Berisha: Kukulla e George Soros u tall me Presidentin e SHBA!

Kukulla e George Sorosit u tall me Presidentin e SHBA duke treguar se është kloun ndërkombëtar, tha sot Kryetari i Partisë Demokratike, Sali Berisha, duke e cilësuar përqeshjen e djeshme të Edi Ramës me Donald Trump në Komunitetin Politik Evropian, si shërbimin më të keq që mund t’i bëjë shqiptarëve dhe Europës.

Por Kryetari i Partisë Demokratike denoncoi edhe skandalin me Delina Ficon e cila organizon aktivitete me video ku Trump paraqitet si Hitleri!

“Dje shqiptarët, europianët dhe qytetarët e mbarë botës panë se kreu i organizatës kriminale të Tiranës është njëherashi edhe klouni ndërkombëtar.
Edi Rama shfrytëzoi Samitin e Komunitetit Politik të Europës për të përqeshur, për t’u tallur me presidentin e SHBA. Konkretisht, me një proces të suksesshëm paqeje siç ishte paqja e Kaukazit.
Edi Rama, kllounadën e tij, që e filloi në sallën e samitit, e vazhdoi më vonë me mediat, duke bërë të njëjtat deklarata.
Në një akt të verbër, kukulla e George Sorosit, mendoi se ky është shërbimi më i madh që mund t’i bëjë këtij të fundit. Por ky është shërbimi më i keq që Edi Rama mund t’u bëjë shqiptarëve.
Ky është shërbimi më i keq që Edi Rama mund t’i bëjë Europës.
Në darkë u përpoq të marrë kthesën duke dëshmuar edhe njëherë se sa hipokrit dhe i pakarakter është.
Kam sjellë këtu jo kllounadën e tij me paqen e Kaukazit, por kam sjellë deklaratat e tij zyrtare për të kuptuar se çfarë hipokriti dhe i pakarakter është.
Me datën 1 shtator të vitit 2025, në forumin e Bledit në Slloveni, kukulla e George Sorosit, Ramaduro, në fjalën e tij theksoi: Askush nuk mund të thotë se ka ndonjë lloj paqartësie, por besoj se Europa nuk duhet të presë se çfarë do të ndodhë në anën tjetër të oqeanit me planin e paqes për Ukrainën. Europa është përmbi të gjitha paqe, është kultura e paqes, është paqja në kulturë.
Sipas tij, Europa-paqe nuk duhet të pyesë SHBA-luftë apo Europa-kultura e paqes, paçka se ka shkaktuar dy tragjeditë më të mëdha botërore të të gjitha kohërave, luftën e parë dhe luftën e dytë, qenka kultura e paqes, kurse urat e zjarrit del se paskan ardhur nga përtej Atlantikut,” tha Sali Berisha duke konfirmuar se gjithë familja e Edi Ramës janë farë e Sorosit ndërsa denoncoi skandalin me ish-bashkëjetuesen e Ramës, Delina Fico organizon aktivitete me video ku Trump paraqitet si Hitleri!

“Edhe njëherë, dënoj me forcën më të madhe kllounadën e Edi Ramës dhe u them se është absolutisht jo akt i pakontrolluar, por akt i qëllimshëm.
Ju duhet ta dini se ish-familjarë kryesorë të Edi Ramës, Delina Fico organizon aktivitete në të cilat shpall video ku presidenti Donald Trump paraqitet si Hitleri në një akt të papërgjegjshëm.
Natyrisht Delina ka problem se ka marrë 10 milionë dollarë nga taksapaguesit amerikanë, bashkë me atë Llagamin dhe ndonjë tjetër.
Por krahasimi i presidentit të SHBA, të zgjedhur me votën e lirë të amerikanëve, në video me Adolf Hitlerin është një akt absolutisht i dënueshëm, i papranueshëm.
Ti mund të mos ndash me presidentin Trump mendime, mund të mos jesh dakord me të, por nuk mund ta krahasosh kurrë me të pakrahasueshmin, me diktatorin më gjakatar, më shkatërrimtar të historisë.
Dhe kjo ndodh në familjen e gjerë të Edi Ramës.
Pse ndodh kjo? Sepse të dy janë kukulla të Sorosit, si Rama edhe Delina. Si Olsi edhe Linda. Të gjithë janë farë e Sorosit. Si mundet ta shpjegoni ju? Të hapet mbledhja me video ku paraqitet presidenti i SHBA si Hitleri.
Pra, desorosifikimi i vendit duhet të jetë një nga projektet më kryesore për opozitën shqiptare.”

Në fund, Kryetari i Partisë Demokratike foli dhe për publikimin e fotos nga mediat amerikane të Edi Ramës me zyrtarin e lartë të FBI-së, Charles McGonigal.

“Ky njeri që shprehet publikisht në këtë mënyrë, pasi kllounada e tij u bë botërore, pasi mediat i kërkuan Shtëpisë së Bardhë të prononcohen.
Mbrëmë në darkë, pasi përqeshi gjithë ditën arritjen e paqes në Kaukaz të presidentit Donald Trump, kukulla e George Sorosit shkruan: E vërteta është që presidenti Trump është treguar si një lider që riktheu fjalën paqe në fjalorin e Perëndimit pas shumë vitesh.
Pra, mbani mend pak Bledin, por tani fjalën paqe e riktheu në fjalor pas kaq vitesh në Perëndim presidenti Donald Trump.
Pyetja ime për çdo shqiptar është: a mund t’u përfaqësojë ju një kloun i shpifur si ky? I turpshëm, ordiner.
Mediat amerikane publikuan dje fotot e ish-kryeagjentit të zbulimit të SHBA, McGonigal në zyrë me Ramaduron në kohën kur ai bënte gjahun kundër presidentit Trump dhe bashkëpunëtorëve të tij në vitin 2017.
Rrjetet sociale rikujtuan se nga zyra e Edi Ramës u paguan 225 mijë dollarë,i korruptuari, në mos edhe më shumë, agjenti i paregjistruar i Kinës, Eye One, dhe vetë Rama në atë vorbull, paraqitën pra, rikthyen edhe njëherë krimin e shëmtuar të korruptimit të kryeagjentit, të kryezbuluesit të SHBA, McGonigal.
Altin Troplini, bashkëpunëtori i ngushtë i Edi Ramës, por burime thonë se ai ka pasur lidhje edhe me McGonigalin, por unë këtë nuk e kam të provuar, ai e ka mohuar, ka thënë jo. Të tjerë thonë se janë zhvilluar takime në Dumre, pikërisht për këto qëllime.
Por nuk kanë rëndësi këto, rëndësi ka që ky i papapërgjegjshëm, në një rast skandali ndërkombëtar korrupsioni, mbyll dosjen dhe nuk guxon të thërrasë Edi Ramën,” tha Kryetari i Partisë Demokratike, Sali Berisha, duke përfunduar:
“Nuk guxon t’i japë atë që meriton Dorian Duçka, i cili të dhënat më sensitive të FBI-së i mori nga McGonigal dhe ia dërgoi palës kineze.
Për Altin Troplinin kjo nuk ka rëndësi.”