BE i tha JO/ Edi Rama feston për herë të dytë: Lajm pozitiv nga Europa…

Pasi ministrat e Jashtëm të BE, i thanë JO hapjes së negociatave për Shqipërinë, Kryeministri Edi Rama sërish e shndërroi në festë e duke e quajtur lajm pozitiv nga Europa duke shtuar:

“Ministrat e jashtëm të BE kanë miratuar në Luksemburg, kalimin tek kryetarët e shteteve të rekomandimit për Shqipërinë e Maqedoninë e Veriut, me synim muajin tetor,” thekson Edi Rama përmes rrjetit social Twitter.

Ja postimi i plotë:

“Lajm shumë pozitiv nga Europa në rrugën e çeljes së negociatave. Pavarësisht luftës pa limite të frontit politik të së keqes, që po bën çmos të sakatojë vendin në sytë e Europës, për të bllokuar negociatat me sharje,kërcënime,molotovë e përgjime baltosëse, Shqipëria po reziston. Ministrat e jashtëm të BE kanë miratuar në Luksemburg, kalimin tek kryetarët e shteteve të rekomandimit për Shqipërinë e Maqedoninë e Veriut, me synim muajin tetor. Le t’i rezistojmë deri në fund ofensivës së baltës dhe gurëve kundër Shqipërisë. Të gjithë bashkë në 30qershor”, shkruan Rama në twitter.