BE i tha “JO” Edi Ramës, Basha: Macron do që të verifikohen të vërtetat dhe gënjeshtrat për Ballkanin!

Kryeministri Edi Rama dështoi në çeljen e negociatave me BE por me t’u kthyer në Tiranë ai fajsësoi Bashkimin Evropian dhe problemet e tyre të brendshm. Vërejtjet e Budestagut gjerman, ato të Parlamentit të Holandës dhe kritikat e ashpëra të Emmanuel Macron i relativizoi me vërejtjet për numrin e lartë të azilantëve shqiptarë por Kryetari i Partisë Demokratike, Lulzim Basha e bëri të qartë se Kryeministri aktual vuri fatin e tij, të kriminelëve dhe oligarkëve të tij mbi fatin europian të Shqipërisë sqaroi reformimin që do Franca dhe jo ashtu siç e paraqiti Edi Rama. Macron dhe jo vetëm, do që të verifikohen të vërtetat dhe gënjeshtrat për Ballkanin sepse tek vendet anëtare ka mosbesim për raportet e zbukuruara dhe jashtë realitetit të Komisionit Europian.

“Ne donim një rezultat ndryshe sot, por nuk prisnim më mirë sesa vendimi i Bundestagut për të marrë një Po pa kushte, siç mund të kishte marrë Maqedonia. Kushtet ishin 5, u bënë 7, u bënë 9, sepse Shqipëria po bën hapa prapa. Dy kushtet e reja të Bundestagut kanë të bëjnë me procedimin penal të personave për blerjen e votave dhe zgjedhje sipas një kodi të miratuar me konsensusin e forcave politike. Shkaku është se kryeministri aktual vuri fatin e tij, të kriminelëve dhe oligarkëve të tij mbi fatin europian të Shqipërisë,” tha Lulzim Basha duke shtuar se ka një përpjekje për ta shitur atë të sotmen si një përplasje mes vendeve të BE dhe jo si një keqqeverisje.

“Në këtë gjendje nuk ta hap askush derën e negociatave. Këtë ta thotë edhe qytetari më i zakonshëm në fshatin më të largët, sepse vendi nuk po qeveriset, por po sundohet. Kjo është e vërteta. Një orë e gjysëm që sapo kaloi ishte harxhimi më i madh i kohës për këdo që e ndoqi. Unë nuk pata nevojë, sepse e di çfarë propagandon,” tha Lulzim Basha duke bërë të ditur se sapo kishte mbërritur ng Berlini me informacionet më të freskëta në lidhje me këto çështje.

Negociatat nuk hapen me propagandë, tha lideri i opozitës duke saktësuar se tek vendet anëtare ka mosbesim për raportet e zbukuruara dhe jashtë realitetit të Komisionit Europian.

“Është e vërtetë që jo vetëm në mbledhjen ku mora pjesë në Berlin, por tash tre vjet mbizotëron një mosbesim nga vendet anëtare në raport me raportin e Komisionit Europian për Zgjerimin. Thënë më qartë, raportet e Komisionit Europian për Zgjerimin konsiderohen nga një pjesë e mirë e vendeve anëtare të zbukuruara që nuk paraqesin realitetin. Dhe këtë tha edhe Holanda, kur u shpreh se, nëse në rastin e Maqedonisë ishin dakord, në rastin e Shqipërisë, problemi i krimit, i korrupsionit dhe i ndarjes së pushteteve i ndalonte në mënyrë absolute të merrnin një venidm për hapjen e negociatave, në kontrast të qartë me raportin e zbukuruar për herë të tretë të Komisionit Europian. Këtë tha edhe Franca, jo vetëm në raport me krimin dhe korrupsionin, por edhe në raport të cilin Franca e ndjen dhe e sheh përditë, problemin e azilkërkuesve shqiptarë.”

Kush nga ne shqiptarët nuk e di se çfarë problemi të tmerrshëm kemi ne në Shqipëri këto 6 vitet e fundit ?! Kush nga ne nuk e di se është kthyer e njëjta valë emigrimi si në filim të viteve ’90?!

“Dhe kush nuk e di le ta mësojë që në raport me popullsinë numri i të larguarve dhe që kërkojnë largim nga Shqipëria është më i larti në botë, viti 2019, jo ’89, as ’79, as ’93, është viti 2019 dhe Shqipëria ka sot në raport me popullsinë numrin më të madh të emigrantëve dhe azilkërkuesve në planet. Më shumë se sirianë dhe afganë në raport me popullsinë. Këto janë të vërteta të cilat për fat të keq si shumë të vërteta të tjera që kanë të bëjnë edhe me proceset brenda vendit nuk kanë gjetur pasqyrimin e duhur në raportin e Komisionit Europian të Zgjerimit, as këtë vit, as vitin e kaluar, as para një viti.”

