Berat-Gjirokastër 3 prova 100 parregullsi, PD: 35 persona kanë votuar 131 herë!

Pasi Komisioni i Ankimeve dhe Sanksioneve pranoi të merrte vetëm 3 prova për qarqet Berat dhe Gjirokastër ka rezutuar se 35 persona kanë votuar 131 herë ndërsa numërues të Edi Ramës ishin edhe ata që në mënyrë të paligjshme janë futur nga Greqia. Lajmin e bënë të ditur Përfaqësuesi i Partisë Demokratike, Marash Logu, duke publikuar dhe dokumentat që faktojnë 35 persona kanë votuar plotë 131 herë.

“Komisioni i Ankimeve dhe Sanksioneve, KAS, me kërkesë të dy anëtarëve Z. Braho dhe Z. Cefa, pranoi të merrte vetëm tre prova. Konkretisht:

Në foton e parë kemi të dhënat e kryqëzuara të pajisjeve PEI për qarkun Gjirokastër. Aty rezulton se shenjat e gishtërinjve të 14 personave janë përdorur për identifikimin e 74 zgjedhësve. E thënë ndryshe, potencialisht 14 persona kanë votuar 74 herë ose mesatarisht 5 herë/secili,” thekson Logu duke sjellë dhe rezultatet e procesit të kryqëzimit të të dhënave daktiloskopike të zgjedhësve për Qarkun Gjirokastër.

Dhe jo vetëm kaq!

“Në foton e dytë kemi të dhënat e kryqëzuara të pajisjeve PEI për qarkun Berat, nga ku rezulton se shenjat e gishtërinjve të 21 personave janë përdorur për identifikimin e 57 zgjedhësve ose 21 persona kanë votuar 57 herë, ose rreth 3 herë/secili,” thekson Përfaqësuesi juridik i PD duke sjell dhe provën e dytë:

Por regjimi i Edi Ramës nuk manipuloi vetëm në 25 Prill gjatë votimit por shkeli dhe vendimin e vetë që urdhëronte kanrantinimin për 14 ditë të atyre qytetarve që vijnë nga Greqia dhe Maqedonia e Veriut. I tillë ishte rasti me numëruesin në Gjirokastër, Thanso Andrea Karameno, thekson Marash LOgu duke sjellë dhe provën e tretë:

“Në foton e tretë kemi vendimin e KZAZ Nr. 82, qarku Gjirokastër për emërimin e anëtarëve të Grupit të Numërimit Nr. 4. Numërues i parë është shtetasi Thanos Andrea Karameno (PS). Ky shtetas rezulton se është futur në Shqipëri nga Greqia, pas datës 19 prill kur u vendos karantinimi 2-javor i personave që vinin nga Greqia dhe Maqedonia.”

Vetëm me tre prova të thjeshta, faktohen mbi 100 shkelje flagrante të ligjit, thekson Përfaqësuesi i Partisë Demokratike në KAS, Marash Logu, në reagimin e tij duke përfunduar:

“Merreni me mend se sa shkelje të rënda do të zbardheshin, nëse KAS-i, nuk do të sillej si shërbëtor i Edi Ramës dy herë rradhazi, por do të pranonte 19 kërkesat tona për marrje provash. Sepse ata e dinë që po i morën provat, do të faktohet para të gjithë shqiptarëve dhe partnerëve ndërkombëtarë masakra zgjedhore e 25 prillit.

Megjithatë, ne nuk do të ndalemi. Beteja jonë do të vazhdojë deri në zbardhjen e plotë të vjedhjes më të madhe të shqiptarëve në historinë e zgjedhjeve.”