BE kërcënon Kosovën, armatimi i Serbisë në Banjskë sërish u zbulua
Derisa Bashkimi Evropian kritikon Serbinë pse vazhdon bashkëpunimin me Rusinë dhe i garanton se kurrë nuk do të zbatoj sanksionet e BE-së ndaj agresorit rus në Ukrainë, Kosova që zbaton këto sanksione ndaj Rusisë u sanksionua dhe po kërcënohet nga Brukseli zyrtar me sanksione shtesë pse po lufton krimin shtetëror të Serbisë në Veri të Kosovës.
Ndërkohë me fillimin e kësaj fundjave, pas një kontrolli shtesë në hotelin “Rajska Banjskë” në fshatin Banjskë të Zveçanit, Policia e Kosovës ka gjetur armë e pajisje ushtarake.
Zëvendësdrejtori i Policisë së Kosovës për rajonin verior, Veton Elshani, tha se këto prova materiale janë aty që nga sulmi terrorist i 24 shtatorit në Banjskë.
“Kemi zhvilluar një kontroll shtesë në Hotelin Rajska Banja dhe kemi gjetë 2 jelek antiplumb, AK-47, 8 Karikator me fishekë dhe disa pajisje të tjera ushtarake. Besohet se këto prova materiale kanë qenë aty që nga rasti i Banjskes,” ka saktësuar Veton Elshani.
Ndërkohë në raportin 24 orësh të Policisë së Kosovës, bëhet e ditur se armatimi dhe pajisjet ushtarake ishin fshehur në banjon e hotelit.
“ARMËMBAJTJE PA LEJE – Fsh. Banjskë, Zveçan 16.08.2024 – 15:15. Njësiti i hetuesisë gjatë kontrollit në banjon e një hoteli ka gjetur dhe konfiskuar: një AK-47, katër karikatorë, 103 fishekë kalibrash të ndryshëm, kapelë, bluza dhe pantallona ushtarakë, një thikë, shallë ushtarake, antiplumb me pajisje tjera. Rasti duke u hetuar”, thuhet në raport.
Ndryshe, më 24 shtator të vitit 2023, një grup i armatosur terrositë serbë ka sulmuar Policinë e Kosovës në Banjskë, duke lënë të vrarë rreshterin Afrim Bunjaku. Në shkëmbim e sipër të zjarrit janë vrarë dhe tre terroristë serbë.
Për këtë sulm terrosit serbë, Kosova ka fajësuar Serbinë ndërsa Beogradi zyrtar ka mohuar se ishte i implikuar në rastin. Pas pamjeve filmike që u publikuan nga autoritetet kosovare ku shihet qartë se terroristët drejtoeshin nga bashkëpunëtori më i ngusht i Presidentit të Serbisë, Aleksandar Vuçiç, përgjegjësinë për sulmin e mori terrositi serb që prej vitesh kontrollonte veriun së fundi edhe si Nënkryetar i Listës Srpska, Milan Radoiçiç.
BE heshti, Vuçiç refuzoi ta ekstradoi Radoiçiç ndërsa ai po qëndron në hotelin e tij në Serbi, e Kosova, policia e së cilës gjeti armatime të ushtrisë serbe në Banjskë të Zveçanit dhe pjesë të tjera të veriut të Kosovës, vazhdoi të kërcëohet me masa ndëshkimore ndonëse në veri zyrtarisht u vendos rendi dhe ligji nga Policia e Kosovës.
