Berisha në Gjirokastër: Të hënën protestojmë kundër grushtit të shtetit brenda shtetit që po bën Edi Rama!

Kryetari i Partisë Demokratike, Sali Berisha para Kryesisë së PD Dega Gjirokastër, foli për rëndësinë e votës së lir, efektin e mosbindjes civile në Parlament ndërsa bëri thirrje për protestat e ditës së hënë tha se këto protesta do jenë të pandërprera dhe kanë për mision kryesor rrëzimin e narkoregjimit të Edi Ramës.

“Nuk protestojmë për personin, protestojmë strikt kundër grushtit të shtetit brenda shtetit që po bën Edi Rama duke marrë pushtetin e parlamentit. Dhe këto protesta do jenë të pandërprera tani ndaj çdo padrejtësie që do na bëhet ne. Këto protesta kanë për mision kryesor rikthimin e së drejtës së votës së lirë të shqiptarëve,” tha Kryetari i Partisë Demokratike para Kryesisë së PD Dega Gjirokastër duke e bërë të qartë se me Edi Ramën nuk ka votë të lirë ndërsa përfundoi:

“Protestat kanë për mision kryesor rrëzimin e narkoregjimit të Edi Ramës. Unë jam shumë që kjo do realizohet. Nuk ka diktaturë bande që i ka rezistuar mosbindjes civile.”

Fjala e plotë:

Secili prej jush nuk do të mund të krijonte një realitet që nuk është për të justifikuar humbjen, apo disfatat tona, por ne jemi para një realiteti i cili nuk mund të injorohet më tej.

Nuk mund të injorohet më tej sepse nuk dua të bëjmë historikun. Ju e keni vetë parasysh, por po marr vetëm një aspekt.

Një nga zotimet solemne të Sali Berishës, por edhe të atyre që ai përfaqëson ka qenë mbrojtja e votës së qytetarëve shqiptarë. Në mënyrë të përsëritur, edhe demokratë, por edhe gazetarë kanë shruar pyetjen: si do ta mbroni ju votën?

Kanë marrë një përgjigje: Mbrojtja e votës për ne është një proces. Dhe në këtë përgjigje kam konstatuar se pati dhe nga ata që e kuptuan, që nuk janë edhe me ne, por e kuptuan se çfarë nënkuptonte një proces.

Pra ne, nuk nënkuptonim mbrojtjen e votës me pushkë ditën e votimit, nuk nënkuptonim mbrojtjen e votës më bojkot ditën e zgjedhjeve, sepse kishim bërë një gabim historik me largimin nga zgjedhjet lokale. Kishim firmosur në mënyrë në verbër instalimin e monizmit që kishim rrëzuar vetë, dhe ajo nuk mund të ndodhte.

Do merrnim pjesë në zgjedhje, cilido që të ishte çmimi. Do merrnim pjesë në zgjedhje, pavarësisht se para syve tanë u shkel çdo nen i kodit zgjedhor, u bë çdo diskriminim dhe pabarazi që mund të krijohej ndaj një force politike.

Megjithatë, unë ua them ju që ne vepruam drejtë që morëm pjesë në zgjedhje.

Po çfarë konstatuam ne? Se ne jemi forcë politike, jemi shtab politik, jemi forca e transformimeve më eppokale të këtij vendi, të cilat janë e shkuar miqtë e mi. Ato transformime janë e shkuar, nuk janë e sotme. E theksoj këtë.

Pra, ne konstatuam se morëm një rezultat dëshpërues në dhjetëra abshki, na u mor mandati. Hymë në një garë më të pabarabartën që mund të bëhej. 61 kandidatët tanë, asnjë qindarkë financim nga taksapaguesit shqiptarë. 12 kandidatë të Bravës, 1.2 milionë euro financim, për të mos thënë pastaj të Edi Ramës.

Zgjedhjet përfunduan dhe në përfundim të zgjedhjeve në mjedisin ku jetojmë, mediat me urra-të e tyre përligjën në një mënyrë ose në një tjetër, plaçkitjen e votës, grabitjen e votës, dhunimin e votës.

Jo vetëm mediat, por edhe një opinion më i gjerë shoqëror. Po jo vetëm një opinion më i gjerë shqoëror, por edhe një opinion brenda nesh.

Pra, gjatë këtij procesi, de facto të vdekjes së votës së lirë, koncepti i zgjedhjeve të lira dhe të ndershme, u zëvendësua me konceptin që ai vjedh, por fiton. Dhe ju e dëgjoni rëndomë këtë koncept.

