Besart Kadia në Ministri të Financave, ministrja Anila Denaj në “karantinë’

Pas emërimit të djeshëm të Besart Kadisë si Zv/Ministër i Financave, sot ministrja Anila Denaj publikoi lajmin se ka rezultuar pozitiv me COVID-19 dhe është karantinuar duke ndjekur udhëzimet e mjekëve.

“Të dashur miq, Pas testimit për COVID 19, ju informoj se kam rezultuar pozitive. Aktualisht jam karantinuar, duke ndjekur udhëzimet e mjekëve për hapat e mëtejshëm dhe trajtimin gradual të sëmundjes.

Ju ftoj të gjithëve, të zbatojmë rregullat e higjienës dhe të mbajmë maskën duke ruajtur distancën sociale. Ju uroj shëndet të plotë!” shprehet ministrja e Financave dhe Ekonomisë, Anila Denaj, në njoftimin e saj përmes rrjetit social Facebook ndërkohë pritet se cili do të jetë reagimi i Besart Kadisë në mungesë të ministres, dhe nëse do të përfitoj nga kjo “karantinë” njëri ndër biznesmenët më të përfolur në Shqipëri, Ballkan dhe më gjërë, Samir Mane, i njohur tashmë dhe për bashkëpunimin me Zv/Ministrin Kadia.

Ndryshe, para emërimit nga Edi Rama si Zv/Ministëri i Financave, Besart Kadia me fanellën e PD kishte përpalsje të forta me ministren Anila Denaj. Sa kanë ndryshuar këto raporte, meqë ekonomia shqiptare është në gjendje shumë më të rëndë se sa në kohën kur zhvilloheshin debate, mebetet për tu parë.

Gjithsesi, emëruesi i tyre i përbashkët tashmë është, oligarku, atij që i shërbejnë.