BE i kërkon falje Saimir Tahirit!*
Përfaqësuesja e Lartë për Politikë të Jashtme dhe Siguri pranë BE, Federica Mogherini sapo kishte përfunduar takimin me Presidentët Hashim Thaçi dhe Aleksandar Vuçiç, e këputur nga marrëzirat që u dalin nga goja këtyre dy politikanëve aktualisht janë më të të fortët në vendet përkatëse, kur i afrohet Zëdhënësja Maja Kocijançiç.
-Prap Ballkani shefe, thotë e mërzitur Kocijançiç!
-Hë, Rama apo Tsipras, thotë Mogherini e përgatitur për trazirat që mund të shpërthejnë në Bularat.
-Jo, mo, Edi Rama, akuzon mediat, u thotë të kërkojnë falje për Saimir Tahirin…
-Ç’lidhje ka Saimir Tahiri se nuk po kuptoj, thotë Mogherini!
-Në një emision televiziv, Edi Rama iu drejtua gazetarëve, po citoj:
“Nuk kërkoj falje për Saimir Tahirin dhe as për Fatmir Xhafajn jo e jo. Jeni ju që duhet t’i kërkoni falje Tahirit që kërkuat arrestimin mbi llafet e dy kriminelëve. Tani prokuroria italiane, nga më jakobinët në Europë dhe që bëri hetimet më të thella dhe që gjykata italiane i dha Saimir Tahirit pafajësinë e plotë për atë llum kazani.” Kazani, pra për mediat e ka fjalën ky ditëzi, thotë Kocijançiç.
-Ok thotë Mogherini, më lidh me Juncker dhe Tusk ndërkohë i thuaj edhe Avromopolus të niset drejtë Zyrës time sa nuk kanë ikur për fundjavë në shtëpitë e tyre, thotë Mogherini.
Ndërsa po priste Presidentin e Komisionit Evropian, Jean Claude Juncker, Presidentin e Këshillit Evropian, Donald Tusk, Komisionierin për Migrimin dhe Punët e Brendshme, Dimitris Avramopulos, shefja e diplomacisë evropiane shfletoi raportet e KE për Shqipërinë dhe asgjëkundi nuk i del droga, as Katania, as Saimir Tahiri… po ç’ne ky Rama gjithë këtë zallamahi nuk merret me Bularatin dhe grekët që e bënë telef Shqipërinë, dhe këto mendime i ndërprenë sërish Kocijançiç:
-Shefe, vetëm Komisioneri Avramopulos nuk vjenë dot, po merret me grekët e tij në Bularat, më fal, me grekët e arrestuar në Shqipëri që ishin në ceremoni mortore.
-U qetësua ai Tsipras, apo vazhdon me Bularatin, është kurioze Mogherini!
-Nuk e di si do vete puna, por ai besoj nuk e lenë me kaq, shton Kocijançiç si njohëse e mirë e Ballkanit.
Nuk vonojnë shumë dhe mbërrijnë Juncker dhe Tusk. Fillon debati rreth gjykatave italiane, drogës në Shqipëri, Saimir Tahirit, kryeministrit me atlete dhe një sërë çështjesh për këtë vend që nuk po bëhet dot as Ballkan e lëre më Evropë.
-Gjykata e Katanias ka folur për Italinë, dhe nuk ka lidhje me Shqipërinë, thotë Juncker si më i informuari për këtë çështje dhe i referohet Raporteve që vinin nga Zyra e BE në Tiranë.
-Po pse nuk figuron kjo drogë në Raport, pyet Tusk i kujdesshëm i cili për Saimir Tahirin kishte dëgjuar nga raportet e institucioneve ligj zbatuese evropiane, dhe së fundit nga Presidenti Ilir Meta i cili tha se kemi të bëjmë me një delikuent i cili përmbyti Evropën me drogë.