Unë ju them ju, me bindjen më absolute se zgjedhjet ose fitohen, ose vidhen. Në qoftë se zgjedhjet vidhen, nuk fitohen kurrë, por vidhen. Dhe nuk ka fatkeqësi më të madhe që plaçka që të ka vjedhur hajduti është e tij dhe nuk është e jotja.

Është një nënshtrim, një poshtërim që i bën vetes. Dhe ne këtu ndahemi me çdo njeri, jo në armiqësi, por në botëkuptim, që ne nuk pranojmë zgjedhjet e vjedhura për zgjedhje të fituara.

Votohet Edi Rama?! Nuk votohet Edi Rama, është mashtrim.

Hiqjani pak Edi Ramës, t’u them atyre që thonë që votohet Edi Rama. Votat që mori me 638 mijë zarfa pensionistëve në kundërshtim flagrant me ligjin dhe kodin ndërkombëtar të zgjedhjeve.

Zbritjani Edi Ramës votat që mori duke ndryshuar 1.3 milionë zgjedhësve në qendrat e votimit. Zbritjani Edi Ramës votat që mori duke mos shënuar emrin e PD në fletën e votimit. Ju që thoni se votohet Edi Rama, zbritjani Edi Ramës pak votat që mori duke mos shënuar në kundërshti me ligjin emrin e Sali Berishës në fletën e votimin. Zbritjani Edi Ramës, t’u themi ne atyre që thonë, votat që ai mori duke shpërndarë me qindra e mijëra leje ndërtimi, legalizime, licensa në kundërshtim me ligjin në fushatën elektorale. Zbritjani Edi Ramës, votat që ai mori duke shpërndarë me qindra e mijëra leje ndërtimi, legalizime, licenca në kundërshtim me ligjet në fushatën elektorale.

Të ja zbresim Edi Ramës kontrollin që siç thotë vetë ODIHR, i bëri vullnetit të zgjedhësve me patronazhistë dhe aktivistë të tij, terroristë të kuq.

Unë dhe Dasho i kemi të freskëta ato siç bëhej në diktaturë. Nisnin 3 muaj para anëtarët e frontit dhe bashkëpunëtorët e sigurimit. Shkonin tek pallati dhe kapnin qytetarin. Për kë do të votosh, nuk ta them. Je armik dhe bënin mbledhje në oborr të pallatit për të ushtruar terror tek të tjerët.

Zbritjani Edi Ramës të gjithë presionin që ushtruan mbi zgjedhësit rrethimi i qendrave të votimit nga këta terroristë.

Zbritjani Edi Ramës tu themi ne këtyre që thonë se fitoi Edi Rama, votat që mori duke vendosur Shkodrën në pushtimin e bandave më të rrezikshme të Europës, që numërojnë mbi 20 vrasje në Shkodër. Në Velipojë po kështu, në Mamurras po kështu, Durrës po kështu, Elbasan po kështu.

Ne duhet të bëjmë një analizë realiste.

Thashë, kemi deklaruar se do të mbrojmë votën.

Unë po vij këtu nga Memaliaj, e përgëzova kryetarin. Një kandidat i shkëlqyer që arriti të mobilizohej në shkallën më maksimale. Po zgjedhjet nuk janë më kurr për maksimale dhe më maksimale. Ti bëj çtë duash, ti nuk arrin dot kurrë të njëjtin standart, sepse kjo është liria e tyre.

Mirë në Memaliaj, patën mençurinë dhe nxorrën kandidatin ta themi më të votueshëm. E rëndësishme, ti zbaton procedurën e lirisë. Dhe ai i Shkodrës, jo në një, pr në disa polle, ishte gjer 15 pikë para kandidatit socialist.

Pra, zbritjani Edi Ramës mbi 500 milionë euro që shpërndau në kundërshtim me ligjin, asfaltime, zhavorre, kanale, etj. Se këto janë të gjitha në shkelje të ligjit. Këto janë të hapura. Nuk po them t’ja zbresin ato, blerja e së drejtës së votimit. Mos vidhni voto, po merrni këtë 100 euro, apo 200 euro.

Nuk ppo them blerjen e votave, dil dhe voto mua, sa janë ato nuk e di. Po r di këtë që, Tom Doshi, pa bërë një ditë fushatë elektorale rriti me thes me para, vetëm shpërndau para, se ai fiton 3000 tendera në vit nga Edi Rama dhe e rriti me 240% votat e tij.

