Beirut, krateri nga shpërthimi, më i gjatë se fusha e futbollit

Shpërthimi i fuqishëm në Beirut ka krijuar një krater me diametër rreth 124 metra, tregojnë analizat e fotove satelitore të kompanisë “Planet labs”.

Gjatësia e kraterit është më e madhe se sa fusha e futbollit, e në analizën e diametrit të kraterit, CNN ka shfytëzuar një software gjeohapsinor në mënyrë që ta bëjë matjen e filmimeve satelitore nga vendi i shpërthimit të së martës.

Ndryshe, sipas të dhënave të fundit, shpërthimi i fuqishëm në Beirut ka marrë jetën e 137 personave deri sa më shumë se 5.000 janë plagosur.

Në Liban është shpallur gjendja e jashtëzakonshme dhe zi treditore.

Guverantori i Beirutit tha se dëmet materiale mund të arrijnë deri në 15 miliardë dollarë.