Beteja për Kievin, Zelensky: Jemi të rrethuar, por nuk dorëzohemi!
Mëngjesi i së shtunës vazhdoi me sulmet ruse me raketa dhe artileri nga të gjitha anët ndërkohë beteja për Kievin vazhdon pavarësisht se mediat ruse flasin për praninë e forcave të kriminelit Vladimir Putinit në kryeqytetin e Ukrainës.
Agjencia e lajmeve Reuters raporton se zona në jugperëndim të Kievit është goditur këtë mëngjesme dy raketa. E paqartë është se cilat ishin objektivat por autoriteteve ukrainase bëjnë të ditur se një nga raketat goditi një ndërtesë banimi.
Sipas Agjencisë së lajmeve Reuters një raketë ra në zonën afër aeroportit Zhuliany të Kievit.
Ndërkohë që Agjencia ruse e lajmeve Interfax raporton se trupat ruse pushtuan qytetin juglindor Melitopol dhe se forcat ruse po kryejnë sulme të koordinuara me raketa dhe artileri në Kiev dhe disa qytete tjera, Presidenti i Ukrainës, Volodymyr Zelensky, mëngjesin e 26 shkurtit tha se forcat ruse rrethuan Kievin, por se Ukraina nuk do të kapitullojë.
Mos u besoni lajmeve të rreme, porositi Zelensky në përmes një videomesazhi në rrjetit social Twitter:
Не вірте фейкам. pic.twitter.com/wiLqmCuz1p
— Володимир Зеленський (@ZelenskyyUa) February 26, 2022
“Ka shumë informacione të rreme në internet se i kam bërë thirrje ushtrisë sonë të lërë armët dhe se ka një evakuim timin. Unë jam këtu. Ne nuk po i lëmë armët. Ne do të mbrojmë vendin tonë, sepse arma jonë është e vërteta dhe e vërteta jonë është se kjo është toka jonë, vendi ynë, fëmijët tanë dhe ne do t’i mbrojmë të gjitha këto. Kjo është ajo. Kjo është gjithçka që doja t’ju them. Lavdi Ukrainës,” tha Volodymyr Zelensky para Presidencës në qendër të Kievit.
Kjo deklaratë e Volodymyr Zelenskyt pason thirrjen që ai i bëri qytetarëve të Ukrainës të qëndrojnë të palëkundur kundër rrethimit që, siç tha, mund të përcaktojë të ardhmen.
Ndërs Ushtria e Ukrainës ka bërë të ditur se mbi 3.500 ushtarë rusë janë vrarë dhe 200 janë zënë robër që nga ndërhyrja e forcave ruse në Ukrainë, më 24 shkurt . Gjithashtu, Rusia ka humbur edhe 14 avionë, 8 helikopterë dhe 102 tanke.
Ndryshe, Presidenti i Ukrainës, Volodymyr Zelensky, refuzoi dhe ndihmën e Washingtonit për evakuuim, duke u shprehur qartë: Lufta është këtu. Unë kam nevojë për municion, jo për udhëtim!
