Mesazh Dumanit, Berisha: Qëndrimi mbrojtës ndaj krimit elektoral, krim i rëndë antikushtetues!
Qëndrimi mbrojtës ndaj krimit elektoral i Altin Dumanit, përbën një krim të rëndë antikushtetues në shërbim të narkoshtetit dhe kreut të tij, Edi Rama, ishte mesazhi që Kryetari i Partisë Demokratike, Sali Berisha, i la kreut të SPAK, Altin Dumani, me rastin e “detyrimit paraqitjes” në Prokurorinë e Posaçme.
“Qëndrimi mbrojtës ndaj krimit elektoral i Altin Dumanit, përbën një krim të rëndë antikushtetues në shërbim të narkoshtetit dhe kreut të tij, Edi Rama. Kjo është deklarata që unë i lashë kreut të Skapit,” tha Sali Berisha duke vazhduar me kreun e Gjykatës Speciale.
“Pseudogjykatësja me pesë mbiemra, është një mashtruese ordinere dhe delinkuente, e paturp, e pacipë, subjekt i ligjit. Ndërsa deklaron në formularët e saj, që i ka dorëzuar motrës së Lubi Ballukut, se nuk ka marrë ndonjëherë dënim në ndonjë vend, siç kërkon formulari.
A jeni dënuar me burgim me vendim gjyqësor jopërfundimtar nga ndonjë autoritet? Jo, thotë. A është marrë ndonjëherë masë dëbimi nga shteti i huaj? Jo, thotë Irena me 5 mbiemra. Ky dokument vërteton se ajo është dëbuar nga shteti grek. Vërteton se ajo është dënuar nga shteti grek. Vërteton se ajo ka mashtruar shtetin shqiptar qoftë për dënimin, qoftë për dëbimin,” tha Kryetari i Partisë Demokratike, Sali Berisha, duke përfunduar:
“Ajo publikisht e ka mohuar që kurrë nuk kam pasur gjëra të tilla, ndërkohë ka marrë prokurë për t’i hequr këto masa. Nuk mund të ketë mashtrim më ordiner dhe më të dënueshëm se ky. Se këtu ka një formular, të cilën sigurisht ia mbyll Lubia.
Ndërkohë unë solla këtu para jush me vulë apostile dokumentin e gjykatës së Janinës se ajo është dënuar me tre muaj burg. Pra, siç e shihni, gjykata speciale kryesohet nga kriminelë specialë. Dhe që e vërteta , nuk është e vetmja.”
Pas kaj deklarate, artileria mediatike e Edi Ramës vazhdoi me pyetjet rreth zgjedhjeve të 11 Majit deri te drejtimi i seancës konstituive si deputeti i moshuar të cilën Sali Berisha e hodhi poshtë duke siguruar se beteja opozitare do vazhdojë gjer në rikthimin e votës së lirë të shqiptarëve.
Deklaratë:
Qëndrimi mbrojtës ndaj krimit elektoral i Altin Dumanit, përbën një krim të rëndë antikushtetues në shërbim të narkoshtetit dhe kreut të tij, Edi Rama.
Kjo është deklarata që unë i lashë kreut të Skapit.
Tani, kreu i Gjykatës speciale, pseudogjykatësja me pesë mbiemra, është një mashtruese ordinere dhe delinkuente, e paturp, e pacipë, subjekt i ligjit.
Ndërsa deklaron në formularët e saj, që i ka dorëzuar motrës së Lubi Ballukut, se nuk ka marrë ndonjëherë dënim në ndonjë vend, siç kërkon formulari.
A jeni dënuar me burgim me vendim gjyqësor jopërfundimtar nga ndonjë autoritet? Jo, thotë.
A është marrë ndonjëherë masë dëbimi nga shteti i huaj? Jo, thotë Irena me 5 mbiemra.
