Berishavirusi!
nga Agim Popoci
Ashtu siç prodhoi Partia Komuniste e Kinës në prag të falimentimit të shtetit, virusin “Corona”, Partia e Punës së Shqipërisë ndërsa ishte në grahmat e saj të fundit dhe po shikonte rrënimin e saj, nxitoi të prodhoi në laboratorët e saj një virus që nesër në një sistem pluralist, jo vetëm të nxiste nostalgji por dhe të bindte shqiptarët ta kërkonin sistemin komunist, virusin “Berisha”!
Pa përfunduar mandati i parë i qeverisë demokratike, PPSH që ishte pagëzuar ndërkohë në PSSH dhe menaxhohej nga Sigurimi i Shtetit, me lëshimin në qarkullim të virusit “Berisha”, në sy të botës filloi të tregoi se këtu zgjedhje të lira e të ndershme nuk ka ndërsa ndër shqiptarë të proklamoj një sistem i cili lindi nga demokracia por nuk është demokratik!
Ndërsa virusi “Berisha” kishte dalë nga laboratoret dhe një protestë e sajuar për zgjedhjet e manipuluara më 1996 nuk është se dha rezultatet për ta rrëzuar qeverinë demokratike, turmat përreth firmave piramidale u panë si terren ideal ku ky virus mund të kishte efektshmëri maksimale!
Kështu dhe ndodhi, virusi ndikoi aq shumë në psiqikën e njerëzve ndonëse kishin rritur ekonominë dhe mirëqenien, sa u ndezën trazirat më 1997 dhe piramida u quajt Berishë, mashtrimi u quajt Berishë, SHIK-u u quajt Berishë si dhe vrasja u quajt Berishë ndërsa Partia kriminale Socialiste e cila kishte përmbytur tokën shqiptare në gjak për 50 vjet, me ndihmën e mediave guerile u shfaq bindëse duke premtuar qetësi dhe kthimin e parave nga firmat piramidale!
Ndonëse paratë nuk u kthyen dhe rezultoi se prapa piramidave, mashtrimit dhe vrasjeve nuk qëndronte PD por pikërisht njerëzit e Sigurimit të Shtetit, ishte virusi “Berisha” me të cilin PS kërcënonte shqiptarët se, kujdes, ndryshe do kthehet Berisha; Ndërkohë virusi vazhdoi të veproi edhe ndër demokratë duke e coptuar Partinë Demokratike, pa menduar njeri për nevojën e një vaksine kundër këtij virusi!
Ringjallja e Partisë Demokratike dhe Sali Berishës edhe pas vitit të tmerrshëm 1997 ringjalli dhe laboratorin e Sigurimit të Shtetit i cili e pa të arsyeshme të prodhoj një mutacion të këtij virusi ndonëse emërtimi nuk iu ndryshua për shkak të propagandës që i kishte bërë ndër vite, në mënyrë që të copëtohej ky lloj rindërtimi që po zhvillohej në PD!
Fillimisht u vra heroi i demokracisë, Azem Hajdari, që për çudinë e Sigurimit të Shtetit nuk zhbëri rigrupimin e demokratëve që kishin filluar të kthehen, por, i mobilizoi edhe më shumë ata që virusi nuk u kishte goditur idealin përkundër dozave që po shtoheshin!
Në këtë situatë doli dhe një grup deputetësh që iu kundërvunë Sali Berishës dhe PD, dhe me ndihmën e ambasadave të huaja me në krye atë gjermane, krijuan edhe një Parti të re Demokratike, të cilës i dhuruan të gjitha, si siglën e përafërt, vulën, financat dhe pushtetin ndërsa u shpërfill një gjë shumë thelbësore në gjithë këtë zhvillim, anëtarësia!
Veçori e copëtimit të Partisë Demokratike të goditur nga virusi “Berisha”, jo vetëm nga grupi i Partisë së re Demokratike që ndër demokratë u quajtën “Andartë”, ishte se të gjithë ishin të pakënaqur me drejtimin demokratik të Sali Berishës dhe përfundonin në pushtetin e Partisë Socialiste!
Përkundër vështirësive dhe ndikimit të madh të virusit ndër shqiptarë edhe në zgjedhjet e vitit 2001 kur Partia Socialiste nuk kishte ndonjë ofertë përveç rrezikut “Berisha”, ndërsa Partia Demokratike u godit nga një virus tjetër tashmë zgjedhor që lëshoi në qarkullim Sigurimi i Shtetit, “Dushkun”, askush përveç humbësve nuk reagoi ndaj krimeve elektorale që shkonin nga mashtrimi dhe blerja e votave deri te vrasjet.
Dhe, derisa kundër virusit “Berisha” nuk kishte mundësi që të shpikej vaksina, Sali Berisha u kujdes për masat imunologjike që fal një pushteti të korruptuar komunist ato ishin shumë efikase ndër shqiptarë.
Ardhja e Sali Berishës në pushtet, në vitin 2005, nuk nënkuptonte shuarjen e virusit “Berisha” por fitore pandemike ndaj një virusi që humbi forcën ndërsa qarkullonte nëpër Shqipëri dhe jo vetëm, për ta nxjerr kokën vetëm për pak vite kur u dëshmua se përkundër liberalizimit të vizave dhe anëtarësimit të Shqipërisë në NATO, ky virus kishte prekur aq shumë shqiptarët, sa ishin gati t’i fusin flakën vendit në përmasa çfarë nuk ishin parë më parë!
