BE i tha JO, Zoran Zaev propozon zgjedhje të parakohshme!

Pas vendimit të Këshillit Evropian që BE të mos çel negociatat me Maqedoninë e Veriut dhe konslumtimeve që zhvilloi me partnerët dhe jo vetëm në Shkup, Kryeministri Zoran Zaev, duke marrë përgjegjësi për këtë dështim sot erdhi me propozimin për zgjedhje të parakohshme parlamentare.

“Para dy ditësh, Brkuseli na bëri padrejtësi, ne kemi kryer të gjitha obligimet. Ata nuk e mbajtën fjalën dhe nuk dhanë datë. Kjo është një gabim historik i Evropës. Falënderojmë shumicën e liderëve të Evropës. Kjo është një vendim i Evropës dhe problemeve të tyre të brendshme. Ne jemi përgjegjës dhe kjo  kërkon nga ne vendim serioz, secili politikan duhet të jetë përgjegjës, dal me përgjegjësi para qytetarëve. Ëndrra evropiane e Maqedonisë nuk do të shuhet. Për këtë marrë përgjegjësi, organizojmë zgjedhje të parakohshme parlamentare, ky do të jetë edhe propozimi im në mbledhjen e liderëve.”

Përkundër rethanave të krijuara pas dështimit në Samitin e BE në Bruksel, ku opozita bënë thirrje për protesta dhe largimin e Qeverisë, Zora Zaev tha se reformat duhet të vazhdojnë dhe Zabtimi i Marrëveshjeve, në veçanti me Greqinë, duhet të vazhdoj:

“Duhet të vazhdojmë me reformat pasi që aspiratat tona për BE nuk janë vetëm për tu anëtarësuar, ne duhet të sjellim Evropën tek qytetarët . Nëse jemi të mençur do t’ju tregojmë të gjithëve se kështu të demotivuar do të vazhdojmë me reformat. Marrëveshja e Prespës gjithsesi se do të vazhdoj. Po, është bërë për Evropën por kemi levërdi ekonomike. Marrëveshja duhet të vazhdoj të implementohet.”

I pyetur rreth qëndrimit skeptik të Presidentit të Francës, Emmanuel Macron për zgjerimin e Bashkimit Evropian, Zoran Zaev tha se nuk ka dilema, Maqedonia e Veriut një ditë do të bëhet anëtare e BE-së.

“Këtu do të bëhet si Evropë, kështu që duhet të vazhdojmë. Delegacioni evropian do të vazhdoj të qendroj këtu. Unë i kuptoj dilemat e Francës por 27 shtete ishin Për. Evropa është bërë me qëllim që të jetë e fortë. Mbrëmë më janë lajmëruar gati se të gjithë liderët për të na inkurajuar,” tha Kryeinistri i Maqedonisë së Veriut, Zoran Zaev, duke dhënë mesazhi inkurajimi për qytetarët, besimi i të cilëve është lëkundur pas politikës demagogjike të Qeverisë Zaev që dështoi në çdo pikëpamje të integrimit, për të cilat u zotua nga dita e parë, në veçanti pas firmosjes së Marrëveshjes së Prespës e cila nuk dha asnjë rezultat deri më sot.