Por këtu shqiptarët duhet të mësojnë se kjo delinkuente, me datën 31.03.2013, ka firmosur tek noteri Fejzo Behaj, prokurën për vete, duke u paraqitur edhe si bashkëshortja e Stefan Gjokës. Në fakt, certifikatën e martesës e ka tre vite mbrapa.
Pra, autorizon të drejtë përfaqësimi Andon Ikonomu, avokat me siguri, të paraqesë çdo lloj prove të nevojshme dhe të nënshkruajë, të marrë në dorëzim çdo akt që është i nevojshëm për heqjen e masës së dhënë.
Ne, thotë, të përfaqësuarit Stefan Gjoka, Irena Maneku, bashkëshortja e Stefan Gjokës, mashtrim me certifikatë, autorizojmë zotin Andon Ikonomu me banim në Patra, Aleksandër Ispilandi, të na përfaqësojë me pranë Ministrisë së Rendit publik në Athinë dhe çdo institucion tjetër të nevojshëm në lidhje me heqjen e masës së ndalimit të dhënë ndaj nesh në mënyrë të paligjshme.
Ky dokument vërteton se ajo është dëbuar nga shteti grek.
Vërteton se ajo është dënuar nga shteti grek.
Vërteton se ajo ka mashtruar shtetin shqiptar qoftë për dënimin, qoftë për dëbimin.
Ajo publikisht e ka mohuar që kurrë nuk kam pasur gjëra të tilla, ndërkohë ka marrë prokurë për t’i hequr këto masa.
Nuk mund të ketë mashtrim më ordiner dhe më të dënueshëm se ky.
Se këtu ka një formular, të cilën sigurisht ia mbyll Lubia.
A është marrë ndonjëherë për ju masa e dëbimit nga një shtet i huaj. Jo.
A jeni dënuar me burgim në vendin gjyqësor jopërfundimtar nga një autoritet gjyqësor shqiptar ose i huaj. Jo.
Ndërkohë unë solla këtu para jush me vulë apostile dokumentin e gjykatës së Janinës se ajo është dënuar me tre muaj burg.
Pra, siç e shihni, gjykata speciale kryesohet nga kriminelë specialë.
Dhe që e vërteta , nuk është e vetmja.
Pyetje: Z.Berisha, prej ditësh ju denonconi shitblerjen e votës apo krimin zgjedhor. A po përgatit PD një dosje me të dhëna konkrete për ta paraqitur pranë institucioneve të drejtësisë aë që ju e konsideroni si masakër zgjedhore të 11 majit?
Berisha: PD ka dorëzuar gjatë fushatës elektorale mbi 15 padi, të cilat natyrisht do kenë fatin e të gjitha padive të tjera, sepse në krye të amnistisë së krimit elektoral, qëndron ai që amnistoi dosjet 184 dhe 339, qëndron vetë Altin Dumani, shërbëtor i shpifur i Ulsi Manjës dhe Arben Rakipit, i keqpërdorur në shkallë ekstreme nga Edi Rama.
Ne kemi dorëzuar edhe gjatë fushatës me dhjetëra padi.
Pyetje: po në Spak, ka edhe prokurorë të tjera z.Berisha, të cilë tmund të marrin në shqyrtim kallëzimet tuaja nëse ju keni fakte apo prova për krim zgjedhor?
Berisha: Prokurorët e tjerë kanë një drejtues dhe ti e pe rastin e Erion Veliajt, se ti e njeh këtë strukturë këtu. Nuk të bëri përshtypje se si i arrestuari me firmë të Altin Dumanit për këtë gjë u bë fajtor Olsi Dado. Se unë i kisha kërkuar njëherë, paçka se djalin e ka pasur kandidat për deputet të PS.
Me një fjalë, për të mbrojtur Dumanin, ia veshën të gjitha ato që kishte bërë Dumani, Olsi Dados.
Çfarë mendon ti, se nuk nxjerrin mësim prokurorët nga ai akt që ndodhi? Nxjerrin, pra detyrohen të heshtin.
