Berisha: Tre shtete kanë bllokuar plotësisht negociatat, Gjermania ka 10 kushte
Ish-Kryeministri Sali Berisha përmes një postimi në rrjet ka reaguar mbi rezolutën e Bundestagut gjerman, e publikuar dje, ku përcaktohet qëndrimi i Gjermanisë në raport me hapjen e negociatave për Shqipërinë.
Berisha rendit kushtet që ka Gjermania për hapjen e negociatave, ndërsa shkruan se Franca, Holanda, Danimarka kanë vendosur bllokimin e plotë të hapjes së negociatave me Shqipërinë për shkak të mosplotësimit dhe përkeqësimit të standardeve nga qeveria shqiptare.
Postimi i Sali Berishës
Bashkimi Europian ‘JO’ negociatave me Shqipërinë, por ‘PO’ për Maqedoninë.
Qeveria Gjermane publikoi dokumentin e saj të
-hapjes se negociatave pa kushte me Maqedoninë, ndërkohë vendosen
– 10 kushte nga 5 që ishin në vitin 2016 për Shqipërinë,
– sikundër nuk caktohet datë apo afat për hapjen e negociatave me Shqipërinë.
Dekalogu i kushteve që Gjermania vendos për Shqipërinë është ky që vijon:
Dekalogu gjerman i kushteve që duhet të plotësojë Shqipëria para hapjes se negociatave përfshin:
1- Votimin e reformës zgjedhore
2- Vetingun e të paktën të gjithë gjykatësve dhe prokurorëve të apelit e sipër
3- Ndjekjen penale të të gjithë gjykatësve dhe prokurorëve që gjenden në shkelje të ligjeve gjatë
vetingut
4- Ndjekjen penale dhe dënimin për korrupsion dhe trafiqe të zyrtarëve të lartë.
5- Zhdukjen e mbjelljes dhe prodhimit të drogës në vend.
6- Luftën me rezultate konkrete të krimit te organizuar, korrupsionit dhe trafiqeve!
7- Ngritjen dhe funksionimin e SPAK
8- Ngritjen dhe funksionimin e Gjykatës Kushtetuese dhe Gjykatës së Lartë!
9- Zbatimin e reformës zgjedhore
10- Funksionimin normal të shtetit ligjor.
Ndërkohë Franca, Holanda, Danimarka kanë vendosur bllokimin e plotë të hapjes së negociatave me Shqipërinë për shkak të mosplotësimit dhe përkeqësimit të standardeve nga qeveria shqiptare.
Këtu më poshtë keni dokumentin zyrtar të qeverisë gjermane të publikuar nga DË me dekalogun e kushteve që duhet të plotësojë Shqipëria për hapjen e negociatave me BE.