Pra, a mundet ne njerëz politikë, njerëz që në fund të fundit nuk mund të mohohet. Idealet tona janë ideale të vërtetës. Kjo është e vërteta. Idealet tona, sakrificat tona janë për të vërtetën.

A mundet ne të pranojmë një situatë të tillë, të shkojmë nga zgjedhjet në zgjedhje të themi që ky i vjedh, por i fiton. Apo të angazhohemi në një betejë me të gjithë fuqinë tonë që qytetarët shqiptarë të votojnë të lirë.

Unë mendoj se ne këtë detyrim kemi.

Ne jemi parti që sollëm votën e lirë, ne jemi parti që sollëm pluralizmin, ne jemi parti që e morëm Shqipërinë nga e morëm dhe e nxorrëm anëtare të NATO-s e me rradhë, por tani është mision tjetër, ato janë histori. Tani nga ne kërkohet, shqiptarët të votojnë të lirë. Nga ne kërkohet të shpëtojmë shqiptarët, të çlirojmë shqiptarët nga një armik, nga më i egri që ata kanë patur ndaj votës së tyre të lirë. Më i egër se Ramiz Alia që ishte diktatori i fundit.

Vazhdojmë më tutje me këtë. Pse ne duhet të shënojmë një kthesë rrënjësore në qendrimin tonë. Pasi të garantojmë zgjedhjet, tani këta deputetë që janë aty të opozitës ti shumëzojë me zero. Dy vite ka Tritan Shehu që ka dorëzuar në parlament një rezolutë për gjenocidin serb ndaj shqiptarëve. Dy vite, e ka ngritur në parlament 20 herë të paktën.

Ligji thotë se ajo rezolutë kalon nga sekretaria në komisione, nga komisionet në sallën e Kuvendit dhe hidhet poshtë ose miratohet.  Këtë e thotë Kushtetuta, Kushtetuta që garanton të drejtën e çdo deputeti për iniciativën ligjvënëse.

31 amendamente dhe ligje tona, bllokohen nuk ekzistojnë. Sikur ne nuk jemi deputetët aty, por jemi figurantë që shkojmë sa për të thënë se parlamenti ka opozitë. Çfarë opozite jemi ne aty? Nuk jemi opozitë faktikisht, por ne jemi falsitet. Duhet të themi realitetin. Në mënyrën më të përsëritur i kisha thënë kryetares, ti po e shkatërron parlamentin, se nuk pajtohemi me ato që bëni ju, duke i dhënë mundësi edhe të ndryshonte.

Kjo solli fillimin e mosbindjes civile në parlament.

Mosbindja civile është një kthesë për PD, shënon një kthesë shumë të madhe. Në qoftë se përpara PD në situata të tilla bojkotonte parlamentin, kësaj here ajo vendosi të mos e bojkotojë, të mos e lëshojë parlamentin.

Faktikisht kjo mosbindje civile në parlament ka patur efekt të jashtëzakonshëm në arenën ndërkombëtare.

Është fituar në opinionin publik botëror një betejë jashtëzakonisht e rëndësishme. Mbarë bota e ka përcjellë së pari, si refuzim të Edi Ramës për t’u kontrolluar. Por kjo kudo, për çdo njeri që ka abc- në e demokracisë dhe pluralizmit, është e qartë se kjo është mohim i të drejtave themelore, kushtetuese të parlamentit. Është grusht shteti.

Në qoftë se sovraniteti i jashtëm ka të bëjë me mbrojtjen e territorit të tij dhe vendimet e pavarura në raport me arenën ndërkombëtare, sovraniteti i brendshëm nuk është asgjë tjetër, veçse e drejta e qytetarëve për të kontrolluar qeverinë e tyre, për të kotrolluar ekzekutivin e tyre. Ky është ligji.

Mbi këtë bazë krijohen komisione në mënyrë të pandërprerë, të vazhdueshme.

Thirren në komisione presidentë, familjarëve të presidentëve, ministra e me radhë. Ky e bllokoi këtë në mënyrë kategorike, 8 komisione për të mos u hetuar vetë. Ndaj edhe ajo betejë është frymëzuese për të gjithë PD. Ajo mosbindje civile solli një sensibilizim të opinionit botëror ndër më të mëdhatë në memorien time 32 vjeçare.