-Po, po, thotë Juncker, e përmbyti dhe këtu qëndron çështja, ne duhet të kërkojmë falje apo mediat në Shqipëri!
-Si ne, kërcyen nga kolltuku, Mogherini dhe Tusk.
-Po a keni sy Ju, a keni vesh, mirë moj Maja, e ndërpretë fjalën Juncker, na sjellë diçka për të pirë, dhe vazhdon:
-Kur filloj përmbytja me drogë nga Shqipëria, dhe Guardia di Finanza po raportonte lum droge nga bregdeti shqiptar, nuk kishim pse ta ndalojmë por vetëm ti japim një dorë e t’i themi Edi Ramës apo Saimirit, pak rëndësi ka, vazhdoni rrugën për në Amerikë. Ti bëjmë ca telashe atij Trumpit se na vdiq. Na vuri taksa e Merkel kot që gërthet, e kapi qerratai mashtrimin tonë, se deficiti dhe suficiti për Obamën ishin fantashkencë.
-Po lere Trumpin mos e tepro tani, drogë shqiptare në Amerikë, ndërhynë Mogherini. Ti e din që unë Edi Ramën e kam shumë gjanë se është komunist i racës tonë, ama drogë në Amerikë për inat të Donald Trump, sikur nuk shkon, thotë me plotë nerva shefja e diplomacisë evropiane.
-Moj zonjë, kërcet nga kolltuku lideri i vetëm evropian që ja ka haberin e ekonomisë, e kupton ti se droga e Saimir Tahirit vërtetë është problem social i Bashkimit Evropian, por Donald Trump është problem ekonomik. Saimirin e fusim në burg me një urdhër, sikur vetëm t’ia shkel syrin edhe një herë Vasilikës, e Edi Rama e zbatn urdhërin sepse e ka mendjen te pushteti jo te ministrat. Po ne hallin e kemi me këtë të madhin e Amerikës.
Ndërpitet biseda, futet Komisioneri Avramopulos shumë i lumtur për grekët e Bularatit që do të lirohen, zë vend dhe fillon.
-Për Saimir Tahirin e kishit fjalën?
-Po, njëzëri u dëgjuan të tre liderët e BE-së.
-Ok, kemi të bëjmë me një njeri që pasion ka makinat e kushërinjve për të shkuar në Greqi, e për ku kthye me jahte luksoze. Pasion ka për shkuar në Mal të Zi me makinë e për tu kthyer me jahte luksoze. Pasion ka kalërimin me shalë jo më pak se 5.000 euro. Pasion ka të mos përfill raportet e oficerëve të policisë kur flasin për trafikun ndërkombëtar të drogës të kushërinjve dhe ti largon këta oficerë nga puna. Pasion ka…
-Po prit, o prit, ku janë këta kushërinjtë e tij, ku jetojnë, e ndërpretë Juncker!
-Në rregull, thash ti marr gjërat me radhë, thotë Komisioneri Avramopulos. Janë arrestuar në Itali, për trafik ndërkombëtar droge.
-Po si trafik ndërkombëtar droge kur drogë nuk ka në Shqipëri thonë raportet, trashet Mogherini.
-Problemi është se drogë ka, ishte ndërprerë kur liberalizuam vizat, po ka. Që tre vjet madje shumë!
-Si do bëhet, si do hapim negociata, e shqetësuar vazhdon Mogherini, më shumë për Edi Ramën se sa për negociatat me Shqipërinë, dhe prapë Juncker:
-A ka një zgjidhje, siç ia kërcitëm Britanisë me refugjatët shqiptarë, pyet Presidenti i KE.
-Jo, shqiptarët janë pak më shumë se kinga, ata ikin në Amerikë vetëm me avionë, dhe sa do zë avioni. Madje kur ishte president Obama, bëmë ca kontrolle të rrepta nga Budapesti dhe Viena, por edhe këto Aeroporte i “blenë” shqiptarët edhe pse, sa pasagjerë mund të transporton një avionë…
-Po ajo kokaina që transportohet në Shqipëri me anije, a nuk mund të shkoj drejtë e në Amerikë, është kurioz Juncker.
