BE-së i intereson vetëm dialogu, e jo Interpoli

Bashkimi Evropian nuk ka qëndrim rreth dështimit që Kosova të anëtarësohet në INTERPOL. Në një përgjigje të zëdhënëses së Përfaqësueses së lartë të BE-së rreth kësaj çështjeje, vetëm thuhet se “Çështja i takon shteteve anëtare të organizatës përkatëse ndërkombëtare.”

Me asnjë fjalë tjetër nuk i referohen as dështimit të anëtarësimit të Kosovës në INTERPOL e as sa mund të ketë kjo ndikim në luftën kundër terrorizmit, krimit të organizuar dhe dukurive tjera.

Por në ketë reagim të BE-së shihet qartë se shqetësimi i vetëm është ndikimi që mund të ketë në dialog.

“INTERPOL është një partner i rëndësishëm i Bashkimit Evropian. Ne kemi një bashkëpunim pozitiv, përfshirë edhe në fushën e bashkëpunimit policor brenda BE-së, asistencës teknike për shtetet e treta, operacionet në fushën e politikës së përbashkët të mbrojtjes dhe sigurisë, posaçërisht me qëllim të rritjes së bashkëpunimit policor dhe sundimit të ligjit,” tha zëdhënësja e Komisionin Evropian,Maja Kocijançiç për “Kohën Ditore”, duke rikujtuar se si Federica Mogherini, pas takimit të nivelit të lartë të dialogut më 8 nëntor, pat thënë se “Kosova dhe Serbia duhet të sigurojnë një ambient të duhur për dialogun dhe të përmbahen nga fjalët, veprat dhe masat që shkojnë kundër frymës së normalizimit”.

“BE-ja pet nga Serbia dhe Kosova që shpejt të dëshmojnë përkushtimin e tyre për dialog duke pasur parasysh lidhjet direkte mes normalizimit gjithëpërfshirës të raporteve mes tyre dhe perspektivën konkrete për EU aspiratat e tyre.”

Ky qëndrim i Zyrës së Përfaqësueses së Lartë për Politikë të Jashtme dhe Siguri pranë BE, Federica Mogherini nuk dallon nga qëndrimet e kaluara, kur nuk interesohet as për terrorizmin dhe krimin e organizuar serb në Kosovë dhe as për krimet e luftës nga ushtarët dhe paramilitarët serbë, por vetëm për humorin e mirë dhe mosshqetësimin e Presidentit të Serbisë, Aleksandar Vuçiç.

Ndërkohë si kriminelët e luftës ashtu edhe ata të krimit të organizuar serb nga Beogradi zyrtar, nuk janë vetëm  të pandëshkuar në tokën e Kosovës por persona të cilët me Marrëveshjen, ndërmjetse e së cilës është vetë Mogherini, ata janë persona që paguhen nga buxheti i Kosovës. Zyrtarisht jo për krimet ndaj shqiptarëve, por arsye tjetër pse paguhen, për momentin nuk ka…