Benedikti XVI: Papa Gjon Pali II shpëtoi Kishën

Papa Gjon Pali II e shpëtoi Kishën nga kriza e cila u shkaktua me reformat e viteve ’60-të të shekullit të kaluar, thekson pasardhësi i tij Benedikti XVI në letrën të cilën e ka publikuar Konferenca Ipeshkvnore e Polonisë, në prag të 100 vjetorit të lindjes së Karol Wojtylës, më 18 Maj.

Kur kardinali Wojtyla u zgjodh papë në vitin 1978, “Kisha ishte në një situatë dramatike” ishte konkluzioni i Këshillit të dytë të Vatikanit.

Në Këshill nga viti 1962 deri në vitin 1965 janë miratuar reforma të rëndësishme siç është heqja e meshës në gjuhën latine, por bëri që njerëzit edhe të rishqyrtojnë gjithçka që ka të bëjë me Kishën, që kërcënonte dhe mbijetesën e saj, thotë Benedikti XVI.

“Sociologët më vonë do ta krahasojnë gjendjen në Kishë të asaj kohe me atë të Bashkimit Sovjetik në kohën e Gorbaçovit, kur struktura e fuqishme sovjetike u shpërbë në procesin e reformave,” thekson Papa në pension duke shtuar:

“Gati mision i pamundur e priste papën e ri, por Papa Gjon Pali II e nxiti një entuziazëm të ri për Krishtin dhe kishën e tij, dhe u bë reformatori i saj.”

Papa Gjon Pali II ka edhe kritik që e pranojnë se ishte një lider karizmatik i cili ka ndihmuar në rënien e komunizmit, por linja e fortë konservatore thotë se nuk ka reaguar në rastet e priftërinjve që kanë keqtrajtuar minorenët.

Papa Françesku, Papa Gjon Palin II e shpalli të shenjtë në vitin 2014.

Benedikti XVI si kardinali Joseph Ratzinger ishte njëri ndër bashkëpunëtorët kyç të Papa Gjon Palit II, dhe në pjesën më të madhe të papatit të Wojtylës ka kryer detyrën e “rojës së doktrinës”, përkatësisht prefektit të Kongregacionit për shkencë dhe fe.