Dhe kjo e shtyu Bundestagun gjerman të ndërmerrte atë që ndërmerr gjithmonë, tha Kryetari i PD, kur nuk i beson Komisionit, të bëjë vlerësimin e vet.

“E bënë edhe për Serbinë para disa vitesh, ishte Gunter Krichbaum, por presidenti i Serbisë nuk i tha deputet skutash, por mori detyrat, iu shtrua punës, plotësoi detyrat e lëna nga Bundestagu dhe hapi negociatat për Serbinë. Të njëjtën gjë bëri edhe Mali i ZI. Kjo ka ndodhur në nëntor të 2016-ës. Në vend që të plotësonim kushtet shtesë të Bundestagut, vazhduam të putheshim dhe përfaqafoheshim me komisonerin për zgjerimin, me Federica Mogherinin. Këta thonin “që i kemi bëra detyrat, “Plastë armiku!”, “plaçin fashistët !”. Nuk hapen negociata me propagandë. Shumë gjëra ka arritur Edi Rama me propagandë në Shqipëri për shkak të standardit tonë të ulët europian si shoqëri, por në Europë nuk shkohet me propagandë.”

Në Europë shkohet më të vërteta, të kontrolluara dhe aty ku ka dyshim për kontrollin e parë, kontrollohet edhe një herë tjetër, tha Basha. Dhe kjo ndodhi.

“Bundestagu ngriti mekanizmin e kontrollit të gjendjes reale në Shqipeëri. Dhe e njeh gjendjen reale më mirë se çdokush tjetër në plane, siç u detyrua ta pranojë z.Rama në parlament para dy javësh, Bundestagu po kështu propozoi një mekanizëm, i cili, po ashtu sikurse e ka propozuar dhe mund ta propozojë edhe Komisioni i ri, shpresoj që sëmundja e zbukurimit të raporteve të mos bartet nga komisioni Juncker tek komisioni i ri dhe kam besim se nuk do të bartet, sepse ky është një alarm edhe për Komisionin e ardhshëm Europian, prapë se prapë nuk ia lanë në dorë rastësisë, Bundestagu ka mekanizmin e vet të verifikimit:

1. Janë gjërat në Shqipëri ashtu si duhet të jenë për të hapur negociatat apo jo?!

2. Po ecet vërtetë përpara apo jo?! Po bëhen zgjedhje apo po vidhen zgjedhjet?

3. Po dënohen baballaët që kanë ndërtuar shtëpitë e po shijnë e po ngrijnë Tom Doshët e Vangjush Dakot me shokë apo e kundërta?

4. A ka ndonjë politikan të dënuar për korrupsion apo nga këta që janë kapur me drogë që kanë shkuar një ditë në burg kur qytetarët shqiptarë plasën burgjeve për 30 mijë lekë faturë të papaguar energjie?

Me këtë rast Basha sqaroi reformimin që do Franca dhe jo ashtu siç e paraqiti Edi Rama.

“Bundestagu ka ngritur mekanizmin e vet të verifikimit dhe këtu nuk ka asnjë fije ndryshimi mes Gjermanisë dhe Francës. Të njejtën gjë po thotë edhe Macroni. Por në Francë Asambleja Nacionale nuk ka të njëjtat kompetenca si Bundestagu. Macron dëshiron të reformojë procesin sesi verifikohen të vërteta e Ballkanit dhe gënjeshtrat e Ballkanit, demokratët që shiten si autokratë, trafikantët e drogës që shiten si politikanë të ndershëm dhe hipin e zbresin avionët për Bruksel me çanta me para, me të cilat mendojnë se mund të blejnë deputetë të falimentuar, por nuk i blejnë dot kurrë të vërtetën.”

Nuk shkohet në Europë me Toyota Yaris, theksoi kryedemokrati, as me paratë e Toyota Yaris.

