Tensionet në veri, Vuçiç takim me Lajçakun, më pas takimi Vuçiç-Lajçak-Escobar

Sot Presidenti i Serbisë, Aleksandar Vuçiç, do të takohet në Beograd me Përfaqësuesin Special të BE për Dialogun Kosovë-Serbi, Miroslav Lajçak, dhe më pas është parashikuar një takim i veçantë ku dyshes Vuçiç-Lajçak do ti bashkohet edhe I Dërguari amerikan për Ballkanin, Gabriel Escobar.

Zyra e Presidentit të Serbisë bënë të ditur se takimi me Lajçakun është planifikuar në orën 12:45 dhe me të përfunduar ky takim atyre do t’ju bashkohet, Zv/Ndihmës Sekretari i Shteteve të Bashkuara, Gabriel Escobar, takim pas të cilit do të lëshohet vetëm një komunikatë.

Takim me të dërguarin amerikan Gabriel Escobar sot do të zhvilloi edhe Zv/Kryeministri dhe ministri i Jashtëm i Serbisë, Ivica Daçiç, takim i cili është planifikuar në orën 16:00.

Ndryshe, Escobar dhe Lajçak vizitojnë Beogradin pas Prishtinës ku janë takuar me liderët institucional dhe politikë të Kosovës.

Përfaqësuesi Special i BE për dialogun Kosovë-Serbi, Miroslav Lajçak, pas takimeve që zhvilloi në Prishtinë, mbrëmë tha se “ka mënyra shumë më të mira për ta zgjidhur çështjen e barrikadave, se sa me buldozerë”.

Ndërsa I dërguari amerikan, Gabriel Escobar kishte dy mesazhe të qarta për Prishtinën dhe Beogradin:

“E kam bërë të qartë në takim, për pritjet tona që kemi për të filluar të  bisedohet për Asociacionin e komunave me shumicë serbe në Kosovë.

Ne e kundërshtojmë në mënyrë kategorike kthimin e forcave të Serbisë në Kosovë. Nuk e mbështesim fare. Dhe, po ashtu, dua të them se Kosova ka garanci shumë të forta të sigurisë nga Shtetet e Bashkuara!”

Pas deklaratës së Gabriel Escobar, Presidenti i Serbisë ka zgjedhur të heshtë por ka nxjerrë Kryeministren Ana Brnabiç ti përgjigjet si dikur Milan Martiç nga barrikadat e serbëve të Kroacisë:

“E shoh se miku im Gejb Eskobar është dhe një politikan i palëkundur kundër rezolutave në fuqi të Këshillit të Sigurimit. Ka marrë rolin e Këshillit të Sigurimit dhe njëzëri me zërin e tij, me Ministrinë e Jashtme të Gjermanisë dhe ministren e heshtjes fon Kramon, të njohur si raportuese për Kosovën në PE, anulon Rezolutën 1244 të KS OKB,” tha Ana Brnabiç me fjalorin që do t’ia kishin zili edhe Aleksandar Vulin ose në versionin shqip, Taulant Balla.