Edhe po të kenë vullnet, me provën që u bë, ata do heshtin.
Pyetje: Tani në shtator riformohet parlamenti, për shkak të eksperiencës ju jeni deputeti më i vjetër. Do ta çelni seancën në shtator, apo do të refuzoni njohjen e zgjedhjeve?
Berisha: Unë vazhdoj betejën kundër kësaj vjedhje më monstruozen e 32 viteve në historinë e zgjedhjeve pluraliste.
Këto vjedhje, kësaj here, kjo vjedhje monstruoze, ka qenë një vjedhje e paralajmëruar, pasi është e denoncuar paraprakisht në 4 rezoluta ndërkombëtare me forcën dhe fuqinë më të madhe.
Së dyti, kjo vjedhje është denoncuar në raportin paraprak të vëzhguesve ndërkombëtarë.
Ne vazhdojmë betejën tonë gjer në rikthimin e të drejtës së votës së lirë të shqiptarëve.
Pyetje: Do ta çelni apo jo seancën?
Berisha: Kjo pyetje e ka përgjigjen. Nuk do mund të ndodhë ndonjëherë ajo, dhe u siguroj se beteja jonë do vazhdojë gjer në rikthimin e votës së lirë të shqiptarëve.
Të mos mendojë njeri se ne intimidohemi, as se ne impresionohemi, përkundrazi.
Çdo përpjekje për të përligjur vjedhjen, vetëm sa dëshmon amoralitetin dhe bashkëfajësinë e të gjithë atyre që e ndërmarrin.
Sepse vjedhja kësaj here ka ndodhur publikisht, me vendime qeverie, pa u fshehur fare.
Ndaj dhe ne qëndrojmë të fuqishëm dhe kemi besim se do t’ia dalim.
Pyetje: Z.Berisha, PD dhe ju personalisht keni shpresuar shumë të vota e diasporës. Në fakt, rezultoi që diaspora nuk votoi për PD. A ka Sali Berisha një shpjegim për këtë?
Berisha: Në fakt, diaspora ka votuar masivisht për PD-në, por siç keni parë ju, kutitë e votave dhe votimi i tyre është fund e krye i manipuluar njëlloj si në Korenë e Veriut apo në diktaturën hoxhiste dikur.
Diaspora ka votuar dhe të garantoj se diaspora kundër narkoshtetit, do dëgjoni ju, do të thotë fuqishëm fjalën e saj, sepse përdhosja dhe shkelmimi që iu bë vullnetit të lirë të shqiptarëve në Europë do marrë përgjigje të fuqishme dhe shembullore po nga shqiptarët jashtë vendit.
Pra, ata të cilët menduan se mund të tallin diasporën me kuti të llojit të Koresë së Veriut, ata do marrin përgjigje ekzemplare nga diaspora.
Pyetje: Z.Berisha, a keni një koment për përplasjen e eksponentëve të PD me gazetarët gjatë protestës?
Berisha: Tani, meqë më pyet, personalisht siç e di, kam falënderuar me sinqeritet, në mënyrë të përsëritur gazetarët për kontributin që kanë dhënë për denoncimin e farsës elektorale.
Ai ka qenë kontribut i çmuar dhe unë e vlerësoj shumë.
Ato kronika të tyre kanë qenë dhe janë jashtëzakonisht të çmuara.
Nga ana tjetër meqë më pyet, të sugjeroj miqësisht të lexosh raportet e OSBE-së se çfarë thonë për mediat në Shqipëri.
Ato thonë se mediat u sollën si në diktaturë.
Kjo, absolutisht jo gazetarët e kronikës, ja këtu unë i përjashtoj.
Unë i përjashtoj këtu gazetarët e kronikës nga ky klasifikim, pasi ka prej tyre që kanë rrezikuar shumë veten me raportimet që kanë bërë me guxim dhe trimëri.