-Jo sqaron Komisioneri Avramopulos, shkon atje përpunohet dhe shitet. Problemin më të madh e ka Italia dhe Gjermania. Italia si shtet fqinj detar dhe Gjermania me mirëqenie më të madhe.
-Sa për mirëqenie, thotë Tusk i merr të keqen Sllovenisë, por atje nuk konsumohet droga por lëngu i portokallit, madje bio.
-Lëre lëre Slloveninë se kemi hall, thotë Juncker. Ti kërkojmë ne falje Saimir Tahirit që kjo e Edi Ramës të ketë më shumë jehonë, e më pas ta sqarojmë edhe Saimirin që të vazhdoj aktivitetin por në drejtim të Amerikës. Ti lë rahat Greqinë dhe Italinë, Gjermanisë nuk i prishë punë aaq sa po i pirshin këta sirianët që po shkojnë atje, dhe le të angazhon ca kushërinj tjerë deri sa Gjykata në Katanias të sqarohet.
-Po me mediat çdo të bëjmë, ky është problem i madh, thotë Tusk.
-Nuk është problem fare, të gjitha i ka në dorë Edi Rama, thotë Mogherini, po stili i tij është ai, sikur ka kundërshtar. Sokol Ballën nuk e dallon nga Taulanti; Sandrit i bënë t’fala kur është në opozitë e kur vjen në pushtet i bënë t’fala Babales, e sa për TCH, rrofshin tenderat. Gazetat nuk janë problem në Shqipëri, nuk lexon njeri atje, keq janë katandisë, madje oferta e fundit e Ministres së Kulturës ishte një libër dhe dhe një të qi… dhe kot! Po lëreni këtë muhabet se jam edhe femër…
-Portalet moj zonjë, portalet, po bëjnë gjëmën kudo, njerëzve nuk u heq dot celularin nga dora, thotë Juncker.
-Edhe për portalet çështja është e zgjedhur, nga 600 sa janë, 630 i kontrollon këshilltari i tij Endri Fuga, sqaron Mogherini.
-Si 630, trashen tre bashkëbiseduesit e saj…
-Po, ja tani janë zgjedhjet vendore, dhe zakonisht Erion Veliaj i bashkisë së Tiranës i aktivizon 20, e nja 10 i ka ai Dako i Durrësit për të cilin po flet opozita, kështu bëhen 630… po lëreni këto gjërat shqiptare, i ndërpretë Mogherini duke i dhënë urdhër zëdhënëses që ti kërkohet falje Saimir Tahirit, e të dal ai e ta tund sa t’ia doj zemra letrën në konferencë për shtyp, dhe pas fundjavës flasim.
Të kënaqur të gjithë dolën nga Zyra e Përfaqësueses së Lartë për Politikë të Jashtme dhe Siguri pranë BE, Federica Mogherini, e cila e fundit fiku dritat, e Komisioneri Avramopulos për të shtensionuar situatën iu kthye me shaka Mogherinit:
-Mos i fik kështu dritat siç ia fikëm Ramush Haradinajt me mosliberalizimin e vizave për Kosovën! Të gjithë ia plasën së qeshuri, të gatshëm për një fundjavë relaksi…
*Ky shkrim është bërë duke u bazuar në deklaratat që bëjnë zyrtarët e Kroacisë, Malit të Zi, Bosnje Hercegovinës, Maqedonisë dhe Kosovës për burokratët e Brukselit zyrtar në takimet joformale. Çdo ngjashmëri me bisedat e zyrtarëve në Zyrat e BE me bashkëpunëtorë e tyre, ose përgjimet e kriminelëve me politikanët e Ballkanit dhe Brukselit zyrtar, përgjegjësia nuk është e jona!
