Berlin, I dërguari i Presidentit Trump takim me delegacionin e LDK

I dërguari i posaçëm i Presidentit amerikan Donald Trump, Ambasadori Richard Grenell, zhvilloi sot në Berlin një takim me delegacionin e LDK-së kryesuar nga Nënkryetari Agim Veliu.

Gjatë bisedës, Ambasadori Grenell inkurajoi delegacionin e LDK-së që të ruajë përkushtimin për rend dhe ligj dhe të marrë vendime të cilat e avancojnë dialogun me Serbinë.

“Ambasadori Grenell, po ashtu, kërkoi nga delegacioni që të hiqet tarifa ndaj mallrave serbe dhe të përqendrohet në politikat që thellojnë zhvillimin ekonomik dhe krijojnë vende pune për popullin e Kosovës,” thekson LDK përmes një komunikate.

Nga ana e tij, delegacioni i LDK-së e njoftoi ambasadorin Grenell për përpjekjet që po bëhen për të arritur një marrëveshje për formimin e Qeverisë.

Ndryshe, përveç Nënkryetarit Agim Veliu, pjesë e delegacionit ishin edhe Avdullah Hoti e Skender Hyseni.