Është shtruar një pyetje, edhe brenda, edhe jashtë. Pse këta deputetë mbetën të pashoqëruar nga protesta të qytetarëve? Dhe përgjigjen vetëkuptohet që shumica e ka dhënë, se këta nuk kanë mbështetje. Kjo nuk ka penguar për të vlerësuar kauzën e drejtë tonën, por ka qenë arsyetim i gabuar. Kemi qenë ne që nuk kemi thirr, sepse ashtu e vlerësuam. E vlerësuam që ne të bëjmë maksimumin aty.

43 vetë, ne ia dolëm, ne imponuam si kurrë në histori të votohet një buxhet për 4 minuta që hynë në Gines, në turpin e tij. Ne imponuam ta ndryjmë në Zoom, në shkelje flagrante të ligjeve të parlamentit dhe de facto, në qoftë se Edi Rama me bllokimin e të drejtave tona krijoi de facto parlamentin monist, ne e asgjësuam parlamentin monist. Ne e futëm atë në një ilegalitet, në Zoom, dhe në kushte që nuk i ka parë kush ndonjëherë.

Kjo në mënyrën më të merituar. Kjo bëri këshilli i ministrave të BE për përcaktojë kusht të parë, jo vetëm të mos hapë negociatat në Shqipëri, por t’i caktojë pikë të parë dialogun politik. Ky ishte kartoni i kuq që mori kllouni, që turpëron çdo njeri të qytetrëruar në Bruksel, dhe për të mashtruar qytetarët dilte e bënte kllounin para atyre që i nxorrën kartonin e kuq.

Sigurisht, çështja Beleri kishte çështjen e vetë, por tani unë jam këtu dhe kam detyrim ta trajtoj pak më gjatë këtë problem.

Çështja Beleri nu kështë çështja e Greqisë, dhe është një mashtrim fund e krye e mafiozit Edi Rama se kjo është çështje Greqisë.

Çfarë po kërkon Mitsotakis? Po kërkon që Fredi Beleri të trajtohet njëlloj siç janë trajtuar shqiptarët, një dy, tre e me radhë, që nga burgu kanë bërë betimin.

Po pse kanë bërë betimin ata? Po kanë bërë betimin sepse në ligjet e Greqisë, ën ligjet e Shqipërisë, në ligjet e Indisë, në ligjet e çdo vendi pluralist, ai që nuk është dënuar është i pafajshëm gjer në dënim. Atëherë, ti zotëri në qoftë se pretendon se Beleri ka kryer krim, të bëjë betimin dhe dënoje me proces gjyqësor dhe kur të vendoset dënimi merrja mandatin. Ky është ligji.

Beleri thotë jam anëtar pakice. Po mirë, çfarë do të thotë kjo? Çfarë mëkati është ky?

Lexoni pak. Klaus Iohannis i përket pakicës gjermane në Rumani. Ka marrë dy mandate si president. Në kete vend sipaas ligjit dhe Kushtetutës çdo shtetas shqiptar me origjinë greke, bullgare, çfarëdo tjetër ka të drejtë të jetë edhe president republike.

Po si doli Rishi Sunak, kryeministri i Britanisë së Madhe, apo Hamza Jusufi, kryeministri i Skocisë dy javë më parë, Dilan Jeshilgëz (Yeşilgöz), një zonjë e cila ka shkuar në Roterdam, apo Amsterdam, 7 vjeçare nga Ankaraja, mori partinë e Mark Ruttës. Të gjitha këto i di Edi Rama, por ineresat e tij mafioze nuk e lejojnë. Dhe nuk e ka për gjë të krijojë një krizë, absolutisht me duart e tij, në një vend që pavarësisht nga çdo gjë, dy gjëra janë të pamohueshme, ua them unë ju.

E para, jo ky, por i ati i këtij burri që është sot kryeministër, në kushte shumë të vështira na ka dhënë ndihmat më bujare. Absolutisht, ua them unë. Se disa prej jush iu kujtohet, se dyqante këtu ishin bosh, vitrinat, nuk kishe çfarë të blije.

E dyta, ti nuk mund të sillesh ndaj një personi se thua është nga Progonati, nuk është minoritar. Ai është ai që ndjehet. Nuk ke ti se si e zgjidh këtë punë, e ka zgjidhur bota këtë punë. Ata janë bërë kryeminstra, kjo që u bë kryetare e partisë së Ruttës, kjo është e njohur turke. Është politikane turke dhe u zgjodh në krye të një partie që si vlera ka vlerat kristiane. E çfarë do të themi ne? Të prishim marrëdhëniet me një vend i cili nuk na ka penguar asnjëherë në procesin e integrimit?

