Berisha apo Basha e vendos vota, po Edi Rama?!
nga Agim Popoci
Përkundër retorikave politike dhe jo vetëm të Lulzim Bashës dhe deputetëve të tij, përgjigjeve të Sali Berishës dhe deputetëve që e mbështesin, si dhe ndërhyrjen e Edi Ramës në gjyqësor për të ndaluar aktin e regjistrimit të gjykatës që i dha të drejtë Kuvendit të PD të organizuar nga Foltorja, këtë konflikt pavarësisht vendimit të Gjykatës së Apelit dhe padronit të tij, do ta vendos vota herdokur!
Por, ndonëse deputetët e Lulzim Bashës dhe mëkëmbësi i tij në detyrë si Kryetar, po kujdesen dhe reagojnë ndaj çdo lëvizje të Sali Berishës, problemi kryesor shqiptar ishte dhe ngeli Edi Rama!
Deputetët e Lulzim Bashës në Qarkun Shkodër, e luftuan dhe vazhdojnë ta luftojnë kandidatin e PD fitues në zgjedhjet lokale, Bardh Spahia, si dhe nuk ia falin Sali Berishës çdo deklaratë ose postim në rrjetet sociale për veriun, të përndjekurit dhe komunizmin!
Por, ata nuk u panë të reagojnë për përmbytjet, rritjen e numrit të vrasjeve ose dhe për rastin e fundit me vendosjen e kamerave nëpër shtyllat elektrike nga bota e krimit; Dhe, arsye e vetme që ju ngelet këtyre barbarëve të demokracisë pse nuk reagojnë është se ato nuk i shkaktoi Sali Berisha!
Deputetët e Lulzim Bashës në Qarkun Dibër janë parë të reagojnë për çdo deklaratë të Sali Berishës pavarësisht se në cilat rrethana është thënë, por, nuk u pa të reagojnë as për zhvillimet e fundit në Rrugën e Arbrit dhe së fundi as për tërmetin! Madje interesant është rasti i tërmetit ku njëri prej deputetëve të Bashës reagoi pas tërmetit të 35-të brenda tre ditëve që tronditi Klosin, vetëm kur ai tronditi edhe Tiranën! Ndoshta reagimi i tij në rrjetet sociale të lë mbresa humanizmi, por të dhënat që ai përcjellë dhe i referohen kryetarit të Bashkisë Klos, përveç se nuk kanë lidhje me realitetin, ky reagim tregon se lidhja me bazën e këtij Grupi në shërbim të Edi Ramës ka humbur fare!
I tillë ishte dhe rasti në Qarkun Elbasan në Kanionin e Holtës ku u ngujua një 48 vjeçar për 24 orë. Interesimi për një qytetar vërtetë nuk sjellë vota ashtu si dhe fakti që e pranoi vetë se ishte ngujuar në atë kanion vetëm si adhurues i natyrës, por, bëhet fjalë për një jetë njeriu dhe një pikë turistike e njohur tashmë në gjithë botën.
Raste të ngjashme në qarqet tjera ndodhën dhe vazhdojnë të përsëriten, dhe në asnjë rast nuk reagohet për ato që nuk i shkakton ose mbështet Sali Berisha, pavarësisht se është vetëm një dorë e zezë në këtë vend, Edi Rama!
Po me Edi Ramën si do bëhet! Si do bëjë Lulzim Basha kur Edi Rama i numëron sërish votat, por, përballë ka vetëm Bashën?!
Dhe, si do bëjë Sali Berisha kur votat nuk do të numërohen nga demokratët dhe këtë numërim do ta menaxhoj shkatërruesi historik i zgjedhjeve shqiptare që sot është në krye të KQZ, një hajdut vote si Ilirian Celibashi!
Votimi për Ardian Dvoranin si anëtar të Gjykatës Kushtetuese dëshmoi se Grupi i deputetëve të Lulzim Bashës nuk është ai Grup sikur që krekoset ndaj Sali Berishës, edhe kur përballë ka Edi Ramën! Ky Grup nuk pati guximin ti nënshtrohet votimit për Dvoranin, jo sepse votimi i fshehtë ishte ndonjë krim i paparë ose shkelje igjore, por, sepse Basha nuk i besonte deputetëve që ai i konsideron mbështetës kur lufton Sali Berishën!
Këtu bie dhe karta e moralit që ata tundin për komunistin Sali Berisha, por, nuk e mbajnë drejtë në shtizën e tyre të moralit kur bëhet fjalë për një hetues të Sigurimit të Shtetit si Ardian Dvorani! Dhe, në mungesë të këtij morali, ata braktisin procesin e votimit sepse e kanë të qartë se aty voton dora e zezë e Edi Ramës edhe me dorën e Grupit të tyre!