Por në tërësi gjendja e medieve është shëmbëlltyrë e medieve në diktaturë.
E thotë raporti, unë nuk kam lexuar ndonjë raport të tillë tjetër.
Tani vijmë tek episodi, unë nuk e kam parasysh të gjithë, por jam absolutisht për respektimin e gazetarëve.
Dhe ju, në qoftë se në anën tjetër në 3 muaj, nuk bënit dot një pyetje, në këtë anë keni bërë çfarë pyetje dhe keni marrë përgjigje për çfarë keni dashur.
Por cilido politikan duhet të ketë një kujdes të veçantë në marrëdhëniet me gazetarin.
Sikundër në protesta, kur ka një kauzë, besoj se gazetari duhet të ketë në qoftë se nuk e mbështet protestën dhe nuk ka asnjë detyrim të mbështesë protestën, nuk duhet të marrë porosi dhe të zbatojë porosi të cilat nuk është vendi për t’i zbatuar aty se mund të krijojë gjaknxehtësira dhe gjëra të papëlqyera. Kjo është e gjitha.
Por marrëdhëniet me PD ju i keni pasur në tërësi më normale se me çdo forcë politike.
Pyetje: Z.Berisha, nuk dua të paragjykoj listat që ju hartuat. Por ndërkohë, rezulton nga listat e hapura, nga votat preferenciale që Ilir Alimehmeti, doktor shumë i njohur, me shumë popullaritet në Tiranë, është jashtë. Ku gaboi Sali Berisha që humbi një aset të çmuar për PD?
Berisha: E vërteta është se nuk e humbi fare.
Ai është një luftëtar i çmuar dhe i shquar i PD-së dhe tregoi shkallën e lartë të pëlqyeshmërisë që kanë qytetarët për të.
Natyrisht listat mund të ishin në disa lloje, por fakti që ai mblodhi ato vota, dëshmoi se ai është një veprimtar shumë i respektuar dhe i çmuar.
Unë nuk besoj se vetëm parlamenti është përfaqësim, një parti ka shumë përfaqësime.
Shumë mirë që e morët zotin Ilir shembull.
Vërtet ai është një intelektual me pëlqyeshmëri të lartë dhe reputacion shumë të mirë.
Pyetje: Me Chris LaCivita keni folur këto 72 orë?
Berisha: Tani, duhet ta falënderoj për punën që ka bërë.
Çështjet e privacisë, edhe Sali Berisha sado që është njeriu më publik që qarkullon, ka përsëri edhe ai privacinë e tij.
Ndaj dhe po mjaftohem me falënderimet për kontributin dhe ndihmën që na ka dhënë dhe që jep.
U ftoj të bëheni avoketër të interesit publik të qytetarëve shqiptarë.
Ky është në tërësi misioni i të gjithë opozitës, misioni i medieve dhe të vazhdojmë.
Ja, këtu për shembull, ju e shihni shkallën e lartë të mosndëshkueshmërisë që mban ky institucion për shkak të Dumanit.
Kjo përbën, ju them unë ju, në themel të qëndrimit tim kundër këtij personi, qëndrimi që ky ka mbajtur ndaj dosjeve flagrante të dhunimit të zgjedhjeve 184 dhe 399.
Pyetje: Z.Berisha, z.Dumani është në mandat të përkohshëm, për pak muaj i përfundon mandati.
Berisha:Dumani po lobon fort për të ndryshuar Kushtetutën për karrigen e tij. Ai po lobon fort duke treguar se po të kishte diçka në dorë është i aftë të bëjë gjithçka për të mbrojtur karrigen e vet.
Dumani i ka publike kërkesat e tij.
Ju nuk keni dëgjuar ndonjë kërkesë tjetër për të përveç mandatit të tij.
Nga ajo kohë nga viti 2008 deri në vitin 2025, ai është reformuar tre herë.
Faleminderit!
