Beograd, Gjykata e Apelit liron sulmuesit e Ambasadës së SHBA
Gjykata e Apelit në Beograd ka liruar të dyshuarit për sulmin e vitit 2008 në Ambasadën e Shteteve të Bashkuara në Beograd.
Prokurorët kanë dështuar që të ofrojnë të dhëna të mjaftueshme për të mbështetur padinë, thekson Gjykata e Apelit në Beograd duke përmbysur kështu dënimin e pezulluar me burgim për katër persona të dyshuar dhe ka konfirmuar lirimin e tre personave të tjerë nga Gjykata e shkallës parë.
Ndryshe, pas shpalljes së Pavarësisë së Kosovës në shkurt të vitit 2008, mijëra serbë kanë protestuar në Beograd para ambasadave të shteteve perëndimore që kanë mbështetur shtetin më të ri në Evropë, dhe në Ambasadën e SHBA në Beograd, përveç se i vunë flakën, protestuesit djegën flamurin e Shteteve të Bashkuara dhe vunë atë të Serbisë.
Ngjarja në fjalë dhe lejimi i qëllimshëm nga forcat policore i protestuesve që të dëmtojnë Ambasadën e SHBA ku mbeti i vdekur edhe një 20-vjeçar, kanë tensionuar marrëdhëniet në mes të Washingtonit dhe Beogradit. Dhe, përkundër faktit që në çdo takim me Zyrtarët amerikanë, Presidentit të Serbisë, Aleksandar Vuçiç i është kërkuar që përgjegjësit të dalin para ligjit, me këtë veprim Vuçiç shkoi një hap para, duke i shtuar neglizhencës së arrestimit vrasësve të vëllezërve Bytyçi si ushtarë të arrestuar të UÇK, edhe përdhosjen e Ambasadës së SHBA, duke liruar keqbërësit në mungesë të provave, që natën e tmerrshme u panë nga e gjithë bota e qytetëruar.
