Beograd, ndalohet terroristi Milan Radoiçiç. Lojë apo arrestim do ta konfirmoj ekstradimi!
Zyrtarët policorë të Drejtorisë së Krimeve në Beograd kanë kontrolluar banesën dhe pronat tjera të terroristit Milan Radoiçiç i cilit është shoqëruar në polici ku i është caktuar ndalimi për 48 orë.
Lajmin e ka bërë të ditur Ministria e Punëve të Brendshme e Serbisë duke saktësuar se ai është shoqëruar në Prokurorinë e lartë publike në Beograd.
Terroristi Milan Radoiçiç javën e kaluar thanë se i ishte përgjigjur ftesës së autoriteteve të Serbisë dhe i shoqëruar nga avokati ishte paraqitur në Ministrinë e Punëve të Brendshme, në cilësinë e një qytetari serb që të jap deklaratë mbi rrethanat e ngjareve në Banjskë të Kosovës.
Mbrëmë Presidenti i Serbisë Aleksandar Vuçiç, në një intervistë për CNN tha se Radoiçiç ishte në dispozicion të autoriteteve serbe ndërsa prokurorët do kryejnë punën e tyre.
A do të kryejnë prokurorët serbë punën e tyre priten orët në vijim nëse terroristin Milan Radoiçiç do ta ekstradojnë në Kosovë, pasi përveç Prishtinës zyrtare ishte dhe Brukseli zyrtar që tha se është Policia dhe Prokuroria e Kosovës ato që do të kryejnë hetimet mbi ngjarjet e 24 shtatorit në veri të Kosovës.
Ose, do të ngelet një shashkë e rradhës që prodhon regjimi i Aleksandar Vuçiçi me çdo kriminel të arrestuar që ka vepruar nën urdhëra e policisë dhe shërbimit sekret serb!
Ndryshe, pas sulmit terrorist të 24 shtatorit, avokati Goran Petrovijeviç ka lexuar një letër të, siç tha, Milan Radoiçiçit ku thekson se për vajtjen e tij në veri më 24 shtator nuk ka informuar njeri duke përfshirë dhe Beogradin zyrtar, dhe është i gatshëm ti përgjigjet ftesës së organeve kompetente.
Me “vajtjen në veri më 24 shtator”, terroristi Milan Radoiçiç me dhjetëra terroristë të tjerë serbë dhe një armatim me vlerë prej 5 milionë euro, la të vdekur policin kosovar Afrim Bunjaku ndërsa në përplasjen me Policinë e Kosovës mbetën të vdekur tre terroristë serbë dhe u arretsuan 6 persona.