Mes fqinjëve gjithmonë ka probleme, por ato zgjidhen me frymën e fqinjësisë. Dhe tani rrimë, absolutisht të isha në vend të tij, të njëjën gjë edhe me forcën më të madhe do të bëja.

Po pse mos të respektoj unë ligjet e mia? Po nuk është shteti ligjor kriter themelor i funksionimit të një demokracie? Ky e ka zëvendësuar me shtetin e mafies, me kodin e mafies. Ky ka interesin e vetë në Himarë, në troje. Ka strikt interesat e mafies trafikante.

Pse nuk e le këtë ai? Se ky njëlloj si Bollano, edhe Vasil Bollano, ishte dhe ai i mbrojtur nga mafia, e mbrojti nga mafia ua them unë. Humbi zgjedhjet, iku për kohën sa ishte Vasili, aty mafia nuk pëptiu dot. Tani ajo është pushtuar, po pushtohet. Shkon atje, më thotë tjetri mua, po gdhendin kodra, shkojnë me thasë ua blejnë tokën në të zezë pa fatura, pa gjë, grupe trafikante, dhe e keni dëgjuar më të flasë për veriun Rama, që thoshte, ka ardhur një Gjon. Ai Gjoni ishte familja e Gjon Poçarit.

Ka ardhur një Gjon thoshte ka marrë kaq hektarë tokë. Tani, ç’është e vërteta, atje kanë shkuar shumë, por ata që aknë shkuar janë trafikantë. Ua them unë ju.

Po ne jemi parti e integrimit euroatlantike. Ne nuk mund të pranojmë një situatë të tillë. Nuk mund të pranojmë një bllokim të tillë.

Pra, këto janë motivet të cilat duhet të shënojnë një kthesë në qendrimin e PD. Dhe kjo kthesë në angazhimin e saj në të gjitha potencialet në mosbindje civile. Nuk ka asnjë zgjidhje tjetër, ose nënshtrim dhe firmosje që tani edhe në vitin 2040 të Edi Ramës.

Nuk njeh ligj, nuk njeh asgjë. Nuk ekziston ligji për të. Një njeriu që i është 16-fishuar pasuar e deklaruar gjatë viteve në pushtet. Nuk ndodh kurrë kjo, ua them unë. Me rrogë kjo, nuk ndodh kurrë. Dhe biznese nuk mund të bëjë familja e kryeninistrit e ka ë ndaluar, nuk mund të ketë të drejtë.

100 milionë, dhe këto janë jo dy vitet e fundit, se ato nuk i ka treguar.

Pra, ne duhet të ngrihemi.

Dega e PD Gjirokastrës, por edhe degët e jugut kanë një rol jashtëzakonisht të rëndësishëm në këtë betejë, sepse ngritja juaj është jetike për gjunjëzimin e kësaj narkodiktature, këtij regjimi që nuk respekton asnjë normë, asnjë ligj dhe që ka shndërruar në fiktive votën, dhe që ka shdnërruar fiktive opozitën në parlament, dhe që ecën. I thua që thjeshtra jote ka marrë me dhjetra e dhjetëra tendera. Thjeshtra, thotë nuk është pjesë e familjes.

Në një kohë, 4 vite para thoshte vajza e familjes sonë ka një studio, ka këto ka ato. Shëndët të ketë, por ajo nuk mund të marrë tendera në qeveri, në sektorin publik e a të ndaluar me Kushtetutë , nuk mund të fitojë.

Prandaj edhe 16-fishohen të ardhurat e Edi Ramës në mënyrën më të pabesueshme. Kështu që, ky është momenti i kthesës të cilët ne së bashku duhet të japim përgjigje. Duhet të shënojmë. Unë e kuptoj që sot ka frikë në shoqëri.

Duhet ta kuptojmë ne frikën. Dhe ajo është përgjegjësia jonë. Se nuk jemi përballur ne sa duhet që t’ju nxjerrim të tjerëve frikën. Të përballemi ne, dhe ju garantoj që frika do shkrihet, si bryma dhe qytetarët do çlirohen.

Nuk duhet të dekurajohen, se sot kanë një propagandë të tmerrshme disinformuese. Këtu bëhet gjithçka për të fshehur diktaturën e instaluar. Lëvizja e lirë, nuk ka diktaturë që e ndalon sot përveç Koresë së Veriut diktaturën. Diktaturat komuniste nuk e ndalojnë lëvizjen e lirë. Në Vienam, Kinë nuk e ndalojnë më lëvizjen e lirë.

