BE përshëndetë mbarëvajtjen e procesit zgjedhor në Kosovë

Bashkimi Evropian, BE, ka përshëndetur mbarëvajtjen e procesit zgjedhor, të 9 shkurtit në Kosovë.

“BE përshëndetë faktin se zgjedhjet në Kosovë janë zhvilluar në një atmosferë të qetë, në të cilën qytetarët e Kosovës kanë pasur mundësi të shprehin vullnetin e tyre,” është shprehur zëdhënësja e BE, Anitta Hipper.

Zëdhënësja e BE, Anitta Hipper, ka rikujtuar se edhe Bashkimi Evropian ka dërguar misionin vëzhgues për zgjedhjet 9 shkurtit dhe kjo, sipas saj, është dëshmi e rëndësisë që BE u jep raporteve me Kosovën.

Ndryshe, sipas KQZ-së, nga gjithsej 1.970.944 qytetarë me të drejtë vote, më 9 shkurt kanë votuar 799.954 ose 40.59 për qind.