Berisha NON GRATA, Blinken: Akte korrupsioni! Spiropali: Plagë, vrasje, gjak…
“Akte korrupsioni të Ish-Presidentit të Shqipërisë Sali Berisha minojnë demokracinë në Shqipëri.” Seketari amerikan i Shtetit, Antony Blinken, dje ishte shumë i qartë me gjuhën e njohur diplomatike amerikane që përdori ndërsa shpalli NON GRATA Sali Berishën ashtu si dhe sot Ministrja e Shtetit, Elisa Spiropali, e cila konfirmoi me gjuhën e saj prej kasapi se vjen nga partia më kriminale që kanë njohur shqiptarët, PPSH, duke akuzuar Berishën nga foltorja e parlamentit për plagë, vrasje dhe gjak të cilat nuk i përmendi as DASH dhe as nuk i hetoi partia e spiropalëve për 8 vite sa qeverisën këtë vend.
“Dënimi kapital i Sali Berishës, nuk më lumturoi. Por përkundrazi prodhoi keqardhje të thellë, që tmerre dhe turpe të tilla janë ndodhur në vendin im. Ndjeva keqardhje që lajme për ish-presidenti dhe kryeministri dhe familjen e tij mbushën botën. Ai hyri në vendin e tij me vendosshmërinë e një shqiponje, por po del si korbat e zinj. Keqardhje që karizmën e tij të lindur prej lideri Sali Berisha nuk e përdori për të bashkuar dhe për të shpërndarë palët, por për të futur plagët e përçarjes, Keqardhje që nën hyqmin haxhi-saliniste të tij, asnjë drejtues biznesi nuk mbajti përgjegjësi për gërdecin apo 4 vrasjet në bulevardi. Ndeva keqarhdje që përveç bëmave të Sali Berishës sillen në vëmendje ato që ka bërë, Aleati ë i madh dihet se kush është. Për të paguar mediat, apo përdorimi i parave të korrupsionit dhe gjakut në kanale dhe portale ku mbizotëron gjuha e urrejtës,” tha Elisa Spiropali duke akuzuar me këtë rast dhe Kryetarin e Partisë Demokratike për reagimin e tij:
Reagimi i Lulzim Bashës që s’po di nga t’ja mbajë dhe reagimi i PD që s’po gjen derman, ishte për të qeshur. Ata që nuk kanë lënë njeri pa sharë, sot duan prova për vendimin e shpallur reagim. Vetë reagimi i Bashës që duket se është i shkruar me bojën e Berishës. Lufta frontale ndaj pandëshkueshmëris është pa kthim. Me fatet e vendit nuk bëhet shaka. Kambana ra për të gjithë. Nuk mund të jesh edhe lider edhe makut. Berisha nuk u shkëput nga mendësia. Ai kultivoi dukuritë më katastrofike. Se nisi keq, por iu ngatërruan këmbët dhe u rrëzua rrugët. Shqipëria si ka më asnjë borxh.”
Ndryshe, sot në seancë plenare ndodhi ajo që pritej ndërsa ishte paralajmëruar votimi i Projektligjit “Për ratifikimin e traktatit te ekstradimit në mes të Republikës së Shqipërisë dhe qeverisë së Shteteve të Bashkuara të Amerikës” pas shpalljes së Ish-Presidentit Sali Berisha si person NON GRATA nga Departamenti amerikan i Shtetit, por niveli i ulët i diskutimit të deputetëve të Partisë Socialiste nuk e konfirmon vetëm fjalori që përdorin spiropalët, por edhe përfaqësimi krahasuar dhe me deputetët e parlamentit të para 90 viteve kur një marrëveshje e ngjashme u firmos në Parlamentin e Shqipërisë me SHBA.
