Berisha nën hetim në arrest shtëpie, Rama për Beqajn: Fakti që dikush është nën hetim, s’tregon asgjë!
Drejtësia e reformuar e Edi Ramës sot vendosi masën e sigurisë “arrest në shtëpi” për Kryetarin e Partisë Demokratike, Sali Berisha, si person nën hetim, por Kryeministri Rama për Ish-Ministrin e tij të Shëndetësisë, Ilir Beqaj, sot tha se fakti që dikush është nën hetim, nuk tregon asgjë.
“Është fjalë e madhe, fjala hajdut. Liria e fjalës që përdoret për të damkosur dikë, nuk bëhet, edhe pse ça nuk janë thënë. Përpara se të bëjmë gjyqin popullor të individëve, është e padiskutueshme që ju mund të ngrini supozime. Por atë fjalën e madhe s’ja vini dot njeriu, se duhet t’ia vërë gjykata. Fjalën duhet ta merrni mbrapsht, pasi s’ke provën. Fakti që dikush është në hetim, nuk është asgjë.” tha Edi Rama i cili me shpurrën e tij që nga dita kur u tha se ra komunizmi vetëm këtë punë bëjnë për Sali Berishën: Akuzojnë pa prova!
Nuk dihet pse por me kumtimin e vendimit të GJKKO për masën e arrestit të Kryetarit të PD, Sali Berisha, Kryeministri shqiptar me çitjane u tregua shumë i moderuar:
“Kurrë nuk është fitore e një partie arrestimi i dikujt të cilido parti. Partitë fitojnë zgjedhje për të çuar përpara vendin dhe partitë nuk janë organizata luftarake që funksionojnë për të eliminuar kundërshtarët kështu që nuk e shoh absolutisht këtë si një fitore të PS-së apo si një fitore të Erionit apo Taulantit që kanë bërë me këmbëngulje që ta bëjnë me pasion detyrën e tyre. Kjo është diçka që nuk ka lidhje fare me dëshirën, objektivin, nevojën për të parë si fitore faktin që cilido qoftë vihet nën trysninë dhe pastaj nën masat e drejtësisë.”
Ndryshe, dalja e sotme publike e Kryeministrit Edi Rama ku shpalosi bilancin qeverisës të vitit 2023, pavarësisht se po zhvillohej në kohën kur pritej shpallja e vendimit të GJKKO për Sali Berishën, ishte konkurrues për emisionet e Sokol Ballës dhe Blendi Fevziut, ndonëse kishte ngjashmëri se nuk kishte të bënte asgjë me të vërtetën dhe ishte shumë larg realitetit.