Zjarrvënia komuniste e 21 Janarit 2011 të Kryeministrisë, me pretekstin e një akti korruptiv të Zv/Kryeministrit Ilir Meta ishte shqetësuese si për nivelin e dhunës që ishin gati ta rikthejnë shqiptarët ndaj institucioneve, po aq edhe për shfaqjen kulminante të efektit të virusit “Berisha” tek qytetarët ndaj një shteti që filloi ta kthej besimin ndërkombëtar!
Askush nuk e vinte në dyshim se bëhej fjalë për një rebelim komunist edhe kur e gjithë ngjarja përfundoi tragjikisht me vrasjen e 4 shqiptarëve para Kryeministrisë, por, zhvillimi i shpejtë i ngjarjeve dhe rreshtimi i po këtij të korruptuari që nxiti masën, Ilir Metës, në krah të Kryetarit të Partisë Socialiste, Edi Rama, për ta rrëzuar Sali Berishën nga pushteti, dëshmoi një situatë serioze pandemike nëpër të cilën po kalonte Shqipëria jo vetëm pse Sigurimi i Shtetit ia arriti qëllimit!
Ardhja e Partisë Socialiste në pushtet në vitin 2013 nuk solli asgjë të re që nuk bëjnë socialistët edhe pse e larguan Sali Berishën nga pushteti dhe drejtimi i Partisë Demokratike! Për dallim nga vitet tjera të qeverisjes, Partia Socialiste solli edhe kultivimin e trafikimin e drogës në Shqipëri, por me ndihmën e virusit “Berisha” arriti të qeverisë e papenguar ndonëse përballë kishte një lider të ri demokrat.
Në 30 vjetorin e pluralizmit shqiptar dhe prodhimit të virusit “Berisha” në laboratoret e Sigurimit të Shtetit, në horizont ishte një shtet i degraduar me qeverisje që në çdo moment mund të përfundonte në humnerë ndërsa fuqia e këtij virusi po dobësohej, dhe një Parti Demokratike pa idealist ndërsa ishte mbushur me morra të kuq, deri dhe ushtarë të mediave guerile të rebelimit komunist të ’97-së.
Dhe, si rrufe në laborator me dyert e hapura, doli një mutacioni ri i virusit “Berisha” që nuk dihej se nga e shpiku Edi Rama edhe pse kishte dy vjet që e kishte paralajmëruar, “Berisha Non Grata”!
Ndonëse shumë shpejtë u konfirmua që përkundër zhurmës së madhe inovatore ai ishte porositur në laboratoret e FBI me qëllim të shkatërrimit të Partisë Demokratike, virusi “Berisha Non Grata” shumë shpejti tejkaloi parashikimet!
Kryetari i Partisë Demokratike filloi të flas me gjuhën e Edi Ramës, të tund teserën e PKSH të Sali Berishës dhe ta fajësoj për rebelimin komunist të vitit 1997 ndonëse përfitues të vetëm dolën oficerët e Sigurimit të Shtetit, ashtu si dhe për Gërdecin që Washingtoni zyrtar nuk e kishte akuzuar, ose dhe 21 Janarin kur vetë ai ishte Ministër i Brendshëm; Ndërsa Nënkryetarët e tij u çuan duke vjellë me gjuhën e Taulant Ballës, si për Partinë Demokratike ashtu dhe liderin e saj historik!
Për të mos u mjaftuar me kaq shpikën dhe një 8 Janar për ti dhënë një dru të mirë të gjithë atyre demokratëve që duan ta rrëzojnë komunizmin nga pushteti dhe nuk e përfillin faktin se, shyqyr që e ka Lulzim Basha me shokë! Por, sërish një gjë çaloi ndonëse këtë rradhë këta farkëtar të ri përveç pushtetit socialist kishin mbështetjen e amabsadave të huaja, tashmë me theks të veçantë të asaj amerikane dhe britanike: Anëtarësia!
Sot, në 32 vjetorin e virusit “Berisha”, kur Sali Berisha u detyrua të filloi procesin e ringjalljes së shpresës me ca demokratë që i shpëtuan pandemisë shqiptare të Sigurimit, kur nuk prek dot pultin e televizionit se të del Edi Rama ose Enkelejd Alibeaj duke fol për rrezikun Berisha; Nuk prek dot as celularin se të dalin lajmet e portaleve me kryetar KLGJ-je ose KQZ-je që duan të na bindin se e keqja më e madhe e këtij vendi të shkatërruar nga komunistët është Sali Berisha, pronarët e plaçkitur nga komunistët që akuzojnë Sali Berishën që mbetën pa prona, dhe, të përndjekurit politik që akuzojnë se dosjet e hartuara nga baballarët e Edi Ramës nuk i hapi Sali Berisha; Sigurimi i Shtetit po feston zhdukjen nga faqja e dheut të gjeneratës së tretë që mund të ishte rritur në normalitet, dhe shqiptarët e lindur në demokraci nuk kanë as ideal, as ëndërr dhe as shpresë!
Dhe, për të funksionuar i gjithë ky zjarr shkatërrimtar kombëtar, shihen Andartët, po, po, ata që ishin në qeverinë socialiste të Fatos Nanos, se si tashmë të ndarë rreth Saliut ose Lulit, po fusin pa ndërprerë dru, sapo shfaqen shenjat e kurimit nga Berishavirusi! Ndërsa Sigurimi i Shtetit po kujdeset që me qoka dhe para të garantoj përmes ca asqerëve të Lulzim Bashës, furnizimin solid me dru shkoze!
Sa do të zgjasë e gjithë kjo pandemi që një përbindësh si Sigurimi i Shteti e sajoi, në kohë është e vështirë të përcaktohet, por, mënyra është një dhe e vetme pa u djersitur me zbulimin e vaksinës kundër Berishavirusit:
Shkatërrimin e laboratorit të Sigurimit të Shtetit!
