Berisha e akuzoi për pazare me Kryeministrin, Basha: Shqipëria ka vetëm një armik, Edi Ramën!
Pas përjashtimit nga Grupi Parlamentar, sot lideri historik Sali Berisha e akuzoi Kryetarin e PD për pazare të turpshme me Kryeministrin por Lulzim Basha edhe sot ishte i prerë se Shqipëria ka një dhe vetëm një armik, Edi Ramën!
”Shqipëria, shqiptarët, demokracia e shqiptarëve, e ardhmja e tyre, ka një dhe vetëm një armik, Edi Ramën dhe regjimin e dalë nga zgjedhjet e vjedhura, të cilat PD nuk i njeh,” tha Lulzim Basha pas akuzave të Sali Berishës dhe me përfundimin e seancës së parë të Legjislaturës së X-të.
Ndryshe, sot Ish-Kryetari i PD, Sali Berisha, i përjashtuar dje nga Grupi Parlamentar i Partisë Demokratike tha sot se nis beteja jonë për shpëtimin e Partisë Demokratike dhe të Shqipërisë nga pazaret e turpshme të Lulzim Bashës dhe Edi Ramës, ku PD do të dalë nga kjo betejë më e fortë dhe më e sigurtë në fitore.
