Beteja për Ekzekutivin!
Pushteti buron nga individi! Ky ishte rreziku që i kanosej Kosovës që nga dita e çlirimit duke u vulosur së fundi me shpalljen e pavarësisë dhe Planin e Ahtisarit, për ta humbur përfundimisht kuptimin dhe postulatin demokratik me zgjedhjet e 9 shkurtit të vitit 2025: Pushteti buron nga Populli!
Paradaoksalisht, asnjë Kryeministër i Republikës së Kosovës nuk u zgjodhë nga Përfaqësuesit e Popullit, por ishte Kryeministri, pra, Kryetari i Partisë, ai që përcaktonte këta Përfaqësues! Dhe, për fat të keq, asnjë Parlament nuk arriti ti ushtroj tri funksione që ia garanton Kushtetuta: të përfaqësimit, ligjvënies dhe të kontrollit parlamentar!
Në këtë demokraci të përçudnuar të Kosovës, kjo ndodhi edhe me vendet e rezervuara për Pakicën Serbe për të cilat ishte kujdesur aq shumë Presidenti Ahtisari në mënyrë që të kenë të garantuara të drejtat e tyre! Po, kishte një ndryshim nga partitë shqiptare ku nuk ishte lideri i partisë fituese ai që vendosi për përfaqësimin, ligjvënien dhe kontrollin parlamentar të pakicërs serbe në Kosovë, por, situata është edhe më mizerabël, Presidenti i Serbisë; Gjithësesi, sërish individi!
Nëse kësaj i shtojmë dhe faktin që edhe Gjyqësori ra pre e kësaj maskarade politike kur u ngritën themelet e shtetit nga Individi, atëherë situata është shumë më alarmante se sa një dështim me zgjedhjet e fundit parlamentare të 9 Shkurtit të vitit 2025.
Për fat të keq, Parlamenti u konstituua por jo për të vënë në jetë funksionin elektoral që ka, për zgjedhjen e Kryeministrit, kabinetit qeveritar dhe miratimit të programit të Qeverisë; Paradoksalisht, shumica jo vetëm që e bllokoi partinë fituese që të zgjedhë Qeverinë por as nuk e zgjodhi vetë, madje e bllokoi dhe funksionin e Legjislativit!
Në zgjedhjet e reja, të 28 dhjetorit, qytetari i Kosovës niset drejt kutive të votimit sërish për të zgjedhur përfaqësuesin e popullit që përfaqëson interesat e liderit të partisë dhe jo të atij që që i jep votën, Popullit!
A do të ketë Kosova një Qeveri nga zgjedhjet e 28 Dhjetorit!
Pavarësisht epilogut të këtyre zgjedhjeve, fillimisht duhet konstatuar me keqardhje se vetëm për faktin se gjithë kjo betejë elektorale po zhvillohet për Ekzekutivin dhe jo Legjislativin, ajo nuk ka lidhje me demokracinë, dhe, të dështuar janë të gjithë protagonistët e kësaj maskarade politike që vazhdojnë e veprojnë “në emër të popullit”!
Askush në Kosovë e aq më pak në diasporë, nuk duhet të bazohet në sondazhet e batonëve dhe buzhalëve, por, në ofertën qeverisëse që kanë partitë politike!
Meqë kjo ofertë nuk ndryshoi nga 9 Shkurti 2025, si nga Lëvizja Vetëvendosje ashtu dhe partia e dytë serioze, PDK, ndonëse ndryshoi liderin e saj, situata bëhet edhe më e nderë!
28 Dhjetori, si Betejë për Ekzekutivin dhe jo Betejë për Ndryshim, mund të konsiderohet nga idealistët që mbështesin partinë aktuale në pushtet si Ndryshim nëse Lëvizja Vetëvendosje fiton mbi 50 për qind të votave!
Por, për të marrë kuptimin e Ndryshimit, Lëvizja Vetëvendosje duhet që epilogun e Betejës për Ekzekutivin, pavarësisht se sa vota merr si fituese, ta kurorëzoj me një Koalicion Qeverisës me PDK-në, në mënyrë që me një shumicë absolute të kompensohet gjithë ajo kohë e humbur me “demokracinë” që ushtruan gjatë gjithë këtyre viteve të mbrapshta, të zgjidhet Presidenti i Republikës pa kurrfarë stanjacioni, dhe, të realizohet një Reformë e thellë në Drejtësi në mënyrë që të dekontaminohet mirë kjo shtyllë shtetërore që është qelbur keq nga virusi, UNMIK!
Çdo kalkulim tjetër, i llogaritur për pushtet absolut nga Lëvizja Vetëvendosje, ose i dizjanuar në birrarinë e njohur kosovare për shkatërrimin e Albin Kurtit, do të ketë pasoja të pariparueshme për Kosovën! Madje, shumë më të rënda se sa që mund ta imagjinojë një kokë që thotë se drejton një parti që është e Djathtë dhe merr leksione politike nga Edi Rama i ekstremit Të Majtë, dhe, i thotë vetes se është Kryetari i LDK-së dhe ende nuk e ka mësuar se si shkruhet fjala magjike që e trashëgoi nga Dr.Ibrahim Rugova, pa u djersitur: Lidhja Demokratike e Kosovës!