“Makroni po këkron një reformim të mënyrës sesi vlerësohet dhe kontrollohet procesi i reformavë të atyre që duan të hyjnë në klubin e vendeve më të pasura, më të përparuara të globit. Si janë bërë të pasura dhe të përparuara? Përmes 2-3 parimeve fare të thjeshta: zgjedhjeve të lira e të ndershme, që mundësojnë që vendi të mos u takojë një grushti pashallarësh 2-3 njerëzve, qofshin këta trafikantë droge apo oligarkë, por t’i takojë çdo qytetari, t’u takojë gjithë shqiptarëve. Së dyti, që çdo qytetar të jetë i barabartë para ligjit, pavarësisht nëse është me i pasuri, më I fuqishmi apo më i varfri dhe më i pamunduri.”

Kjo është Europa.

Prandaj ikin shqiptarët edhe pa mësuar frëngjisht, sepse Franca është e të gjithë francezëve, nuk është vetëm 5 oligarkëve dhe 5 kriminelëve. Se në Francë të trajtojnë njësoj dhe të drejtat e njeriut I ke të mbrotjura njëso. Sikur je President i Francës, sikur je azilant, por resident në Francë, trajtimin para ligjit e kanë të gjithë njësoj. Dhe pa shkuar ne drejt këtyre standardeve, nuk shkon Shqipëria në Europë.

Macron po kërkon pikërisht këtë, tha Basha, të reformojë mënyrën sesi vendet e ardhshme anëtare do të kontrollohen, që të mos kenë dështime apo gjysëm dështime si në rastin e Bullgarisë dhe Rumanisë, apo hapa prapa si në rastin e Vishegradit.

“Që, prapëseprapaë, po t’i marrësh të gjitha bashkë, nuk janë as 1/100 e problemeve që ka sot Shqipëria. E mora nga pikëpamja europiane, sepse europianët këto simptoma shohin nga trupi i Shqipërisë. Nga trupi ynë shohin azilantë, shohin dhjetëfishin të krimit të organizuar, si në Hollandë.”

Shqipëria nuk është më vend i shqiptarëve, por i 10 pashallarëve të Ramës, tha Kryetari i Partisë Demokratike duke treguar sëmundjet që sheh Franca dhe Holanda tek Shqipëria.

“Çfarë sheh Hollanda tek ne? Kapin miliona euro cash nëpër apartamente në Amsterdam dhe shohin që bandat shqiptare janë bërë të plotfuqishme. Çfarë ndodh këtu? I çojnë në burg? Jo! Këtu janë bërë biznesmenë, këtu bëjnë kulla në Tiranë. Pastrojnë para, bëhen deputetë, bëhen kryetarë bashkie, nuk i kap më as ligji i dekriminalizmit. Nuk kanë blerë më thjesht polic kufiri a ndonjë shef komisariati. Kanë blerë prokurorinë, kanë blerë parlamentin, qeverinë, kanë blerë proceset politike dhe po blejnë ekonominë. Aty bëjnë drogë, këtu janë bosa. ”

Franca çfarë ka parë?

“Në vitin 2010 nisi lëvizja e lirë. 2010-2012 numri i azilantëve në total nuk mbushte kurrë 1 mijë në vit. Prej vitit 2013 filloan të shkojnë nga 1 mijë në muaj, pastaj 1 mijë në javë. Në 2015-ën ia kaluam sirianëve dhe afganëve bashkë në 8 nga 12 muajt. Çfarë po ndodh? Të gjitha këto sëmundje që duken në trupin e Shqipërisë dhe ata thonë “prit, mos e hap derën akoma, se nuk është gati të hyjë”, ne i dimë dhe i njohim.

-20 % e shqiptarëve ushqehen me lista. 2 në 10 familje ushqehen me lista.

-47% e shqiptarëve nuk do të ngrohin dot shtëpitë në dimrin që po vjen, nuk kanë para për të ngrohur shtëpitë.

-70% e shqiptarëve harxhojnë 90% të të ardhurave për bukë. Këto janë nivele afrikane mjerimi.

Ka njeri që mendon se mund të ndalet emigracioni drejt Gjermanisë, Francës, Hollandës, Anglisë duke vënë më shumë policë Frontex në kufijtë tanë dhe duke u mburrur, por prapë emigracionin nuk e ndalin dot, sepse askush nuk do që të rrijë në një vend që nuk është më i tij. Ku insiticionet nuk janë më të tyret, tha Kryetari i Partisë Demokratike, Lulzim Basha duke përfunduar:

“Për fat të keq, Shqipëria nuk është më vendi i shqiptarëve. Institucionet e Shqipërisë nuk janë të shqiptarëve. Janë të një grushti njerëzish, të 10 pashallarëve të Edi Ramës, gjysma kriminelë, gjysma oligarkë.”