut të energjisë elektrike që ti jepet fund rolit dominues të gazit.
“Kompanitë që prodhojnë energji elektrike me shpenzime të ulëta kurrë nuk e kanë pa as në ëndërr se do të kenë fitime kaq të larta. Për këtë arsye propozoj kufizimin e të ardhurave të tyre,” tha Von der Leyen duke folur për situatën në BE ndërsa për dedikimin e fitimit të tepërt për konsumatorin dhe ekonominë saktësoi.
“Kështu shtetet anëtare do të mbledhin 140 miliardë euro me të cilat do ta zbusin goditjen nga rritja e çmimit të energjisë,” tha Presidentja e KE, Ursula von der Leyen, ndërsa përfundoi:
“Në ekonominë tonë sociale dhe të tregut fitimi është i mirë, por në këto kohëra është keq të nxjerrësh fitime rekorde, duke përfituar nga lufta dhe në kurriz të konsumatorit. Fitimi duhet të ndahet në këto kohëra dhe të dedikohet për ata që kanë më së shumëti nevojë.”
