Bedelët dhe 16 hajdutë!
nga Agim Popoci
Në pamje të parë fillimviti 2023 ishte një përvjetor i dy viteve plotë stres dhe tradhti ndër demokratë, por, papritmas shpërtheu dhe Edi Rama i cili po mbante mbi supe gjithë këtë ngjarje përrallore, me kujdesin që të kishte dhe folklor, Sali Berishë të rrënuar me gjithë Partinë Demokratike, Gjykatë të Apelit që nuk merr vendim, Lulzim Bashë triumfator me gjithë shpurrënn e tij që po e ndihmonin në këtë mision ndërsa po miratoheshin ligje me kosto për Kryeministrin dhe po rritnin piacën, për t’ju thënë në një moment atë që po thoshte e gjithë Shqipëria, se janë bedelë!
Dhe, shumica e këtyre druvarëve të Lulit që kishin hequr dorë nga Partia Demokratike ama për ta shpëtuar demokracinë e donin Sali Berishën të vdekur politikisht dhe jo vetëm, shoqëruar me kurim të mirëqenies, nuk shkuan shumë larg; Druvarë dhe të varfër në zemër mbetën, dhe kjo iu ra kokës!
Edi Rama filloi të rrudhte grushtin me punësime, tendera, leje ndërtimi dhe shpërblime nga më të ndryshmet ndërsa bedelëve u erdhi momenti që duhej të mbledhnin rreth vetes njerëz për zgjedhjet e 14 Majit, pasi Taulant Balla u bëri të qartë se Gjykata e Apelit do t’ju jap partinë!
Në rrugëtimin e tyre nëpër Shqipëri për të gjetur 61 kandidatë për kryetarë të bashkive, bedelët e kuptuan se ky nuk është mision edhe aq i lehtë ndonëse KAS e Kolegji Zgjedhor u dha partinë e madje edhe Kryetarin Nënkryetar!
Sepse, shumë shpejtë rezultoi se lista me 61 kandidatë nuk ishte thjeshtë një listë bedelësh që harton Kunati, përveç se çdo emër që do të zë vend në këto dy lista më shumë folklorike se përrallore, më nuk mund të arsyetoheshin me “fajet i ka Saliu”!
Bedelët konstatuan se idealistët për ti futur në këtë listë i kishte mbledhur Sali Berisha ku janë e ku s’janë pavarësisht se si, dhe morali ishte një çështje që mund të shitej si bukë dhe gjellë ndër këta demokratë që u kishin mbetur vetëm për rrjetet sociale. Thesari nuk ishte një koncept që mund të ndërlidhej vetëm me shtetin, Edi Ramën dhe Lulzim Bashën, sepse ishte kuptuar edhe për ata që do ti shërbenin bedelëve!
Në gjuetinë e kandidatëve për 61 kandidatë për kryetar bashkie, askush nuk iu tha bedelëve fjalën magjike “hapu sesame” ndonëse nga ky llum ata u cilësuan si “hajdutë” që kishin zbuluar shpellën me thesarin e tyre që arritën ta mbledhin vetëm për dy vjet deputetllëk!
Nga gjithë përballjet e sforcuara, me ndihmën e pakursyer të mediave të Edi Ramës, bedelët publikuan lajmin se kishin 16 kandidatë nga 61 sa duheshin për kryetar bashkie dhe arsyetimi për këtë mosukses ishte epik: Fajet i ka Saliu!
Vetë bedelë, vetë prodhuan hajdutë për shpellën me thesarin e tyre që mblodhën falë sharjes dhe përdhosjes së liderit historik të PD, Sali Berisha, dhe pa ndihmën e tregimtares Hanna Diyab dhe përkthyesit francez Antoine Galland, filluan të rrëfejnë dhe interpretojnë në shumë media, veçanërisht për të përndjekurit politik dhe pronarët që vazhdojnë ti tërheqin zvarrë, përrallën “Bedelët dhe 16 hajdutë”!
U shit si e mirëpritur nga Kolegji i Kryetarëve, por Kryesia kaloi parashikueshmëritë e pakënaqësive ndaj skenaristëve dhe regjisorëve të kësaj përralle të shëmtuar. Ata që vërtetë nuk janë dakord me politikën e Sali Berishës vazhduan të jenë të tillë, por nuk pranuan rrënimin e shtëpisë së tyre pavarësisht se dikush edhe kishte mësuar fjalën magjike “hapu sesame” dhe shpella ishte rrezikuar ndërsa numërimi mbrapsht deri në liçencimin nga KQZ kishte filluar.
Edhe pa ca anëtarë të Kryesisë parimor, 10 bedelët dolën triumfatorë me 16 kandidatë për kryetar bashkie, por, shumë shpejtë u konfirmua se kishim të bëjmë me një kështjellë prej rëre të lagur!
Ndërsa i prezantuan kandidatët dhe u bënë publike listat e këshillave bashkiak, dhe u munduan të bindin shqiptarët se sa luftëtarë që janë kundër antiamerikanizmit me kandidatin frankofon për kryetar të Bashkisë Tiranë, shpërthen shampanja e pakënaqësisë duke filluar ahengu!
Thërret Korça mori Vorë! Heqin dorë nga gara për shkelje të integritetit dhe dinjitetit të të gjithë kandidatëve, cenuar nga vendime personale dhe jo kolegjiale! Akuza të dëgjuara nga triumfatorët për Saliun ose në këtë rast vetë shkelësit, që bëjnë kandidatin e Parisit shqiptar të tërhiqet nga gara e pistë që menaxhohet nga një bandë që nuk e di as sasinë e thesarit që kanë në shpellën që po ruhet me shumë fanatizëm nga partia shtet!
Nuk vonoi shumë dhe bedelët mbetën edhe pa Dr.Braçen si kandidat për kryetar të Bashkisë Vorë! Pavarësisht akuzave më i fituari gjithsesi është vetë Doktori i nderuar, dhe nëse dikujt i duhet vënë gishti mbi plagë, atëherë ka vetëm një plagë pavarësisht se dolën edhe katër kandidatë që hoqën dorë nga zotimi që kishin dhënë për kryetar bashkie sepse thjeshtë nuk duan të bëjnë pis duart në shpellën ku vë dorën Edi Rama, pra, nuk janë hajdutë.
Për të dështuar Kryetari Nënkryetar më 14 Maj, i interesuar është vetëm një njeri mbi këtë tokë pavarësisht se çfarë mendojnë bedelët e përbashkuar rreth shpellës që furnizohet nga Edi Rama!
Sali Berisha ishte i qartë dhe i cilësoi si njerëz të Edi Ramës, ndërsa ai që nën hije të ullirit po pret rikthimin dhe po shehë nga trampolina që do të vendos Kryetari Nënkryetar më 15 Maj për ta hedhur në qendër të skenës, është Lulzim Basha! A do të parakaloj Lulzim Bashë si shpëtimtar më 15 Maj, kjo nuk varet më nga Edi Rama, i cili duke rritur piacën e shoqërisë kriminale që ka aktualisht, për kriminelë oridner të këtij lloj bedeli ishte i qartë si rrallë herë: Hëngshin kokat e tyre!