“Hapja e Dosjeve” u trumbetua si sukses i madh nga ky grup pa shtyllë kurrizore, por, ende pa kaluar 24 minuta u konfirmua se jo vetëm që nuk ishte sukses, por aq më pak kishte lidhje me hapjen e dosjeve sepse ato ishin hapur prej shumë viteve; Kuptohet, nëse hapje quhet ajo për të cilën flasin dy ish-ministrat demokrat të Drejtësisë dhe vendoset nga sigurimsat në Autoritetin e Edi Ramës!
Ndërkohë dhe votimi i Avokatit të Popullit u konsiderua nga ky Grup si dështim dhe mungesë e vullnetit të Edi Ramës! Por ajo që thuhej në kafenetë përreth Parlamentit, Kryeministri e tha nga foltorja e saj me sinqeritetin e zgërdhirjes sikur i drejtohet Taulant Ballës, Erion Veliajt ose Mirela Kumbaros!
Pra, ishte e qartë se Ledio Braho që aq shumë e dëshironte Lulzimi i Ramës nuk do të votohej nga Edi Rama pavarësisht fryrjes mediatike që i bënë këta injorantë politik, e pse nuk deshën ta fusin në votim kandidatin tjetër që nuk e donte Basha, këtë vetëm Luli e di sepse të tjerët ende nuk e kanë kuptuar! Madje e kanë heshtur edhe ata demokratë mirditorë që e kanë gjithë atë zell për ta luftuar komunistin Sali Berishën, por, jo dhe komunistët e Grupit të tyre me në krye Edi Ramën, që luftojnë birin e tyre antikomunistë nga dera e madh e Gjomarkajve, Dorianin!
E për ti shitur demokratëve sapunin për djathë futën menjëherë në ligjërim Ligjin për lustracionin! Pra, Ligjin për të cilin Taulant Balla e tha qartë se se PS nuk do ta votojë që në momentet e para kur doli nga goja e këtyre asqerëve të Edi Ramës, ashtu siç ishte rasti me ndarjen e re territoriale, për të cilën ndarje, ky Grup pa pikë turpi jo vetëm folën por e proklamuan si garanci që kishin marrë nga ndërkombëtarët!
Se ku është nisur Lulzim Basha me këtë Grup nuk dihet, por, sot është e qartë se sukseset që i korr kundër Sali Berishës janë suksese personale të Edi Ramës, dhe gjërat do të ndryshojnë kur përballë kanë vetë Ramën!
Vetëm këtu nuk mund të filloj beteja! Humbja është e garantuar!
Situatë shumë shpresëdhënëse në këto rrethana nuk është dhe për ata demokratë që zgjodhën me votë Sali Berishën! Këtu, jo gjithçka ka përfunduar, sepse problemi më i madh i këtij vendit është Edi Rama që nuk e njeh votën fare ama ka drejtësinë dhe policinë në dorë.
Sot demokratët e dinë se përveç konjukturave që nuk i ka Sali Berisha si në vitin 2001, lufta me Ilirian Celibashin është e vështirë edhe për shkak të regjimit monist që është instaluar tashmë në Shqipëri ndërsa ndihmohet nga hyzmeqarët e Lulzim Bashës!
Zgjedhjet vendore të 14 Majit nuk do të dëshmojnë vetëm se njerëzit e Lulzim Bashës punojnë për Edi Ramën sepse kjo dihet edhe sot, por, në këto zgjedhje, Partia Demokratike mund të marrë edhe goditjen e fundit pas së cilës llogaridhënia si proces demokratik mund të jetë shkatërrimtare për PD-në, me njerëzit e Lulzim Bashës duke pritur te dera me vendim gjykate në dorë!
Cili do të jetë fati i PD me në krye Sali Berishën, sot, me siguri nuk e dinë as vetë Sali Berisha! Por, sot, as Edi Rama nuk e ka idenë se si do të përfundojë Edi Rama kur përballë ka Sali Berishën dhe jo një shitës të shpirtit si Lulzim Basha!
Për shqiptarët dhe Shqipërinë me siguri se zgjidhja më e mirë është largimi vullnetar i Edi Ramës, ndryshe revolucioni aq shumë i përfolur sot, nuk do ti shërben asnjërës palë, as atyre që nuk lanë tjetër shteg dhe as atyre që e nxisin ose përqafojnë revoltën!
Bazuar në situatën ekonomike dhe të sigurisë, gatuesve të gjithë kësaj gjelle të ndyrë, kryengritja e 1997-ës do t’ju duket parajsë sepse aty nuk do të ketë më ndikim as Beogradi dhe as Athina, por, uria dhe mllefi i gjithë kësaj varfërie!
Fatura, me ose pa TVSH pak rëndësi ka, do jetë e frikshme për shumë breza!
