BE shpreh keqardhje për anullimin e vizitës së Vuçiqit në Banjë

Bashkimi Evropian ka reaguar në lidhje me vendimin e autoriteteve të Kosovës për të mos i lejuar presidentit të Serbisë, Aleksandar Vuçiç, që të vizitojë fshatin Banjë të komunës së Skenderajt.

Zëdhënësja e BE, Maja Kocijançiç,  tha se Bashkimi Evropian shpreh keqardhje për vendimin e autoriteteve të Kosovës.

“Kërkojmë nga të gjithë përgjegjësit për rendin që të garantojnë sigurinë dhe qarkullimin e lirë gjatë ditës”, tha ajo duke shtuar:

“Angazhimi i plotë për ruajtjen e paqes dhe sigurisë së njerëzve në Kosovë dhe popullit serb, mençuria dhe qetësia, janë ato që nevojitet tani.”

Sipas Zëdhënëses së BE-së, Maja Kocijançiç,  vizita e Vuçiëit ka kaluar qetë me angazhimin e të gjithë akterëve përgjegjës, deri në momentin e bllokimit të rrugës për vizitën në Banjë të Skenderajt.