Beteja me COVID-19, çifti i pensionistëve: 5 mln lekë borxh! Ish-Deputetja: Ku ishte shteti?!
Pensionistë, 15.000 lekë të ardhura dhe prekesh nga COVID-19 në shtetin e qeverisur nga Edi Rama, kjo është më shumë skamje. Dhe, përballjen me këtë tragjedi ekonomike, sociale dhe shëndetësore, në takim me Ish-Deputeten e Partisë Demokratikja, Orjola Pampuri, e ka rrëfyer sot në Tiranë, çifti i pensionistëve Hazbie e Qazim Noka.
Qazim Noka, thotë se merr vetëm 80 mijë lekë të vjetra pension dhe bashkëshortja 70 mijë lekë të vjetra. Duke rrëfyer para Ish-Deputetes Orjola Pampuri thotë se ishte detyruar të marrë borxh për vizitat dhe kurën e COVID-19, ku e gjitha i kushtoi mbi 5 milionë lekë, para të cilat i ka marrë borxh ndërsa nga shteti nuk ka marrë asnjë ndihmë.
Biseda e Ish-Deputetes së PD, Orjola Pampuri, me çiftin e pnesionistëve Hazbie e Qazim Noka
Qazim Noka: Unë quhem Qazim Melaim Noka. Kam vuajtur një sëmundje prej tre muajsh. Krejt vizitat çfarë kanë qenë në fillim dhe mbarim, i kam bërë privatisht. Kemi marrë lekë borxh me gjithë palën. Njëri merr 70, tjetri 80 mijë lekë pension.
Orjola Pampuri: Ndërkohë sa ju kushtojnë ilaçet që keni marrë ju dhe për zonjën për COVID-in?
Qazim Noka: Me të thënë të drejtën ka shkuar te pesa e përpjetë.
Orjola Pampuri: Sa? Pesë?
Hazbie Noka: 5 milionë lekë.
Orjola Pampuri: Dhe ku i keni gjetur këto, ju thatë që i keni marrë borxh?
Qazim Noka: Për Zotin borxh.
Orjola Pampuri: Në të gjithë këtë shteti nuk ka qenë fare prezent që t’ju mbështesë si pensionist?
Qazim Noka: Absolutisht, as edhe një paracetamol më të vogël nuk e kemi marrë prej shtetit.
Orjola Pampuri: Ndërkohë që pensionet tuaja janë 70, 80…
Qazim Noka: 85 merr plaka, 80 marr unë. Dhe kjo ka qenë krejt historia. Me oksigjen, me të tëra gjërat domethënë, është bërë shtëpia spital…
Orjola Pampuri: Gjithçka e keni përballuar me lekët e juaja?
Qazim Noka: Gjithmonë, deri tek një lekëshi. Me i pa është një thes. Shiko si janë.
Orjola Pampuri: Një thes me analiza, që të gjitha kanë kushtuar një mal me lekë.
Qazim Noka: Vallahi kanë kushtuar një mal me lekë. Të dy kemi qenë keq. Unë njëherë ja di Zotit, shyqyr që na ka falur jetën. Ilaçet jo, jo. Ilaçet i kemi borxh.
Orjola Pampuri: Sot si keni larë akoma paratë që keni shpenzuar?
Hazbie Noka: Ku t’i marrim?!
Qazim Noka: Absolutisht, absolutisht!
Hazbie Noka: Nuk na dalin çaj me ble.
Qazim Noka: Me një pension 70, 80, 150 mijë lekë. Çfarë do bëjmë ne me 150 mijë lekë?
Orjola Pampuri: Nuk dilet për të ngrënë, jo më të përballosh ilaçet.
Qazim Noka: Moj për çaj nuk del e për kafe. Kjo ka qenë krejt historia.
Oriola Pampuri: Shyqyr që jeni mirë1!
Qazim Noka: Ju falënderoj shumë!
Oriola Pampuri: Ju uroj shëndet dhe shyqyr që e kaluat këtë.
Qazim Noka: Faleminderit shumë!
