Beograd, vritet avokati i Sllobodan Millosheviçit

Një person është vrarë dhe një ka mbetur i plagosur pas të shtënave që u dëgjuan rreth orës 19:30 në Rrugën Proleterska në Beograd të ri, raporton gazeta serbe “Blic”.

Viktimë e atentatit është avokati i njohur 57 vjeçar, Dragosllav Misha Ognjanoviç, ndërsa i plagosur mbeti djali i tij 26 vjeçar, i cili me të atin po futeshin në pallatin ku jetonin.

Ognjanoviç, është i njohur si avokat i kriminelit të luftës Sllobodan Millosheviç, bashkëshortes së tij Mira Markoviç dhe së fundi shefit të mafias serbe, Lluka Bojoviç si dhe familjes së tij.

Policia ka bllokuar gjithë zonën dhe po bënë krehjen e terrenit ndërsa fqinjët e tij dukshëm të shqetësuar janë mbledhur para pallatit. Hetimet vazhdojnë…