Kinezët janë turistët më intensivë, më të shumtë në botë. Vietnami zbaton ligjin më mirë se Shqipëria. Shqipëria është 4 shkallë në zbatimin e ligjit nën Vietnamin, pushteti i një partie.

Pra, ndaj edhe një moment kthese.

Pse e filluam protestën?

Protestën e filluam, së pari u krijua përshtypja se këta deputetë janë të izoluar, çka nuk ishte e vërtetë. Së dyti, lëvizja në parlament ka qëllimet e veta dhe ajo arriti një rezultat të shkëlqyer informimi në botë dhe ajo do vazhdojë, nuk ka përmbush akoma misionin. Por kjo lëvizje duhet të shpërthejë, duhet të jetë një lëvizje qytetare me të gjithë ata që guxojnë. Asnjëlloj hatërmbetje me atë që nuk guxon.

Jo. Të guxojmë ne njëherë, të japim shembullin që të guxojë pas nesh. Kështu ndodh. Ama ne duhet të ngrihemi sa më parë.

Pse u la e hëna? S’ka lidhje, ua them unë, asolutisht.

Në pamje të parë, del sikur ka lidhje se ata po mblidhen për imunitetin tim. Jo.

Pse nuk ka lidhje? Çfarë është ajo mbledhje?

Kam deklaruar dhe deklaroj 100 herë se në vitin 2012 kam dërguar në parlament ligjin për të hequr çdo mbrojtje para drejtësisë së deputetit. Asnjë mbrojtje, njëlloj si çdo qytetar.

Njeriu që e ka kundërshtuar është Edi Rama, dhe e kundërshtoi në mënyrë kategorike. Atëherë, çfarë është kjo që ndodh? Është pjesë e grushtit të shtetit brenda shtetit. Në parlament na mohon komisionet, na mohon kryetarin që zgjedhim ne, na mohon ligjet që dërgojmë ne.

Jashtë parlamentit, lejon gjykatës dhe prokurorë të marrin pushtetin e parlamentit për armiqtë e tij.

Në qoftë se për çdo kërkesë, në qoftë se për çdo të drejtë të daljes jashtë shteti është kërkuar autorizimi i parlamentit, për Sali Berishën kjo u bë nga gjykatës dhe prokurorë mercenarë të cilët e bëjnëme urdhër të Edi Ramës.

Dhe ç’po ndodh të hënën u shpjegoj tani ju. Akoma më keq. Këta nuk shkojnë në parlament, pasi kanë hequr dorë nga akti i tyre antikushtetues, por përkundrazi shkojnë në parlament për t’i imponuar parlamentit vendimin e tyre antikushtetues me rendim mase, për t’i treguar qartë se parlamenti, ose ata parlamentarë janë larva në funksion të Edi Ramës dhe SKAP-it të tij poplitik. Ky është një poshtërim, ky është një asgjësim i parlamentit, ndaj edhe ne protestojmë.

Nuk protestojmë se, unë e kam deklaruar se, çfarëdo vendimi që të marrë parlamenti unë do e pranoj. E pranoj, se kam kërkuar në vitin 2012 heqjen e këtij neni, por nuk pranoj kurrë shkeljen e Kushtetutës. E dua unë, s’e ua unë atë nen, ai do zbatohet. Përndryshe, në qoftë se rrëmbehet nga dikush përbën grusht shteti.

Atë e morën dy-tre prokurorë dhe një gjykatës mercenar, ia morën pushtetin parlamentit. Po pse? Se e urdhëron Edi Rama. Ndaj edhe ne protestojmë. Nuk protestojmë për personin, protestojmë strikt kundër grushtit të shtetit brenda shtetit që po bën Edi Rama duke marrë pushtetin e parlamentit.

Dhe këto protesta do jenë të pandërprera tani ndaj çdo padrejtësie që do na bëhet ne. Këto protesta kanë për mision kryesor rikthimin e së drejtës së votës së lirë të shqiptarëve.

Me Edi Ramën nuk ka votë të lirë. Kanë për mision kryesor rrëzimin e narkoregjimit të Edi Ramës. Unë jam shumë që kjo do realizohet. Nuk ka diktaturë bande që i ka rezistuar mosbindjes civile.

Faleminderit!